भजन संग्रह 45:9 - Sunuwar Bible

⁹ इन कली मान पाइब आन दातेमी पिप आन तमी यो बाक्‍नीम। इन ग्‍युरा गे ओफीर ङा सुनम ग्‍योम्‍सीशो पिपीम राप्‍ब।

भजन संग्रह 45:9 ပူးပေါင်းရင်းမြစ်များ

१ राजा 10:11

मेको नेल्‍ल प्रोंइशा यो हीराम आ जहाजपुकीम ओफीर रे सुन चाक्‍बाक्‍मा बाक्‍त। मेकोपुकीमी जहाजम सिरी खन्‍ड के शुश क्‍येट लाइब शी नु हीरापुकी चाक्‍बाक्‍मा बाक्‍त। १राजा ९:२७-२८

१ राजा 2:19

मोपतीके बाथ्‍शेबा अदोनीयाह आ पर्बम लोव़ पथ पिप सोलोमन आ बाक्‍तीक लमाक्‍त। मिनु पिप मेको कली मान पथ बोक्‍माक्‍त। मिनु आ ममा आ ङोंइती बाप्‍शा मान पा, आ नित्‍तीकेम निस्‍से बाक्‍त। पिप सोलोमनम आ ममा कली नित्‍चा कली नित्‍तीक का चाक्‍पदा बाक्‍त। मिनु मेको पिप आ ग्‍युरा गे निस्‍से बाक्‍त।

१ राजा 2:9

तन्‍न मुल गे मेको कली दोस मताइब ममिम्‍तो। गे जोक्‍ब तुइक्‍ब मुर बाक्‍नेवे। मोपतीके मेको कली मार पचा माल्‍बा, मेको तुइक्‍नेवे। मेको आ बोइश्‍शो चां हुश सुन्‍दा बेक्‍शो मुर आन बाक्‍तीकेम सोइक्‍तो” देंमाक्‍त।

१ इतिहास 1:23

ओफीर, हवीलाह नु योबाब बाक्‍मा बाक्‍त। मेको नेल्‍ल योकतन आ चच युइ बाक्‍मा बाक्‍त। उत्‍पत्ती ११:१०-२६

अय्‍युब 22:24

गे सुन फुरक खोदेंशो मिम्‍ताक्‍नी हना, ओफीर ङा सुन कली खोला ङा फुल्‍लु खोदेंशो मिम्‍ताक्‍नी हना,

भजन संग्रह 45:13

पिप आ तमी थम दारशो नु सुन के श्‍येलेम प्रोव़शो वा फेक्‍शा, आ बाक्‍तीकेम बाक्‍ब।

भजन संग्रह 72:10

टारशीश नु ङोन ङा टापु ङा पिपपुकीमी मेको कली तिरो थाप्‍तमेक्‍ल। शेबा नु सेबा ङा पिपपुकीमी मेको कली कोसेली चाक्‍गमेक्‍ल। यसैया ६०:९; भजन संग्रह ६८:३०; १राजा १०:१-२

हितोपदेस 7:17

गो आं ब्राख्‍येमी मूरे, एलोव़ नु सिन्‍कौलीमी ब्रोव़शो रिना पपाइक्‍ता।

ठेयब कुम्सो 7:1

पिप आ तमी, जुत्ता लिक्‍शो इ खोइल गिश दारशो बाक्‍ब। इ क्रातो थाम्‍पा मार मार सेल्‍स जोक्‍बमी सेल्‍शो खोदेंशो बाक्‍ब। मेको हीरा खोदेंशो बाक्‍ब।

यसैया 49:23

मिनु पिपपुकी इ कली कोव़ब आफ नु पिपीमपुकी इ कली दूध तुंइब ममा दुम्‍नीम। मेकोपुकी इ ङोंइती बाप्‍शा, इ फुरक लुम्‍सीशो खोइली तुक्‍नीम। मिनु गो परमप्रभु यावे नङ, दे तुइक्‍नेवे। आं लां रिम्‍शा बाक्‍बपुकी मुने मदोक्‍नीम” देंत। भजन संग्रह ७२:९; यसैया ६०:१६

यूहन्‍ना 3:29

ग्‍युम्‍लेमी ग्‍युम्‍ली कली चाक्‍शो तशा, आ लोव़ नेंशा, आ वारच ग्‍येरसीब। मोपतीके गो थमा पा ग्‍येरसीनुङ। मत्ती ९:१५

प्रकाश 19:7

गो नेल्‍ल ग्‍येरसय। गो नेल्‍लेमी ‘इन सक्ति नेल्‍ल क्‍येङा ठेयब बाक्‍ब’ देंय। गो नेल्‍लेमी परमप्रभु यावे कली मान पय। मारदे हना पाठा आ ग्‍युंबे दुम्‍चशो बाक्‍त। मिनु आ ग्‍युम्‍लीम आंम कली ग्‍योम्‍सीशा, ठीक दुम्‍शो बाक्‍त। प्रकाश २१:९

प्रकाश 21:2

परमप्रभु यावे आ सहर नक यरूसलेम माइश्‍शो परमप्रभु यावे आ बाक्‍तीके रे यिना यिन पाइश्‍शो ताता। मेको सहर ग्‍युम्‍ले कली ग्रुम्‍चशो ग्‍युम्‍ली खोदेंशो दुम्‍शा, ग्‍योम्‍सीशा यिशो बाक्‍त। गलाती ४:२६; हिब्रू १२:२२; प्रकाश १९:७-८

प्रकाश 21:24

मिनु रागी रागी ङा मुरपुकी मेको सहर ङा छेङछेङमी बाक्‍नीम। मिनु रागी रागी ङा पिप आन शोंप नु दारस मेकेर चाक्‍नीम।

प्रकाश 21:9

मिनु नोले गो परमप्रभु यावे आ स्‍वर्ग ङा गेय पाइब का जाक्‍शो ताता। मेको सु बाक्‍त देंशा हना, ङोंइती ङा ७ जना श्‍येतमी ब्रीशो डप्‍का कुरबपुकी ङा का बाक्‍त। मेकोमी आं कली “एके पिवो, गो इ कली ग्‍युम्‍ली कोंइनुङ। मेको ग्‍युम्‍ली पाठा आ मीश बाक्‍ब” दे माइक्‍ती।