भजन संग्रह 45:8 - Sunuwar Bible

⁸ इन वा नेल्‍ल एलोव़, मूरे नु ब्रोव़शो रिना पाइश्‍शो बाक्‍नीम। हात्ती आ दारामी दारपाइश्‍शो दरवारम बाक्‍शा, तार पाइश्‍शो ताप्‍तीके ताप्‍शा इन कली ग्‍येरपाइक्‍ब।

भजन संग्रह 45:8 ပူးပေါင်းရင်းမြစ်များ

१ राजा 22:39

आहाब आ पशो अरु गेय, मेको आ पशो नेल्‍ले, मेको आ सेल्‍शो हात्ती आन ख्रुइ के खिं नु मेको आ सेल्‍शो सहरपुकी, मार, मेको इस्राएल ङा पिप आन इतिहासम ब्रेक्‍शो मबाक्‍बा ङा?

भजन संग्रह 11:7

परमप्रभु यावे ठीक पाइब बाक्‍ब। मोपतीके ठीक पतीके दाक्‍ब। मिनु रिम्‍शो थुं पाइश्‍शो मुरपुकीमी आ कुल ताइनीम। मत्ती ५:८

भजन संग्रह 150:4

खैजडी ताप्‍शा, सिल पा मेको कली ठेयब सेलीन। तार पाइश्‍शो ताप्‍तीक नु बांसुरी ताप्‍शा, मेको कली ठेयब सेलीन।

भजन संग्रह 16:11

गे आं कली ब्रोंइतीक लां कोंइनीनी। गो इन ङोंइती बाक्‍ङानु, आं थुं ग्‍येरतीकेम ब्रीब। इन ग्‍युरा गे बाक्‍ङानु, गेना हना यो थम रिम्‍शो दुम्‍नुङ” दे लोव़ पाता।

भजन संग्रह 45:15

मिनु मुरपुकीमी मेको आन कली ग्‍येरशो कुम्‍सो पा लां कोंइनीम। मिनु पिप आ खिं ओंइनीम।

ठेयब कुम्सो 1:13

आं दाक्‍शो मुर आं कुचु आ दातेम ब्रोव़शो रिना पाइब मूरेम ब्रीशो थैली खोदेंशो बाक्‍ब।

ठेयब कुम्सो 1:3

इन ख्रेक्‍तीक तेल ब्रोव़शो रिना पाइश्‍शो बाक्‍ब। इन नें ब्रोव़शो रिना पाइश्‍शो तेल मोइश्‍शो खोदेंशो बाक्‍ब। मोपतीके मीश आलपुकीमी इन कली दाक्‍नीमी।

ठेयब कुम्सो 3:6

गोरशो रागी रे मार जाक्‍बा? कुन के थाम खोदेंशो तांइसीब। मिनु मेको मूरे नु धूप खोदेंशो ब्रोव़शो रिना पाइब। मेको ग्‍याप्‍ब लेयब आन मस्‍ला खोदेंशो पा रिना पाइक्‍तु।

ठेयब कुम्सो 4:6

ग्‍यू दुम्‍चा नु वांकु जाम्‍शा लचा क्‍येङा ङोंइती, गो ब्रोव़शो रिना पाइब डांडा नु धूप बाक्‍शो डांडा लाइ‍नुङ। ठेयब कुम्‍सो २:१७

ठेयब कुम्सो 5:1

ए आं समी, आं ग्‍युम्‍ली, गो आं फल फुल रूमी जाक्‍ती। गो आं ब्रोव़शो रिना पाइश्‍शो मूरे नु मस्‍ला खुप्‍ताक्‍ङमी। गो आं सुरबु चाका नु आं खुदो जाइनुङ। गो आं अङगुर शांबु नु आं दूध तूनुङ। ए वारचपुकी, जने तूङीन। वारचपुकी दाक्‍तीकेम दुक्‍शो खोदेंशो दुमीन।

ठेयब कुम्सो 5:13

मेको आ चोव़चो ब्रोव़शो रिना पाइब मस्‍ला खोदेंशो बाक्‍ब। मेको आ शुंइच ब्रोव़शो रिना पाइश्‍शो मूरे याप्‍ब लिली फू खोदेंशो बाक्‍ब।

ठेयब कुम्सो 5:5

मिनु गो आं दाक्‍शो वोंइश मुर कली लाप्‍चो रोक्‍चा कली बोक्‍ती। आं गुइ रे ब्रोव़शो रिना पाइश्‍शो मूरे याप्‍त। मिनु आं ब्रेप्‍चो रे ब्रोव़शो रिना पाइश्‍शो मूरे याप्‍शा आग्‍लोम लुम्‍साक्‍व।

आमोस 3:15

गो हिंउदमी बाक्‍तीक खिं नु हुप्‍शोमी बाक्‍तीक खिं निम्‍फा प्रेत्‍नुङ। मिनु हात्ती आ दाराम दारशो सेल्‍शो खिं ब्रेत्‍नीम। मिनु ठेयब खिंपुकी यो खतम सेल्‍नुङ” दे परमप्रभु यावेमी देंत। १राजा २२:३९; भजन संग्रह ४५:९

मत्ती 2:11

मिनु ओव़शा, आल नु आल आ ममा मरीयम कली तामे बाक्‍त। मिनु आन पोक्‍च थेक्‍शा आल कली ठेयब सेल्‍मे बाक्‍त। मिनु आन कुरशो थैलो प्राक्‍शा, सुन धूप नु ब्रोव़शो रिना पाइब थोव़क ग्रुंइशा ख्रेत्‍तमे बाक्‍त। भजन संग्रह ७२:१०,१५; यसैया ६०:६

यूहन्‍ना 14:2

आं आफ बाक्‍तीकेम शुश मुर आन कली बाक्‍तीक सेल्‍शो बाक्‍नीम। मोपतीके इन बाक्‍तीक ठीक पथ लाइनुङ।

यूहन्‍ना 19:39

ङोंइती येसु नु लोव़ पचा कली नाक्‍दो जाक्‍शो निकोदेमसमी येसु आ बेक्‍शो रां गिल्‍चा, दे सहे का लित्रा मूरे नु एलोव़ माइश्‍शो के सेल्‍शो ब्रोव़शो रिना पाइब थोव़क चाक्‍शा जाक्‍त। लित्रा का ३२७ ग्राम बाक्‍ब। यूहन्‍ना ३:२

हिब्रू 12:2

थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०