भजन संग्रह 45:3 - Sunuwar Bible

³ गे बोल्‍यो मुर, इन किप्‍शुर किप्‍शा इन तरवार पिम्‍सीन। मिनु इन दारस नु इन मान ततीके कोंइदीन।

भजन संग्रह 45:3 ပူးပေါင်းရင်းမြစ်များ

अय्‍युब 1:16

मेकोमी मेको लोव़ पन पना अर्को लोव़ कुरब मुर का जाक्‍शा, मेकोमी “परमप्रभु आ मी सरीङ रे दोक्‍शा, भेडा नु गोठला नेल्‍ल आन कली नेक्‍तु। इन कली एको लोव़ शोव़चा कली गो का ला ब्रोंइती” देंमाक्‍त। भजन संग्रह ७८:४८

भजन संग्रह 104:1

आं थुं, परमप्रभु यावे कली ठेयब सेलो। परमप्रभु यावे, आं परमप्रभु गे थम ठेयब बाक्‍नीनी। ठेयब दुम्‍तीके नु मान ततीके इन के बाक्‍ब।

भजन संग्रह 145:12

मेकोपुकीमी इन ठेयब सक्ति पाइश्‍शो गेय नु इन राज्‍य ङा दारस आ पर्बम मुर आन कली तुइक्‍पाइक्‍चा माल्‍नीम।

भजन संग्रह 145:5

आं पिप, गो इन शुश दारस ङा मान ततीके नु इन छक लाक्‍चा ङा गेय आ पर्बम मिम्‍ना मिम्‍न बाक्‍नुङ। भजन संग्रह १९:२-७

भजन संग्रह 21:5

इन प्रोंइतीकेमी आ दारस ठेयब दुम्‍त। शोंप नु मान ततीके मेको तारी वोइक्‍तीनी।

भजन संग्रह 21:7

मारदे हना पिपमी परमप्रभु यावे कली थमा सुइश्‍शा, नेल्‍ल क्‍येङा ठेयब आ गेना हना यो दाक्‍तीकेमी पोक्‍च थेक्‍शा बाक्‍ब।

भजन संग्रह 96:6

मान ततीके नु नेल्‍ल क्‍येङा ठेयब दुम्‍तीके मेको नु बाक्‍ब। मेको आ बाक्‍तीक सक्ति नु छेङछेङम ब्रीशो बाक्‍ब।

ठेयब कुम्सो 2:3

आं वोंइश मुर अरु ठिटा आन दातेमी ब्‍वाकीम बाक्‍शो रवा आन दाते ङा स्‍याउ रवा खोदेंशो बाक्‍ब। गो मेको आ वांकुम थुं नाइश्‍शा बाक्‍नुङ। मेको आ फल ब्रोव़शो बाक्‍नीम।

ठेयब कुम्सो 5:13

मेको आ चोव़चो ब्रोव़शो रिना पाइब मस्‍ला खोदेंशो बाक्‍ब। मेको आ शुंइच ब्रोव़शो रिना पाइश्‍शो मूरे याप्‍ब लिली फू खोदेंशो बाक्‍ब।

यसैया 49:2

मेकोमी आं शोव़ हेश्‍शो तरवार खोदेंशो सेल्‍तु। आं कली आ गुइमी सुम्‍शा, ख्रुइक्‍ताक्‍यी। मेकोमी आं कली हेश्‍शो ब्रा खोदेंशो सेल्‍शा, आ ब्रा कुरतीकेम कुर पा ख्रुइश्‍शा वोइक्‍ती। हिब्रू ४:१२; प्रकाश १:१६; यसैया ५१:१६

प्रेरित 10:36

परमप्रभु यावेमी येसु ख्रीस्‍त आ पतीकेम आंइ इस्राएल ङा मुर आन कली ग्‍येरपाइक्‍ब लोव़ नेंपाइक्‍तु। मिनु येसु ख्रीस्‍त नेल्‍ल आन प्रभु बाक्‍ब। एफिसी २:१७

रोमी 14:9

मारदे हना ख्रीस्‍त बेक्‍शा, बेक्‍शो रे सेंसीशा, नेल्‍ल आन कली कोव़ब दुम्‍त। बेक्‍शो, ब्रोंइशो मुर नेल्‍ल आन प्रभु बाक्‍ब।

हिब्रू 1:3

आ तौ आ आफ आ सक्ति नु छेङछेङ बाक्‍ब। मिनु आ सक्ति ङा लोव़ पतीकेमी नेल्‍ल आन कली कोव़ना कोव़न बाक्‍ब। मेकोमी पाप क्‍याम्‍तीक गेय पने थुम्‍शा, नेल्‍ल क्‍येङा ठेयब मान ताइब आ ग्‍युरा गे निश्‍शो बाक्‍ब।

हिब्रू 4:12

मारदे हना परमप्रभु यावे आ लोव़ ब्रोंइतीक सक्ति पाइश्‍शो, गेय पाइब नु निम्‍फा पटटी हेश्‍‍शो तरवार क्‍येङा हेश्‍शो बाक्‍ब। मेकोमी श्‍ये नु रुश, सोक्‍त नु थुं तिल्‍ब। मिनु मिम्‍तीके नु थुं ङा लोव़ नेल्‍ल नाक्‍ने चाप्‍ब। प्रकाश २:१२; येरमीया २३:२९

हिब्रू 8:1

मुल सम्‍म पशो लोव़मी नेल्‍ल क्‍येङा तुइक्‍चा माल्‍शो लोव़ मार बाक्‍ब देंशा हना, इं के ठेयब चढ़ेब स्‍वर्गम बाक्‍ब। मेको नेल्‍ल क्‍येङा ठेयब मान पाइक्‍चा पुंइसीब आ ठेयब नित्‍तीके आ ग्‍युरा गे बाक्‍शो बाक्‍ब। हिब्रू ४:१४

यहूदा 1:25

परमप्रभु यावे का ला बाक्‍ब। मेकोमी इं प्रभु येसु ख्रीस्‍त आ पतीकेमी इं कली पाप रे प्रोंइतु। नेल्‍ल छेङछेङ पाइश्‍शो, नेल्‍ल क्‍येङा ठेयब दुम्‍तीके, नेल्‍ल सक्ति नु नेल्‍ल अधिकार मेको केन बाक्‍ब। मेको ङोंइती बाक्‍त। मुल यो बाक्‍ब। मिनु गेना हना यो बाक्‍ब। आमेन।

प्रकाश 1:16

मिनु मेको आ ग्‍युरा गुइमी ७ ओटा सोरुल शेशो बाक्‍त। मिनु निम्‍फा गे क्‍योरतीक पाइश्‍शो हेश्‍शो तरवार का आ शोव़ रे ग्रूत। मिनु आ कुल नाक्‍त ङा नां खोदेंशो पा कोव़ने मचाप्‍चा ङा तांइसाक्‍व।

प्रकाश 19:15

मिनु मेको ङोंइती ङा बुश शारा ङोइक्‍ब आ शोव़ रे रागी रागी ङा मुर आन कली साइक्‍चा कली हेश्‍शो तरवार का ग्रूत। मिनु मेकोमी फलाम के कोक्‍केमी मेको आन कली सासन पाइब, नेल्‍ल सक्ति पाइश्‍शो परमप्रभु यावे आ गाइक्‍चा ङा कोल खोइलीमी दिम्‍ब। भजन संग्रह २:९; प्रकाश १४:१९-२०

प्रकाश 19:21

मिनु लीशो मेको आस फौजपुकी चहिं मेको बुश शारा ङोइक्‍ब आ शोव़ रे ग्रूशो तरवारमी साइक्‍चा पुंइसाक्‍म। मिनु चिक्‍बपुकी मेको नेल्‍ल आन श्‍ये ब्‍वशा रूतेक्‍म।

न्‍यायाधीस 3:16

मिनु एहूदमी आंम कली कुबीत का लाइश्‍शो निक्‍शी गे हेश्‍शो क्‍योरतीक पाइश्‍शो तरवार का सेल्‍शा, आ वा आगामी ग्‍युरा गे ख्रुइश्‍शा पिप्‍शा कुरा बाक्‍त। कुबीत का ०,५ मिटर कि ठेयब हात का खोदेंशो बाक्‍ब।