भजन संग्रह 43:1 - Sunuwar Bible

¹ परमप्रभु, आं कली वारच पाइय्‍यीनी। इन कली थमा मसुइक्‍ब मुर आन पर्बम आं पोन बोक्‍कीन। मिनु जोल पाइब नु मरिम्‍शो पाइब मुरपुकी रे आं कली प्रोंइयीनी।

भजन संग्रह 43:1 ပူးပေါင်းရင်းမြစ်များ

२ सामुएल 15:31

मिनु दाऊद कली अहीथोफेल मरिम्‍शो पाइ‍ब आन दातेम अब्‍सालोम नु बाक्‍त देंशो लोव़ नेंपदमे बाक्‍त। मिनु दाऊदम “परमप्रभु यावे अहीथोफेल आ अर्ती शोर गाक्‍शो सेलीन” दे पुंना बाक्‍त। २सामुएल १७:१४

२ सामुएल 16:20

मिनु अब्‍सालोममी अहीथोफेल कली “आंइ कली इन अर्ती गेने। गो दोपा गेय पचा माल्‍नीकी?” दे हिल्‍लो पवा बाक्‍त।

२ सामुएल 18:8

लडाइ राज्‍य आ एर ओंथ नेल्‍ल ब्रमाक्‍त। तरवारम साइश्‍शो क्‍येङा ब्‍वाकीम साइश्‍शो मुर शुश दुम्‍‍मा बाक्‍त।

भजन संग्रह 140:5

ठेयब लेश्‍शो मुरपुकीमी ख्रुइश्‍शा आं कली ब्‍वारद दाइक्‍ताक्‍म। डोरी के ब्‍वारद दाइक्‍ताक्‍म। मेकोपुकीमी आं लांमी ब्‍वारद दाइक्‍ताक्‍म। ठेयब सेंदा पा

भजन संग्रह 26:1

परमप्रभु यावे, आं कली निसाफ पने। गो मारेइ दोस तचा ङा गेय मपङ। परमप्रभु यावे, गो इन कली जिम्‍मा गेंसीशा, महिम्‍सीथु बाक्‍ती।

भजन संग्रह 35:1

परमप्रभु यावे, आं कली जिचा तोइब आन कली जिचा तोने। आं कली लडाइ तोइब आन कली लडाइ तोने।

भजन संग्रह 35:24

परमप्रभु यावे, आं परमप्रभु, इन ठीक पतीकेम आं कली निसाफ पने। आं पर्बम मेकोपुकी ग्‍येरचा मतामेक्‍ल।

भजन संग्रह 5:6

गे जोल पाइब आन कली खतम पाइनीनी। मिनु हुश ख्राक्‍श पोक्‍ब नु थमा मसुइक्‍ब मुर आन कली ग्रांग्रा दित्‍नीनी।

भजन संग्रह 54:3

मरिम्‍शो पाइबपुकी आं गे बारतेक्‍म। हुश ख्राक्‍श पोक्‍बपुकीमी साइक्‍चा माल्‍तीमी। मेकोपुकी परमप्रभु कली ममिम्‍थु, महिंनीम। ठेयब सेंदा पा।

भजन संग्रह 7:7

मिनु रागी रागी ङा मुरपुकी इन ङोंइती राप्‍नीम। मोपतीके इर ङा इन बाक्‍तीकेम मेको आन कली निसाफ पचा कली इन ठेयब नित्‍तीकेमी निस्‍सीन।

भजन संग्रह 7:8

परमप्रभु यावे जात जात ङा मुर आन कली निसाफ पाइब बाक्‍ब। परमप्रभु यावे, आं ठीक पशो नु आं आगाम बाक्‍शो ठीक पाइब थुं तशा, आं कली निसाफ पने। भजन संग्रह १८:२१-२७

भजन संग्रह 7:9

इन अरेशो मटीब आन मरिम्‍शो पतीके थुम्‍पतीन। मिनु नोले गे ठीक पाइब आन कली बोल्‍यो सेलीन। ठीक पाइब परमप्रभु, गे मुर आन थुं नु आन पतीके नाक्‍ब बाक्‍नीनी। भजन संग्रह १०४:३५; भजन संग्रह १३९:१; येरमीया ११:२०; प्रकाश २:२३

भजन संग्रह 71:4

आं परमप्रभु, गे आं कली इन अरेशो मटीब आन गुइ रे राइक्‍तीनी। ठीक मपाइब नु तुप्‍शा दिप्‍ब मुर आन गुइ रे राइक्‍तीनी।

भजन संग्रह 75:7

तन्‍न परमप्रभुमी मुर आन कली निसाफ पाइब। मेकोमी का निक्‍शी आन कली दिप्‍ब, का निक्‍शी आन कली क्‍युक्‍ब। १सामुएल २:७

हितोपदेस 22:23

मारदे हना परमप्रभु यावेमी मेको आन कली वारच पाइब। मेकोमी मेको रोइक्‍ब आन ब्रोंइतीक रोइक्‍ब।

हितोपदेस 23:11

मारदे हना मेको आन कली श्‍येत रे प्रोंइब बोल्‍यो बाक्‍ब। मेकोमी मेको आन पर्बम इ कली श्‍येत गेब।

मीका 7:9

आं कली निसाफ पा वारच मपवा सम्‍म गो परमप्रभु यावे आ गाइश्‍शो फाल्‍चा माल्‍नुङ। मारदे हना गो मेको कली पाप पाता। मेकोमी आं कली आ शिशी तपाइक्‍चा कली छेङछेङम ग्रुंइब। येरमीया १४:७

१ कोरिन्‍थी 4:4

गो मारेइ मरिम्‍शो मपङ, दे मिम्‍नुङ। तन्‍न मतुइक्‍थु, पङा कों? आं कली निसाफ पाइब प्रभु बाक्‍ब।

१ पत्रुस 2:23

मुरपुकीमी मेको कली शुक्‍शी लोव़ पाम्‍तेक्‍म हना यो, मेको आन कली लोव़ मलेत्‍त। मिनु श्‍येत जशा यो, मुर आन कली हिंच मकोंइद। तन्‍न ठीक पा निसाफ पाइब कली जिम्‍मा गेंसाक्‍व।

१ सामुएल 24:15

परमप्रभु यावे निसाफ पाइब बाक्‍ब। मिनु मेकोमी इस दातेम निसाफ पवल। परमप्रभु यावेम कोव़ङल। आं परमप्रभु यावेम आं कली इन गुइ रे प्रोंइब” देंमाक्‍त।