भजन संग्रह 41:9 - Sunuwar Bible

⁹ गो आं नेक्‍था ङा वारच, आं शोब्‍ले जाइबमी यो, आं कली ताइक्‍चा कली आ खोइल क्‍युक्‍तु।

भजन संग्रह 41:9 ပူးပေါင်းရင်းမြစ်များ

२ सामुएल 15:12

अब्‍सालोमम आ क्‍योरशा चढ़ेतीकेम चढ़ेवानु, गिलोह सहर ङा अहीथोफेल कली ब्रेत्‍थ सोइक्‍ता बाक्‍त। मेको अहीथोफेल चहिं गिलोह सहर ङा दाऊद कली अर्ती गेब मुर बाक्‍माक्‍त। मोपा पिप कली मरिम्‍शो गेय पना पन लशा अब्‍सालोम आ मुर शुश दुम्‍ना दुम्‍न लमा बाक्‍त। २सामुएल २३:३४; यहोसु १५:५१

अय्‍युब 19:13

मेकोम आं खिं ङा मुर आन कली आं क्‍येङा ङोन वोइश्‍‍शो बाक्‍ब। आं वारच आं कली मतुइक्‍ब दुम्‍शो बाक्‍नीम। भजन संग्रह ३१:१२

अय्‍युब 19:19

गो नु गारब वारच नेल्‍लेम आं कली ग्रांग्रा दित्‍नीम। आं दाक्‍शो मुरपुकी आं पर्बम दूली पा बोक्‍शो बाक्‍नीम।

भजन संग्रह 101:3

गो मारेइ मरिम्‍शो मिम्‍शा कोव़चा मदाक्‍नुङ। नोले शोंइसीब आन पतीके काइ मदाक्‍नुङ। गो मोदेंशो मदुम्‍ङल। हितोपदेस २०:८,२८

येरमीया 20:10

गो शुश मुरपुकीम नोफा मुइक्मुशा लोव़ पशो नेंता। मेकोपुकीमी ‘एर ओंथ नेल्‍ल हिंचा ङा श्‍येत बाक्‍ब। येरमीया कली दोस गेय। मेको आ पर्बम उजुर पय’ देंनीम। आं नेक्‍था ङा वारच नेल्‍लेमी ‘गेना दाइल पांइसीबा’ दे आं कली कोव़नीम। मिनु लेंशा ‘गो मेको आ पर्बम लोव़ पा मेको कली ग्राने चाप्‍नीकी। गो मेको क्‍येङा ग्राशा क्‍येक्‍क लेत्‍नय’ देंतेक्‍म” देंत। येरमीया २०:३; येरमीया १८:१८

ओबदिया 1:7

इ नेक्‍था ङा रागी ङा मुरपुकीमी इ कली जोल पाम्‍तेक्‍म। मेकोपुकीम इ कली खेदा पा खेरशा इ सांद सम्‍म चाक्‍तेक्‍म। इ वारचपुकीमी इ कली दिप्‍शा श्‍येत गेनीम। इ थुल्‍शो मुरपुकीमी इ कली ब्‍वारद दाइक्‍नीम। तन्‍न गे मारेइ मतुइक्‍नेवे।

मीका 7:5

इन वारच कली थमा मसुतीन। इन दाक्‍शो मुर कली थमा मसुतीन। गे नु काथा इप्‍शो मीश नु यो होस पा लोव़ पने। येरमीया ९:३-४

मत्ती 26:23

मिनु येसुमी “गो नु कालेम शोब्‍ले शेक्‍कुम तेप्‍बमी आं कली ग्‍याइक्‍पाइक्‍चा वारच पाइब।

यूहन्‍ना 13:18

मिनु येसुमी “गो नेल्‍ल इन पर्बम लोव़ मपाइनुङ। आं योव़शो आन कली तुइक्‍नुङ। परमप्रभु यावे आ ब्रेक्‍पाइश्‍शो लोव़मी मार ब्रेक्‍शो बाक्‍ब देंशा हना ‘आं शोब्‍ले जाइबमी आं कली साइक्‍चा कली आ खोइल क्‍युक्‍तु’ दे ब्रेक्‍शो बाक्‍ब। मुल मोदेंशो दुम्‍चा चिक्‍ताक्‍व। भजन संग्रह ४१:९

ब्‍यवस्‍था 32:15

मिनु येशुरुनमी दोम्‍शा ताइक्‍तु। गे दोम्‍ते। गे दोम्‍शा, ठेयब लेश्‍शो दुम्‍ते। मेकोमी आ कली सेल्‍ब परमप्रभु कली प्रोंइतु। मिनु आ श्‍येत रे प्रोंइब सेरथे फुल्‍लु, कली प्रोंइतु। येशुरुन याकूब-इस्राएल कली मान पतीक नें बाक्‍ब। ब्‍यवस्‍था ३३:५,२६; यसैया ४४:२; ब्‍यवस्‍था ३१:२०; नेहेम्‍याह ९:२५