भजन संग्रह 40:12 - Sunuwar Bible

¹² मारदे हना हिक्‍ने मचाप्‍चा ङा श्‍येतपुकीमी आं कली पुम्‍शो बाक्‍नीम। आं मरिम्‍शो पतीकेम आं पिया खुक्‍शो बाक्‍ती। मेकोपुकी आं पिया ङा चां क्‍येङा यो शुश बाक्‍नीम। मोपा आं थुं लुक्‍च लशो बाक्‍ब।

भजन संग्रह 40:12 ပူးပေါင်းရင်းမြစ်များ

उत्पत्ती 42:28

मिनु मेकोमी आ लोक्‍ब आन कली “आं क्‍येट लेत्‍मे देय मार में? आं धोक्रो आ शोव़म बाक्‍त, शां” दे लोव़ पवा बाक्‍त। मिनु नेल्‍लेमी सुर्ता पशा “परमप्रभुमी इं कली मार पवा” दे हिंमा बाक्‍त।

भजन संग्रह 116:3

गो बेक्‍चा चिक्‍शो बाक्‍ती। हेररा तुरसुम लाइक्‍चा पुंइसीशो बाक्‍ती। सुर्ता पतीके नु हिंतीके थुंम सुम्‍शो बाक्‍ती।

भजन संग्रह 19:12

आ मतुइक्‍थु दूली पशो, सुम तुइक्‍बा ङा? आं मतुइक्‍थु मरिम्‍शो पशो माफ गेयीनी। अय्‍युब ४२:३-६

भजन संग्रह 38:4

आं मरिम्‍शो पशोमी आं पिया सम्‍म ग्रुम्‍शो बाक्‍ब। मेको आं कुरने मचाप्‍चा ङा पा हेल्‍शो बाक्‍नीम। बिलाप १:१४;

भजन संग्रह 61:8

मेना गो इन नें गेना हना यो ठेयब सेल्‍तीक कुम्‍सो पाइनुङ। मिनु नाक्‍त किंत किंत गो आं कसम जशो खाप्‍नुङ।

भजन संग्रह 69:4

आं कली मोशा काइ मदाक्‍बपुकी आं चां क्‍येङा यो शुश बाक्‍नीम। मिनु मेकोपुकी मोशा आं जोरी सत्रु दुम्‍शो बाक्‍नीम। मेकोपुकीमी आं कली साइक्‍चा माल्‍शो बाक्‍नीम। आं मरोइश्‍शो मार मार थोव़क, मेकोपुकीमी ‘लेत्‍तो’ देंनीम। यूहन्‍ना १५:२५

भजन संग्रह 73:26

आं रां नु आं थुं निम्‍फा ग्‍येत्‍थ लुक्‍च दुम्‍शो बाक्‍नीस। तन्‍न परमप्रभु गेना हना यो आं सक्ति नु आं भाग बाक्‍ब। भजन संग्रह १६:५

यसैया 53:6

गो नेल्‍ले भेडा खोदेंशो दुम्‍शा लां साम्‍तक। गो नेल्‍ले आंम आंमा लां खोइक्‍तक। परमप्रभु यावेमी आंइ मरिम्‍शो पशो नेल्‍ले मेको आ तारी वोइक्‍तु। १पत्रुस २:२५; १यूहन्‍ना ३:५

लूका 21:26

मुरपुकी सरीङ नु रागी कोव़शा, हिंशा थाइनीम। मारदे हना सरीङ ङा सक्ति हिम्‍सीनीम।

हिब्रू 4:15

मारदे हना इं नेल्‍ल क्‍येङा ठेयब चढ़ेबमी इं चाप्‍तीक नु मचाप्‍तीक दोदेंशो बाक्‍बा, नेल्‍ल तुइक्‍ब। गोपुकी इं थुं थाम्‍चा पुंइसीशो खोदेंशो पा, आ यो थुं थाम्‍चा पुंइसाक्‍व। तन्‍न थुं थाम्‍चा पुंइसाक्‍व हना यो, पाप मपव। हिब्रू २:१८; यूहन्‍ना ८:४६

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।