भजन संग्रह 40:10 - Sunuwar Bible

¹⁰ गो इन मुर आन कली श्‍येत रे प्रोंइतीके आं थुंम ख्रुइश्‍शा मवोइक्‍थु, इन दाक्‍शा मप्रोंइतीके नु मुर आन कली श्‍येत रे प्रोंइतीके आ पर्बम लोव़ पाता। गो इन गेना हना यो दाक्‍तीके नु दाक्‍शा मप्रोंइतीके आ पर्बम मख्रुइक्‍थु, ठेयब ग्रुम्‍तीकेमी शेंताक्‍ङमी।

भजन संग्रह 40:10 ပူးပေါင်းရင်းမြစ်များ

भजन संग्रह 22:26

प्रुङग मुरपुकी जशा रूनीम। मिनु परमप्रभु यावे कली माल्‍बपुकीमी “परमप्रभु यावे ठेयब बाक्‍ब” देंनीम। गेपुकी गेना हना यो ब्रोंइशा बाक्‍चा ताइनीनी। भजन संग्रह ६९:३३

भजन संग्रह 25:10

परमप्रभु यावे आ कबल नु आ देंशो टीब नेल्‍ल परमप्रभु आ गेना हना यो दाक्‍तीके नु आ दाक्‍शा मप्रोंइतीकेमी ब्रीशो बाक्‍नीम।

भजन संग्रह 34:6

एको श्‍येत जाइबम पुंइतु। मिनु परमप्रभु यावेमी आ लोव़ नेंशा, आ श्‍येत रे प्रोंइतु।

भजन संग्रह 75:9

तन्‍न गो चहिं मुर आन दातेमी शुश ग्‍येरसीशो लोव़ पाइनुङ। गो याकूब आ परमप्रभु कली ठेयब सेल्‍शा, कुम्‍सो पाइनुङ।

भजन संग्रह 89:1

परमप्रभु यावे, गो इन गेना हना यो दाक्‍तीक आ पर्बम कुम्‍सो पाइनुङ। गो नेल्‍ल पाला ङा मुर आन कली इन दाक्‍तीकेम गेनायो मप्रोंइब बाक्‍नीनी, दे शेंनुङ।

यसैया 49:6

मिनु मेकोमी “याकूब आ थर ङा मुरपुकी नु इस्राएल ङा लीशो मुर आन कली ङोंइती ङा खोदेंशो सेल्‍चा कली इ कली आइक्‍च गेय का बाक्‍ब। गो इ कली रागी रागी ङा मुर आन कली छेङछेङ दुम्‍पाइक्‍नुङ। मिनु मेको आं पाप रे प्रोंइतीके रागी ङा सुर सम्‍म ब्रल” देंत। यसैया ४२:६; यसैया ६०:३; लूका २:१२; प्रेरित १३:४७

इजीकीएल 2:7

गे मेको आन कली आं लोव़ पचा माल्‍नेवे। मेकोपुकीम नेन्‍मेक्‍ल कि मनेन्‍मेक्‍ल। मारदे हना मेकोपुकी मटीब आन खिं ङा मुर बाक्‍नीम।

मीका 7:20

गे याकूब कली इन थमा सुइक्‍तीके कोंइ‍नीनी। मिनु अब्राहाम कली दाक्‍शा मप्रोंइतीके कोंइताक्‍नी। गे साइ ङोंइती आंइ किकी पिप आन कली कसम जशा लोव़ गेशो बाक्‍तीनी। उत्‍पत्ती २८:१३-१५; उत्‍पत्ती २२:१६-१८; लूका १:७३

लूका 3:6

मिनु मुर नेल्‍लेमी परमप्रभु यावेमी दोपा पाप रे प्रोंइबा मेको तुइक्‍नीम” दे ब्रेक्‍शो बाक्‍माक्‍त। यसैया ४०:३-५

यूहन्‍ना 1:17

मोसामी परमप्रभु यावे आ अरेशो लोव़ गेप्‍तु। तन्‍न शिशी पाइब नु परमप्रभु यावे आ थमा लां कोंइब येसु ख्रीस्‍त रे बाक्‍ब। रोमी १०:४

रोमी 10:3

परमप्रभु यावे आ ङोंइती दोपा ठीक दुम्‍चा, मेको मरुबेम। मिनु आंमा गेय पतीकेमी ठीक दुम्‍चा माल्‍तेक्‍म। मोपा परमप्रभु यावे कली थमा सुइक्‍तीके रे ठीक दुम्‍तीक मपामे। रोमी १:१७

फिलिप्‍पी 3:9

मोपा आ मुर दुम्‍शा, परमप्रभु यावे आ अरेशो लोव़ ङा आंम ठीक पतीके मबाक्‍थु, ख्रीस्‍त कली थमा सुइक्‍तीकेमी ठीक दुम्‍तीके बाक्‍ब। मेको ठीक दुम्‍तीके परमप्रभु यावेमी गेशो थमा सुइक्‍तीके रे ला बाक्‍ब। रोमी ३:२२

१ थिस्‍सलोनिकी 1:8

ङोंइती गेपुकी प्रभु आ लोव़ मासीडोनीया नु आकाया रागी ङा मुर आन कली शेंताक्‍नी। मेको आन कली ला ममाइ, नेल्‍ल अर्को रागी ङा मुरपुकीमी यो इन परमप्रभु यावे थमा सुइक्‍तीके तुइक्‍ताक्‍म। मोपतीके गो मेकेर शेंचा ममाल्‍नीकी। रोमी १:८

१ तिमोथी 1:15

मरिम्‍शो पाइब आन कली नरक रे प्रोंइचा, दे ख्रीस्‍त येसु रागीम जाक्‍त। एको लोव़ थमा बाक्‍ब नु थमा सुइक्‍चा माल्‍शो बाक्‍ब। गो नेल्‍ल क्‍येङा मरिम्‍शो पाइब नङ। लूका १९:१०

प्रकाश 22:17

मिनु परमप्रभु यावे आ सोक्‍त नु ग्‍युम्‍लीमी मुर आन कली “पिने” देंनीस। मिनु सु सुमी मेको लोव़ नेंनीमी, मेकोमी यो “पिने” देंमल। सु सु तूतू दाक्‍नी, पिने। मिनु ब्रोंइचा गेब ब्‍वाक्‍कु मोशा तूङीन। यसैया ५५:१; यूहन्‍ना ७:३७