भजन संग्रह 4:2 - Sunuwar Bible

² गे मुरपुकी, गेना सम्‍म आं कली मान मपाइनीनी? गेना सम्‍म गेपुकी जाम्‍शा लाइब थोव़क दाक्‍नीनी नु जोल पाइनीनी? ठेयब सेंदा पा।

भजन संग्रह 4:2 ပူးပေါင်းရင်းမြစ်များ

भजन संग्रह 106:20

मेकोपुकीमी आन मान पशो परमप्रभु आ पा ङा घांस ब्‍वाइब ब्‍यफ आ मूर्ति कली ठेयब सेल्‍शो बाक्‍तेक्‍म। रोमी १:२३

भजन संग्रह 14:6

मुरपुकीमी प्रुङग आन मिम्‍शो बिग्रेचा दाक्‍नीम। तन्‍न परमप्रभु यावे मेको आन ख्रुइक्‍तीके बाक्‍ब।

भजन संग्रह 2:1

मारदे रागी रागी ङा मुर नेल्‍ल गारशा, परमप्रभु यावे आ पर्बम गाइक्‍नीमी? मारदे जात जात ङा मुर जाम्‍शा लाइब मरिम्‍शो ला मिम्‍नीमी? प्रेरित ४:२५-२६; प्रकाश ११:१८

भजन संग्रह 3:3

परमप्रभु यावे, गे आं एर ओंथ वोइश्‍शो तेक्‍तीके खोदेंशो बाक्‍नीनी। गे आं कली ठेयब सेल्‍पाइक्‍ब, आं थुं बारपाइक्‍ब नु आं पिया पोक्‍ब बाक्‍नीनी। उत्‍पत्ती १५:१

भजन संग्रह 31:6

गो शोर गाक्‍शो मूर्ति आन कली सेउ पाइब आन कली ग्रांग्रा दित्‍नुङमी। गो परमप्रभु यावे इन कली जिम्‍मा गेसाक्‍यी।

भजन संग्रह 5:6

गे जोल पाइब आन कली खतम पाइनीनी। मिनु हुश ख्राक्‍श पोक्‍ब नु थमा मसुइक्‍ब मुर आन कली ग्रांग्रा दित्‍नीनी।

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

भजन संग्रह 57:4

गो गुप्‍स आन दातेमी बाक्‍शो बाक्‍नुङ। गो मुर ब्‍वाइब जन्‍तु आन दातेमी गोल्‍शो बाक्‍नुङ। मेको मुर आन ख्रुइ तूतीक नु ब्रा खोदेंशो बाक्‍नीम। मेको आन लें हेश्‍शो तरवार खोदेंशो बाक्‍ब।

भजन संग्रह 58:1

गे निसाफ पाइबपुकी, ठीक लोव़ पाइनीनी? गे मुर आन कली ठीक निसाफ पाइब बाक्‍नीनी?

भजन संग्रह 58:3

परमप्रभु आ अरेशो मटीबपुकी जरमेसमा रेन मरिम्‍शो पाइनीम। कोव़ज रेन मरिम्‍शो पाइब दुम्‍शो बाक्‍नीम। मिनु जोल पाइनीम।

भजन संग्रह 63:11

तन्‍न पिप चहिं परमप्रभु नु थुं नाइश्‍शा ग्‍येरशा बाक्‍ब। परमप्रभु आ नेंम कसम जाइबपुकीमी मेको कली ठेयब सेल्‍नीम। तन्‍न जोल पाइबपुकी ब्‍वाक्‍चा मताइनीम।

भजन संग्रह 72:2

मेकोमी इन मुर आन कली ठीक पतीकेमी निसाफ पवल। इन प्रुङग मुर आन कली ठीक पा निसाफ पवल।

प्रस्‍थान 10:3

मिनु मोसा नु हारून फाराओ आ बाक्‍तीके जाक्‍दीश्‍शा, मेको कली “हिब्रू आंइ परमप्रभु यावे, हिब्रू मुर आन परमप्रभुमी इन कली ‘गेना सम्‍म गे आं ङोंइती ठेयब लेश्‍शा बाक्‍नेवे? आं मुर आन कली आं कली चढ़ेथ लचा गेवो। प्रस्‍थान ५:३

हितोपदेस 1:22

मार लोव़ पाइब देंशा हना “गे मारेइ मजोक्‍बपुकी, गेना सम्‍म मारेइ मजोक्‍ब दुम्‍चा दाक्‍नीनी? गे शुक्‍शी पाइबपुकी, गेना सम्‍म शुक्‍शी पचा दाक्‍नीनी? गे मूर्खपुकी, गेना सम्‍म तुइक्‍तीके कली काइ मदाक्‍‍नीनी?

उपदेसक 8:11

मुरुमी मरिम्‍शो पाप्‍तु हना, रीब पा सजाइ मताप्‍तु हना, मेकोमी मरिम्‍शो पना पन बाक्‍ब। अय्‍युब ३५:१५-१६; मलाकी ३:१४-१५

उपदेसक 9:3

रागीम दुम्‍तीक गेय नेल्‍लेमी मरिम्‍शो पतीक बाक्‍ब। मेको नेल्‍ल बेक्‍शा लाइनीम। मुर नेल्‍ल आन थुं मरिम्‍शो पतीकेमी ब्रीशो बाक्‍ब। मिनु मेकोपुकी ब्रोंइमा सम्‍म आन थुं हेंथे पतीकेम ब्रीशो बाक्‍ब। मिनु मेको नोले मेको बेक्‍शोपुकी नु बाक्‍थ लाइ‍नी‍म। उपदेसक ८:११

यसैया 20:5

मिनु सु सुमी ‘एथीयोपीया ङा मुरुम आंइ कली वारच पाइनीम। इजीप्‍त बोल्‍यो बाक्‍ब’ देंनीमी, मेको नेल्‍ल मुने दोक्‍नीम।

यसैया 45:17

तन्‍न परमप्रभु यावेमी इस्राएल कली श्‍येत रे प्रोंइब। मेको गेना हना यो लीब श्‍येत रे प्रोंइतीकेमी बाक्‍ब। गे गेना हना यो मुने मदोक्‍थु, इन कुल मकिक्‍पाइक्‍नीनी।

यसैया 59:4

सुइमी ठीक निसाफ मपाइनीम। सुइमी ठीक निसाफ पाइक्‍चा मपुंइसीनी। गे जाम्‍शा लाइब कली थमा सुइश्‍शा, जोल पाइनीनी। मेकोपुकीम हेंथे पतीकेम ब्रीशा, मरिम्‍शो पतीके ला थीनीम। भजन संग्रह ७:१५

येरमीया 2:11

मार, तेकोइ रागी ङा मुरुम आन देवी देवता फाइश्‍शो बाक्‍नीमी ङा? मेको परमप्रभु मनम हना यो, मफाइक्‍नीम। तन्‍न आं मुरपुकीम आन ठेयब सक्ति पाइश्‍शो कली शोर गाक्‍शो मूर्तिपुकी नु फाइक्‍तेक्‍म। रोमी १:२३

येरमीया 2:5

परमप्रभु यावेमी मार देंत देंशा हना “इन किकी पिपीम आं कली मार, दोस गेयीमी? मारदे आं कली प्रोंइशा, ङोन लमा? मेकोपुकी शोर गाक्‍शो मूर्ति आन नोले खोइक्‍तेक्‍म। मिनु मेको यो शोर गाक्‍शो दुम्‍तेक्‍म। मीका ६:३

येरमीया 9:3

मेकोपुकीम जोल पस ला जोक्‍नीम। मोपा जोल पतीकेमी रागी ङा ठेयब मुर दुम्‍तेक्‍म। थमा लोव़ पतीकेमी ममाइ। मेकोपुकी मरिम्‍शो पशो का रे अर्को मरिम्‍शो पाइनीम। मिनु आं कली मतुइक्‍नीम। येरमीया ५:१

होसे 4:7

चढ़ेबपुकी दोशो बारमा, मोशोन आं कली मरिम्‍शो पाम्‍तेक्‍म। मेको आन ठेयब दुम्‍तीके ताइश्‍शा, मुने दोक्‍तीक गेय पाम्‍तेक्‍म।

योना 2:8

जाम्‍शा लाइब मूर्ति कली थमा सुइक्‍बपुकीमी इन शिशी मताइनीम। भजन संग्रह ३१:७

गन्‍ती 14:11

मिनु परमप्रभु यावेमी मोसा कली “एको मुरपुकीम गेना सम्‍म आं कली मटीनीमी? एको आन दातेम आं कोंइशो चिन्‍ड तशा यो, गेना सम्‍म आं कली थमा मसुइक्‍नीमी?

प्रेरित 24:9

मेकेर बाक्‍ब यहूदीपुकीमी यो “एको लोव़ थमा बाक्‍ब” दे निसाफ पाइब आ देंशो लोव़ थोक्‍शा देंमा बाक्‍त।

१ कोरिन्‍थी 1:31

मोपतीके “प्रभु आ पतीके इं नें बोरपाइय्‍य” दे साइ नेसी देंशो लोव़ मिम्‍शा, परमप्रभु कली ठेयब सेल्‍य। येरमीया ९:२२-२३; २कोरिन्‍थी १०:१७

एफिसी 4:25

मारदे हना गो नेल्‍ल रां का नय, मुर आन कली जोल पचा ताइक्‍तीने। थमा लोव़ ला पने। जकरिया ८:१६

१ सामुएल 12:21

मो मपाइतीनी हना, गे शोर गाक्‍शो दुम्‍नीनी। मेकोम इन कली वारच मपाइब। श्‍येत रे यो मप्रोंइब। ब्‍यवस्‍था ३२:३७-३८; यसैया ४१:२९