भजन संग्रह 4:1 - Sunuwar Bible

¹ गो इन कली लोव़ पङानु, आं कली लोव़ लेत्‍तीने। गे आं कली ठीक सेल्‍ब परमप्रभु बाक्‍नीनी। गो श्‍येत जङानु, आं कली बाक्‍तीक गेतीनी। गे आं कली शिशी पने। आं पुंइशो नेंशा गेयीनी।

भजन संग्रह 4:1 ပူးပေါင်းရင်းမြစ်များ

अय्‍युब 36:16

मोपा इन कली यो श्‍येत रे ग्रुंइब। इन कली रिम्‍शो बाक्‍तीकेमी वोइक्‍ब। गे लेंशा ब्रोव़शो जचा थोव़क जचा ताइनीनी।

भजन संग्रह 11:7

परमप्रभु यावे ठीक पाइब बाक्‍ब। मोपतीके ठीक पतीके दाक्‍ब। मिनु रिम्‍शो थुं पाइश्‍शो मुरपुकीमी आ कुल ताइनीम। मत्ती ५:८

भजन संग्रह 116:16

परमप्रभु यावे, गो इन गेय पाइब नङ। गो इन गेय पाइब मीश मुर आ तौ, इन वाइल नङ। गे आं कली बेक्‍तीक रे प्रोंइतीनी।

भजन संग्रह 116:6

परमप्रभु यावेम आइक्‍च थुं पाइश्‍शो आन कली कोव़ब। आं थुं लुक्‍च लमेनु, मेकोमी आं कली श्‍येत रे प्रोंइती।

भजन संग्रह 119:132

गे आं गे लेश्‍शा शिशी पने। इन नें दाक्‍ब आन कली शिशी पशो खोदेंशो पा आं कली यो शिशी पने।

भजन संग्रह 143:2

मिनु इन गेय पाइब कली निसाफ पा दोस मगेने। मारदे हना ब्रोंइशोपुकी इन ङोंइती ठीक पाइब सुइ मबाक्‍नीम। भजन संग्रह १३०:३; अय्‍युब ९:२; रोमी ३:२०

भजन संग्रह 17:6

गो इन कली लोव़ पाता, मारदे हना गे आं लोव़ नेंनीनी। परमप्रभु, इन नोफा आं गे दाइश्‍शा, आं लोव़ नेनीन।

भजन संग्रह 22:1

आं परमप्रभु, आं परमप्रभु, गे मारदे आं कली प्रोंइयीनी? मारदे गे आं कली वारच मप‍थु, ङोन बाक्‍नीनी। मारदे आं थोशो मनेंनीनी। मत्ती २७:४६

भजन संग्रह 24:5

मेकोपुकीमी परमप्रभु यावे आ आसीक ताइनीम। मिनु पाप रे प्रोंइब परमप्रभुमी मेको आन कली आ ठीक पतीके गेब। यसैया ४८:१८

भजन संग्रह 25:16

गे आं गे हिरसीने। मिनु आं कली शिशी पाइय्‍यीनी। मारदे हना गो आं का दुम्‍शा, श्‍येत जशो बाक्‍नुङ।

भजन संग्रह 31:8

गे आं कली आं जोरी सत्रु आन गुइमी मगेनी। गे आं कली रिम्‍शो ठेयब बाक्‍तीकेमी बाक्‍पाइक्‍तीनी।

भजन संग्रह 41:12

आं रिम्‍शो थुं आ पर्बम गे आं कली ग्‍योम्‍ताक्‍यीनी। मिनु गे आं कली गेना हना यो इन ङोंइती राप्‍पाइक्‍तीनी।

भजन संग्रह 42:1

दोपा रोकोशेमी खोला ङा ब्‍वाक्‍कु तूतू दाक्‍शा ब्‍वाक्‍कु मिम्‍बा, मोपा आं थुंमी यो परमप्रभु, इन कली मिम्‍ब।

भजन संग्रह 45:1

आं थुं रिम्‍शो लोव़मी ब्रीतीके गो पिप कली कुम्‍सो पाइक्‍नुङ। आं लें थाम्‍पा ब्रेक्‍स जोक्‍ब मुर आन कलम खोदेंशो दुम्‍शो बाक्‍ब।

भजन संग्रह 56:1

परमप्रभु आं कली शिशी पाइय्‍यीनी। मारदे हना मुरपुकीमी आं कली शुश खेदा पाइनीमी। नाक्‍त रे आं कली दिप्‍शो बाक्‍नीम।

भजन संग्रह 57:1

परमप्रभु शिशी पने। आं कली शिशी पाइय्‍यीनी। मारदे हना आं थुं गे नु ख्रुंइसीब। एको खतम पोक्‍ब फश गिवार मनुम्‍‍म सम्‍म गो इन फ्रां आगामी ख्रुंइसीशा बाक्‍नुङ। भजन संग्रह १७:८; भजन संग्रह ९१:१-२

भजन संग्रह 6:1

परमप्रभु यावे, गे आं कली तशा गाइक्‍ताक्‍नी हना यो, सजाइ मगेयीनी। गे गाइक्‍ताक्‍नी हना यो, आं कली श्‍येत मगेयीनी। येरमीया १०:२४

भजन संग्रह 67:1

परमप्रभुमी इं कली शिशी पा आसीक गेवल। मिनु इं कली आ शिशी कोंइदल। ठेयब सेंदा पा।गन्‍ती ६:२४-२५

भजन संग्रह 76:1

यहूदा आ रागीमी परमप्रभु कली तुइक्‍नीम। मेको आ नें इस्राएल रागीमी ठेयब बाक्‍ब।

यसैया 45:24

‘परमप्रभु यावे ला ठीक पतीके नु सक्ति गेब बाक्‍ब’ दे कसम जाइनीम। परमप्रभु यावे कली मटीब नेल्‍ल आं बाक्‍तीकेम जाक्‍शा मुने दोक्‍चा माल्‍नीम। येरमीया २३:६

येरमीया 23:6

मेकोम सासन पवा ना यहूदा श्‍येत रे प्रोंइचा पुंइसीब। मिनु इस्राएल मारेइ मदुम्‍थु बाक्‍ब। मेको आ नेंम मेकोपुकी तुइक्‍चा पुंइसीनीमी। मेको आ नें ‘परमप्रभु यावे आंइ कली ठीक पाइब बाक्‍ब’ देंनीम” देंत। ब्‍यवस्‍था ३३:२८; येरमीया ३३:१६; यसैया ४५:२४

हबकुक 3:19

परमप्रभु यावे, आं परमप्रभु आं सक्ति बाक्‍ब। मेकोमी आं खोइल किश्‍श आ खोइल खोदेंशो सेल्‍ब। मेकोमी आं कली ठेयब लाइश्‍शो डांडामी लतीक सक्ति गेब” दे कुम्‍सो पाप्‍तु। मेको कुम्‍सो शेंब कली तार पाइश्‍शो ताप्‍तीके ताप्‍शा, मेको कुम्‍सो पपाइक्‍चा माल्‍ब। भजन संग्रह १८:३४

१ कोरिन्‍थी 1:30

मेकोमी येसु ख्रीस्‍त आ नेंमी इन कली ब्रोंइचा गेब। मेको इन जोक्‍तीक तुइक्‍तीक, इन ठीक पतीके, परमप्रभु यावे आ मुर दुम्‍तीके नु पाप रे प्रोंइतीके बाक्‍ब। येरमीया २३:५-६; २कोरिन्‍थी ५:२१; यूहन्‍ना १७:३९; मत्ती २०:२८

२ कोरिन्‍थी 1:10

मिनु परमप्रभु यावेमी मोदेंशो बेक्‍चा ङा दुम्‍शो रे प्रोंइतीकी। मिनु मुल नोले यो आंइ कली श्‍येत रे प्रोंइब, दे तुइक्‍नीकी।

२ कोरिन्‍थी 1:8

आंइ दाक्‍शो लोक्‍बपुकी, एसीया रागीमी बाक्‍कानु, शुश श्‍येत जाइतक। श्‍येत जचा आ पर्बम लोव़ मख्रुइक्‍थु, तुइक्‍पाइक्‍नन्‍नी। आंइ जशो श्‍येत मार बाक्‍ब देंशा हना, बेक्‍चा ङा सम्‍म दुम्‍शो नकी। प्रेरित १९:२३-४०; १कोरिन्‍थी १५:३२

१ सामुएल 17:37

आं कली जोइ नु वां आन शोव़ रे प्रोंइब परमप्रभु यावेमी मेको पलिस्‍ती आ गुइ रे यो प्रोंइब” देंमाक्‍त। मिनु सावलमी “लावो, परमप्रभु यावे गे नु बाक्‍ल” देंमाक्‍त।