भजन संग्रह 39:7 - Sunuwar Bible

⁷ “परमप्रभु, गो मार कली रिम्‍ना रिम्‍न बाक्‍नुङा? गो इन लां ला कोव़शा बाक्‍नुङ।

भजन संग्रह 39:7 ပူးပေါင်းရင်းမြစ်များ

उत्पत्ती 49:18

परमप्रभु यावे, गे आं मरिम्‍शो पशो रे प्रोंइनीनी, दे रिम्‍शा बाक्‍ती। भजन संग्रह ११९:१६६; हबकुक २:३

अय्‍युब 13:15

मेकोम आं कली साइक्‍ब। गो आस मपाइनुङ। तन्‍न मुल गो आं लोव़ मेको आ ङोंइती वोइक्‍नुङ।

अय्‍युब 14:2

मेको फू खोदेंशो पा बोइश्‍शा, सोल सुल बेक्‍ब। वांकु जाम्‍शो खोदेंशो पा जाम्‍शा लाइब। भजन संग्रह ९०:५

भजन संग्रह 119:166

परमप्रभु यावे, गो इन श्‍येत रे प्रोंइतीक कली रिम्‍शा बाक्‍नुङ। मिनु इन शेंशो पाइनुङ।

भजन संग्रह 119:81

गो आं श्‍येतम इन प्रोंइतीक शुश माल्‍‍नुङ। मिनु गो इन लोव़ ङा लां कोव़ना कोव़न बाक्‍नुङ।

भजन संग्रह 38:15

परमप्रभु यावे, गो इन कली रिम्‍नुङ। गे आं लोव़ लेत्‍नीनी। गे परमप्रभु यावे, आं परमप्रभु बाक्‍नीनी।

भजन संग्रह 49:11

मिनु आन तुरस गेना हना यो मेको आन खिं दुम्‍ब। मोदेंशो पाला नेल्‍ल आन कली दुम्‍ब। मिनु मेकोपुकीमी आन नें आन रू कली वोइश्‍शो बाक्‍तेक्‍म हना यो, मोदेंशो दुम्‍नीम।

उपदेसक 2:21

मारदे हना सुइमी जोक्‍ब तुइक्‍ब दुम्‍शा शुश गेय पाप्‍तु हना यो, मेको आ पशो नेल्‍ल अरु मुर आन कली प्रोंइशा वोइक्‍चा माल्‍ब। मेको ताइब मुरुमी मेको आ पर्बम मारेइ श्‍येत मपशो बाक्‍ब। एको यो जाम्‍शा लाइब नु थम मरिम्‍शो बाक्‍ब।

उपदेसक 4:8

मेको मार ताता देंशा हना तमी तौ नु सुइ लोक्‍ब मपाइश्‍शो मुर का बाक्‍त। तन्‍न मेकोमी शुश श्‍येत पा गेय पाइबाक्‍त। आ गेय गेनायो मथुम्‍थु, आ शोंपोम थुं मनुइबाक्‍त। मिनु काबु मेकोमी आंम कली “गो मारदे मोदेंशो श्‍येत ङा गेय पना पन बाक्‍नुङ? गो मारदे आंम कली मारेइ रिम्‍शो मपाइनुङा?” देंत। मेको यो जाम्‍शा लाइब नु श्‍येत जतीक ला बाक्‍ब।

लूका 2:25

यरूसलेममी सिमियोन माइश्‍शो मुर का बाक्‍माक्‍त। मेको ठीक पाइब नु परमप्रभु यावे कली मान पा हिंब बाक्‍माक्‍त। परमप्रभु यावे आ सोक्‍तीम ब्रीशा “परमप्रभु यावेमी इस्राएल ङा मुर आन कली पाप रे प्रोंइब का सोइक्‍ब” दे लां कोव़शा बाक्‍शो बाक्‍माक्‍त। उत्‍पत्ती ४९:१८

रोमी 15:13

आस गेब परमप्रभु यावे आ सोक्‍तीमी इन कली शुश ग्‍येरपा, थुं नाइक्‍पा बाक्‍चा गेवल। मोपा इन थमा सुइक्‍तीकेमी ठेयब आस पा बाक्‍कीन।