भजन संग्रह 39:12 - Sunuwar Bible

¹² परमप्रभु यावे, आं पुंइशो लोव़ नेनीन। आं वाइ ब्रेश्‍शो नेनीन। आं ङाक्‍शो तशा, वारच पाइय्‍यीनी। मारदे हना गो इन ङोंइती आं किकी पिप खोदेंशो पा, रागी ङा पौना खोदेंशो बाक्‍नुङ। भजन संग्रह ११९:१९; लेवी २५:२३; १ पत्रुस २:११; हिब्रू ११:१३

भजन संग्रह 39:12 ပူးပေါင်းရင်းမြစ်များ

उत्पत्ती 21:34

मिनु पलिस्‍ती आन रागीमी अब्राहाम अर्को रागी ङा मुर दुम्‍शा, शुश नाक्‍त बाक्‍माक्‍त।

उत्पत्ती 47:9

मिनु याकूबमी “गो मुल सम्‍म रागीम बाक्‍शो, सहे का ३० बर्स दुम्‍ती। आं किकी पिपी खोदेंशो पा शुश बर्स मदुम्‍ङ। गो मरिम्‍शो नाक्‍त यो ताता” देंमाक्‍त। हिब्रू ११:१३

२ सामुएल 16:12

परमप्रभु यावेम मेरे मुलाक्‍त ङा सराप आ पा ङा आं श्‍येत तशा आं कली रिम्‍शो पाइबा कों” देंमाक्‍त।

२ राजा 20:5

मार लोव़ पवा बाक्‍त देंशा हना “लेश्‍शा लशा, परमप्रभु यावे इ किकी दाऊद आ परमप्रभुमी ‘आं मुर आन कली सासन पाइब हिज्‍कीयाह कली “गो इ पुंइशो लोव़ नेंता। मिनु इ प्रेक्‍कु ताता। गो इ कली सापाइक्‍नुङ। मिनु नाक्‍त सां नोले गे परमप्रभु यावे आ खिं लाइनेवे।

१ इतिहास 29:15

गोपुकी इन ङोंइती शुश नाक्‍त मबाक्‍ब अर्को रागी ङा मुर दुम्‍शो बाक्‍नीकी। आंइ किकी पिपी यो मोदेंशो बाक्‍मा बाक्‍त। आंइ रागीम बाक्‍तीके नाक्‍ती वांकु खोदेंशो बाक्‍नीम। शुश बाक्‍तीक आस मबाक्‍ब। भजन संग्रह ३९:१३; हिब्रू ११:१३; अय्‍युब १४:२

अय्‍युब 13:28

मोपतीके मुर राक्‍शो थोव़क खोदेंशो पा जाम्‍नीमी। तुम्‍बुम ख्रोइश्‍शो वा खोदेंशो पा नुप्‍शो बाक्‍नीमी” दे अय्‍युबमी देंमाक्‍त।

अय्‍युब 16:20

आं वारचम आं कली शुक्‍शी पाइनीम। गो ङाक्‍शा परमप्रभु गे कोव़नुङ। १सामुएल २:२५

भजन संग्रह 102:1

परमप्रभु यावे आं पुंइशो नेनीन। आं ङाक्‍शा पुंइशो इन बाक्‍तीकेम जाक्‍‍ल।

भजन संग्रह 116:3

गो बेक्‍चा चिक्‍शो बाक्‍ती। हेररा तुरसुम लाइक्‍चा पुंइसीशो बाक्‍ती। सुर्ता पतीके नु हिंतीके थुंम सुम्‍शो बाक्‍ती।

भजन संग्रह 119:19

गो रागीम पौना का बाक्‍नुङ। गे इन शेंतीके लोव़ आं मतुइक्‍चा ङा पा मख्रुइक्‍तीन। भजन संग्रह ३९:१३

भजन संग्रह 119:54

गो ते बाक्‍ती हना यो, इन फुल्‍लुम मुशा ब्रेक्‍शो लोव़ आं कुम्‍सो दुम्‍शो बाक्‍तेक्‍म।

भजन संग्रह 56:8

आं रोंका पशो मिम्‍तीन। आं प्रेक्‍कु इन ग्‍यों‍बुम कुर पा वोतीन। मार, मेको इन लोव़ ब्रेक्‍शो किताबम ब्रेक्‍शो मबाक्‍बा ङा?

भजन संग्रह 90:9

गो आंइ नाक्‍त नेल्‍ले इन गाइश्‍शोमी लाक्‍शो बाक्‍नीकी। आंइ नाक्‍त नेल्‍ल हुक‍यी पशो खोदेंशो पा लाक्‍नीम।

लेवी 25:23

मिनु इन गे रू गेना हना यो कली लेयने मचाप्‍नीनी। मारदे हना मेको रागी आं के बाक्‍ब। गेपुकी गे आं के वाइल नु बुम्‍था पाइब खोदेंशो बाक्‍नीनी। भजन संग्रह ३९:१३

२ कोरिन्‍थी 5:6

मोदेंशो दुम्‍मेनु, ठेयब थुं पाइश्‍शो दुम्‍शा बाक्‍नय। रांमी बाक्‍यानु, प्रभु रे ङोन बाक्‍नीकी। हिब्रू ११:१३

हिब्रू 11:13

अब्राहाम नु आ खिं ङा मुरपुकीमी परमप्रभु यावेमी गेशो लोव़ थमा सुइश्‍शा बेक्‍मा बाक्‍त। मेको लोव़ गाप्‍शो मतथु, ङोन रे तशा मजाक्‍दीत्‍थु, बेक्‍मा बाक्‍त। मेकोपुकीमी “इं रागी मजाक्‍दीत्‍थु, अर्को आन रागीम बाक्‍तय” देंशो बाक्‍मा बाक्‍त। उत्‍पत्ती २३:४; उत्‍पत्ती ४७:९; १इतिहास २९:१५

हिब्रू 5:7

येसु मुर दुम्‍शा, रागीम बाक्‍मेनु, प्रेक्‍कु तोक्‍शा गोंगों पा ङाक्‍शा आ कली बेक्‍शो रे सेंब कली पुना बाक्‍त। परमप्रभु यावे कली मान पा हिंशा, मुर आन पर्बम पुना बाक्‍त। मिनु आ पुंइशो तवा बाक्‍त। मत्ती २६:३९-४६

१ पत्रुस 1:17

गेपुकीमी परमप्रभु यावे कली “इं आफ” दे पुंइना पुंइन बाक्‍नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्‍नीनु, पाप पचा हिनीन। रोमी २:११; फिलिप्‍पी २:१२

१ पत्रुस 2:11

आं दाक्‍शो लोक्‍बपुकी, गो इन कली इन थुं बारपाइक्‍तीक लोव़ पाइनुङ। गो रागीम बाक्‍यानु, रागी ङा पौना खोदेंशो बाक्‍नय। मोपतीके इन दला दाक्‍स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्‍कीन। मारदे हना मोदेंशो गेय इन थमा सुइक्‍तीक थुं नु जीब। भजन संग्रह ३९:१३