भजन संग्रह 39:1 - Sunuwar Bible

¹ मिनु गो “गो आं गेय नेल्‍ल होस पा पाइक्‍नुङ। गो लोव़ पचा यो होस पा पाइक्‍नुङ। मरिम्‍शो पाइबपुकी आं नेक्‍था बाक्‍तेक्‍म हना, गो सिक्‍सी पा बाक्‍नुङ” देंती।

भजन संग्रह 39:1 ပူးပေါင်းရင်းမြစ်များ

१ राजा 2:4

परमप्रभु यावेमी आं कली ‘इ तौ चच नेल्‍लेम आंमा दोपा बाक्‍चा माल्‍बा, दे मिम्‍ताक्‍म हना नु आन थुं नु आन सोक्‍त नेल्‍लेम आं कली मप्रोंइथु आं ङोंइती गाक्‍तेक्‍म हना, गेना हना यो इस्राएलम हुकुम पचा कली इ तौ चच का लीब’ दे लोव़ गेशा कबल पशो बाक्‍ब।

२ राजा 10:31

मो हना यो येहूम आ थुं नेल्‍लेम होस पा परमप्रभु यावे, इस्राएली आन परमप्रभु आ अरेशो मटिवा बाक्‍त। मेकोमी इस्राएली आन कली पाप पपाइक्‍ब येरोबाम आ पाप पतीक मप्रोना बाक्‍त।

१ इतिहास 16:41

हेमान, येदुथून नु आन नें ब्रेक्‍शो योव़शो मुर मेको नु बाक्‍मा बाक्‍त। मेको परमप्रभु कली “गे रिम्‍शो पाइब बाक्‍नीनी। मारदे हना इन दाक्‍तीक गेना यो लीब” देंचा कली वोइश्‍शो बाक्‍मा बाक्‍त।

अय्‍युब 2:10

तन्‍न अय्‍युबमी “गे मूर्ख मीश मुर खोदेंशो पा लोव़ पाप्‍तीवी। परमप्रभु आ गेशो रिम्‍शो चहिं ताक्‍शा, मरिम्‍शो चहिं मताक्‍चा ङा?” दे मदा बाक्‍त। मेको लोव़ नेल्‍लेम अय्‍युबमी मारेइ पाप मपवा बाक्‍त। अय्‍युब १:२२

भजन संग्रह 119:9

ठिटा वोंइश मुर दोपा हेंथे मपथु, आन लांम गाक्‍ने चाप्‍नीमी? मेको इन लोव़ टिशा ला मो पने चाप्‍नीम।

भजन संग्रह 12:4

मोदेंशो ठेयब लेश्‍शो लोव़ पाइबपुकीमी “आंइ लोव़मीन ग्रानीकी। गो जोक्‍ब तुइक्‍ब बाक्‍नीकी। आंइ प्रभु सु बाक्‍बा ङा?” देंनीम। भजन संग्रह ७३:८-९; अय्‍युब २१:१४-१५

भजन संग्रह 141:3

परमप्रभु यावे, आं शोव़मी खाल पाइब का वोतीन। आं कली मरिम्‍शो लोव़ पचा मगेयीनी। भजन संग्रह ३९:२; याकूब ३:५-६

भजन संग्रह 34:13

मेको मरिम्‍शो लोव़ नु जोल पतीके रे ङोन बाक्‍चा माल्‍नीम।

भजन संग्रह 62:1

आं थुंम सिक्‍सी पा परमप्रभु कली रिम्‍ब। मेकोमी आं कली प्रोंइब। यसैया ३०:१५

भजन संग्रह 77:1

गो परमप्रभु कली “वारच पाइय्‍यीनी। आं लोव़ नेनीन” दे ठेयब सेंदा पा ब्रेत्‍ती।

हितोपदेस 18:21

मुर आन लोव़मी बेक्‍तीक नु ब्रोंइतीक बाक्‍ब। तेको कली दाक्‍नीनी, मेको आ ततीक ताइनीनी।

हितोपदेस 21:23

सुमी मिम्‍शा ठीक लोव़ पाइबा, मेकोमी आंम कली श्‍येत रे प्रोंइब। हितोपदेस १३:३

आमोस 5:13

मोपतीके निप्‍स पाइश्‍शो मुर सिक्‍सी पा बाक्‍नीम। मारदे हना इस्राएलम काइ मरिम्‍शो दुम्‍शो बाक्‍ब।

कलस्‍सी 4:5

गेपुकी थमा मसुइक्‍ब आन ङोंइती रिम्‍शो जोक्‍शा तुइश्‍‍शा गेय पने। लोव़ पचा तनीनु, रिम्‍शो पा लोव़ पने। एफिसी ५:१५-१६; १थिस्‍सलोनिकी ४:१२

हिब्रू 2:1

इं नेंशो लोव़ थुंमी वोइक्‍चा माल्‍ब। थुंमी मवोइक्‍तय हना, मेको लोव़ साम्‍नय।

याकूब 1:26

सुमी “गो थमा सुइक्‍ब नङ” दे मिम्‍बा, तन्‍न हेंथे ब्‍वाक्‍बा, मेको मुर जोल पाइब बाक्‍ब। मिनु आ थमा सुइक्‍तीके मोशा दुम्‍ब। १पत्रुस ३:१०