भजन संग्रह 38:6 - Sunuwar Bible

⁶ गो नाक्‍त रे आं पिया खुक्‍शा, रोंका पा गुर ब्‍वेशा गाक्‍शो बाक्‍नुङ।

भजन संग्रह 38:6 ပူးပေါင်းရင်းမြစ်များ

अय्‍युब 30:28

गो क्‍येर नाक्‍दोम गाक्‍नुङ। गो ग्रुम्‍तीकेमी ‘वारच पाइय्‍यीनी’ दे पुंइनुङ।

अय्‍युब 7:5

आं रां लुस्पुम ब्रीशा, फुरक लुम्‍सीशो बाक्‍ब। मिनु आं कुशुल जेश्‍शा नेंने ग्रूशो बाक्‍ब।

भजन संग्रह 107:17

का निक्‍शी मूर्ख दुम्‍शा, आंम आन मरिम्‍शो पतीकेमी श्‍येत जाम्‍तेक्‍म।

भजन संग्रह 145:14

मिनु परमप्रभु यावेमी गोल्‍शो नेल्‍ल आन कली पोक्‍ब। मेकोमी आन थुं लुक्‍च लशो आन कली आन थुं बारपाइक्‍ब। भजन संग्रह १४६:८

भजन संग्रह 31:10

आं थुं ग्‍येत्‍थ लुक्‍च लतीके, गो बेक्‍चा चिक्‍शो बाक्‍ती। हुक‍यी पतीकेमी आ ब्रोंइतीक नाक्‍ती योल्‍तेक्‍म। आं ठीक मपशोमी आं बोल नेल्‍ल ग्‍युम्‍शो बाक्‍ब। मिनु आं रुश नेल्‍ल मुक्‍शो बाक्‍नीम।

भजन संग्रह 35:14

आं वारच नु आं लोक्‍ब आन पर्बम खोदेंशो पा, मेको आन पर्बम रोंका पाता। आं ममा आ पर्बम खोदेंशो पा आं पिया खुक्‍शा, रोंका पाता। रोमी १२:१५

भजन संग्रह 42:5

आं थुं, गे मारदे लुक्‍च लाइनेवे? मारदे ग्‍येत्‍थ लुक्‍च दुम्‍नेवे? परमप्रभुमी मार पाइबा, मेको रिम्‍दो। मिनु नोले मेकोमी आं कली श्‍येत रे प्रोंइशो तशा, गो परमप्रभु कली ठेयब सेल्‍नुङ। मारदे हना मेको आं कली श्‍येत रे प्रोंइब नु आं परमप्रभु बाक्‍ब।

भजन संग्रह 42:9

गो परमप्रभु, आं सेरथे फुल्‍लु कली “गे मारदे आं कली प्रेंदीनी? गो मारदे आं जोरी सत्रु रे पा खेदा पचा पुंइसीशा, थुं ग्‍येत्‍थ लुक्‍च दुम्‍शा, गाक्‍चा माल्‍ङा?” देंती। ब्‍यवस्‍था ३२:४

भजन संग्रह 43:2

परमप्रभु, गे आं कली प्रोंइब बोल्‍यो दरवार बाक्‍नीनी। गे आं कली मारदे प्रोंइयीनी? गो मारदे आं जोरी सत्रुम खेदा पचा पुंइसीशा, रोंका पचा माल्‍ङा?

भजन संग्रह 57:6

मेकोपुकीमी आं खोइली रेप्‍पाइक्‍चा कली ब्‍वारद दाइक्‍ताक्‍म। गो श्‍येत जशा गुर ब्‍वेशो बाक्‍नुङ। मेकोपुकीमी आं लांम खाल्‍टा दोम्‍तेक्‍म। तन्‍न मेकोपुकी मेकेर आंमा बिक्‍तेक्‍म। ठेयब सेंदा पा।

भजन संग्रह 6:6

गो थुं खाइश्‍शा, ङाक्‍शा दती। गो नाक्‍दो आं खाट नेल्‍ल प्रेक्‍कुमी जिप्‍पाइक्‍नुङ। आं इप्‍तीकेमी ङाक्‍शा ला बाक्‍नुङ।

भजन संग्रह 88:9

सुर्ता पतीके आं मिक्‍च ब्रा ब्रा दुम्‍ती। परमप्रभु यावे, गो नाक्‍त किंत किंत इन कली पुंइना पुंइन बाक्‍नुङ। मिनु इन नेंमी आं गुइ पोक्‍नुङ।

यसैया 38:14

गो बेल्‍लुम नु बोकुला खोदेंशो पा ग्रीती। ढुकुर खोदेंशो पा रोंका पाता। गो शुश ग्‍येत्‍थ कोव़तीके आ मिक्‍च पारताक्‍यी। आं थुं लुक्‍च लत। गो “परमप्रभु, गो श्‍येत जाइनुङ। आं कली वारच पाइय्‍यीनी।