भजन संग्रह 37:8 - Sunuwar Bible

⁸ गाइक्‍चा नु चुरचा प्रोनीन। मगाइक्‍तीन। मारदे हना मो पतीकेमी इन कली मरिम्‍शो पपाइक्‍ब।

भजन संग्रह 37:8 ပူးပေါင်းရင်းမြစ်များ

१ राजा 11:22

तन्‍न फाराओम मेको कली “आं रागीम इन कली मार मजाक्‍दीम्‍मे? मिनु ‘आं रागी लेश्‍शा लाइनुङ’ देंनी” दे हिल्‍लो पवा बाक्‍त। मिनु मेकोमी “मारेइ माल्‍शो मबाक्‍ब। तन्‍न आं कली लचा गेयीनी” देंमाक्‍त।

अय्‍युब 18:4

गे इन गाइश्‍शोम आंम कली खतम सेल्‍सीनीनी। मार, इन पर्बम गो रागी प्रोंइनीकी? सेरथे फुल्‍लु आन बाक्‍‍तीक रे याक्‍चा?

अय्‍युब 5:2

गाइक्‍तीकेम मूर्ख आन कली साइक्‍ब। मिनु गेहे पतीकेम मारेइ मजोक्‍ब आन कली साइक्‍ब।

भजन संग्रह 116:11

गो सुर्ता पा श्‍येत जङानु “मुर नेल्‍ले जोल पाइब ला बाक्‍नीम” देंती। रोमी ३:४

भजन संग्रह 31:22

ङोंइती गो हिंशा “गे आं कली मताइनीनी” देंती हना यो “वारच पाइय्‍यीनी” दे आं पुंइशो लोव़ नेंतीनी।

भजन संग्रह 73:15

गो मेको आन खोदेंशो पाता हना, गो इन मुर आन कली मरिम्‍शो पदुमी वा।

हितोपदेस 14:29

रीब पा मगाइक्‍ब शुश रुप्‍ब मुर बाक्‍ब। तन्‍न रीब पा गाइक्‍ब मुर मूर्ख दुम्‍शा लाइब। हितोपदेस १६:३२; हितोपदेस १९:११

हितोपदेस 16:32

लडाइ पाइब बोल्‍यो मुर दुम्‍चा क्‍येङा फाल्‍ब मुर दुम्‍चा रिम्‍शो बाक्‍ब। मिनु सहर कली ग्राब क्‍येङा आंम गाइक्‍चा कली तेक्‍ब रिम्‍शो बाक्‍ब। हितोपदेस १४:२९

योना 4:1

मिनु परमप्रभुमी मुर आन कली खतम मपशो तशा, योना चुरशा, शुश गाइक्‍ता बाक्‍त। मिनु परमप्रभु यावे कली

योना 4:9

मिनु परमप्रभुमी योना कली “गे मेको रवा आ पर्बम गाइक्‍चा, ठीक दुम्‍बा ङा?” दे लोव़ पवानु, मेकोमी “गो मबेक्‍ङा सम्‍म गाइक्‍नुङ” दे लोव़ लेत्‍ता बाक्‍त।

एफिसी 4:26

गाइक्‍ताक्‍नी हना, पाप मपने। मिनु नां रिक्‍चा क्‍येङा ङोंइती इन गाइक्‍चा थुमीने। भजन संग्रह ४:४; याकूब १:१९-२०

एफिसी 4:31

मिनु ईख कुरचा, चुरचा, गाइक्‍चा, ग्रीचा, मरिम्‍शो लोव़ पचा नु मरिम्‍शो पचा नेल्‍ल ताइक्‍तीने। कलस्‍सी ३:८

कलस्‍सी 3:8

मुल चहिं मेको नेल्‍ल ताइक्‍तीन। गाइक्‍चा, चुरचा, मरिम्‍शो पचा, अरु आन पर्बम मरिम्‍शो लोव़ पचा, ओल ओल लोव़ पचा ताइक्‍तीने। एफिसी ४:२९,३१