भजन संग्रह 37:6 - Sunuwar Bible

⁶ मेकोमी इन ठीक दुम्‍तीके छेङछेङ खोदेंशो पा ग्रूपाइक्‍ब। इन ठीक पतीके नाक्‍ती खोदेंशो दुम्‍पाइक्‍ब। मीका ७:९

भजन संग्रह 37:6 ပူးပေါင်းရင်းမြစ်များ

अय्‍युब 11:17

इन ब्रोंइतीक नाक्‍त ङा छेङछेङ खोदेंशो दुम्‍ब। मिनु इन श्‍येत ङा छिङछिङ सुनी ङा छेङछेङ खोदेंशो दुम्‍ब।

भजन संग्रह 31:20

इन मुर आन कली मरिम्‍शो मुर आन क्‍येङा प्रोंइचा, दे इन बाक्‍तीकेमी ख्रुइक्‍नीनी। गे इन मुर आन कली मरिम्‍शो लोव़ पाइब आन क्‍येङा ख्रुइक्‍नीनी। भजन संग्रह २७:५

यसैया 54:17

गे नु लडाइ पचा कली सेल्‍शो यामी मग्रानीम। इ कली सुमी निसाफ पची ना दोस गेबा, मेको नेल्‍ल फ्रुचा पुंइसीनीम। मोपा ग्रातीके परमप्रभु यावे आं गेय पाइब आन अङस बाक्‍ब। मेको आं गेशो ठीक पतीके बाक्‍ब” दे परमप्रभु यावेमी देंत।

यसैया 58:10

गे शोव़लु बेक्‍ब आन कली इन जचा थोव़क गेतीनी हना, श्‍येत जाइब आन माल्‍शो गेतीनी हना, इन छेङछेङ छिङछिङम ब्राइब। इन नाक्‍दो ङा छिङछिङ नाक्‍ती ङा छेङछेङ खोदेंशो दुम्‍ब।

यसैया 58:8

मो पाइतीनी हना, गे सुनी ङा नां दाप्‍शो खोदेंशो दुम्‍नीनी। मिनु गे रीब पा सानीनी। इन कली वारच पाइब इन ङोंइती गाक्‍ब। परमप्रभु यावे आ छेङछेङमी इन नोले खोइक्‍ब। भजन संग्रह ३७:६; यसैया ५२:१२

येरमीया 51:10

परमप्रभु यावेमी आंइ ठीक पतीके कोंइताक्‍व। जाक्‍कीन, मिनु इं परमप्रभु यावेमी मार पवा, मेको सियोनमी नेंपाइश्‍शा देंय।

मलाकी 3:18

मेको नाक्‍त ठीक पाइब नु परमप्रभु आ अरेशो मटीब खाल का ङा मदुम्‍नीम। मेको ताइनीनी। परमप्रभु कली गेय पाइब नु गेय मपाइब खाल का ङा मदुम्‍नीम। मेको यो ताइनीनी” देंत।

मत्ती 13:43

परमप्रभु यावे आ ङोंइती ठीक दुम्‍शोपुकी चहिं आं आफ आ राज्‍यमी नां खोदेंशो छेङछेङम ग्‍येरशा बाक्‍चा ताइनीम। सु नोफा पाइश्‍शो बाक्‍मे, मेकोमी नेंनल। दानीएल १२:३

१ कोरिन्‍थी 4:5

मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८