भजन संग्रह 37:3 - Sunuwar Bible

³ परमप्रभु यावे कली जिम्‍मा गेंसीशा, रिम्‍शो पने। रागीम रिम्‍शो दुम्‍शा बाक्‍चा ताइनीनी।

भजन संग्रह 37:3 ပူးပေါင်းရင်းမြစ်များ

उत्पत्ती 26:2

मिनु परमप्रभु यावेमी इसहाक आ ङोंइती ग्रूमाक्‍त। मिनु इसहाक कली “इजीप्‍त रागी मलावो। आं देंशो रागीम बाक्‍थ लावो।

उत्पत्ती 26:3

मेको रागीमी अर्को रागी ङा मुर दुम्‍शा बाक्‍को। गो गे नु बाक्‍शा, इ कली आसीक गेनुङ। गो इ कली नु इ चच युइ आन कली एको रागी नेल्‍ल गेनुङ। गो इ आफ अब्राहाम नु कबल पा, कसम जाता। मुल आं कबल खाप्‍नुङ। उत्‍पत्ती १७:१९; उत्‍पत्ती २२:१६-१७

१ राजा 19:6

मिनु मेकोमी बोक्‍शा, एर ओंथ कोव़ङानु, आ पिया गे चोशो होश शोब्‍ले का नु ढुङग्रो का ब्‍वाक्‍कु तवा बाक्‍त। मिनु मेकोम मेको जशा तूशा लेंशा इम्‍माक्‍त।

भजन संग्रह 26:1

परमप्रभु यावे, आं कली निसाफ पने। गो मारेइ दोस तचा ङा गेय मपङ। परमप्रभु यावे, गो इन कली जिम्‍मा गेंसीशा, महिम्‍सीथु बाक्‍ती।

भजन संग्रह 33:19

मिनु मेको आन कली बेक्‍चा रे प्रोंइब। मिनु अन्‍काल दुम्‍मेनु, ब्रोंइपाइक्‍ब।

भजन संग्रह 4:5

मिनु परमप्रभु यावे कली ठीक पतीक चढ़ेने। आ देंशो लोव़ थमा सुइश्‍शा पने। भजन संग्रह ५१:१९,२१; १पत्रुस २:५

भजन संग्रह 62:8

मुर नेल्‍ले, गेना हना यो परमप्रभु कली थमा सुतीन। मेको आ ङोंइती इन थुं ङा लोव़ देंनीन। मारदे हना परमप्रभु इं ख्रुइक्‍तीके बाक्‍ब। ठेयब सेंदा पा।

हितोपदेस 3:5

गे इ थुं नेल्‍लेमी परमप्रभु यावे आ देंशो मिम्‍शा, थमा सुतो। इ आंम जोक्‍शो तुइश्शो थमा मसुतो।

यसैया 40:11

आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्‍शा कुरब। दूध तुंइब आन कली आन चाप्‍चा ङा पा गाक्‍पाइश्‍शा खुल्‍ब। यूहन्‍ना १०:११

यसैया 50:10

इन दातेमी परमप्रभु यावे कली मान पा हिंब सु बाक्‍नी? मिनु आं गेय पाइब आं देंशो टीब सु बाक्‍नी? मेको छिङछिङम गाक्‍शा, छेङछेङ काइ मताइब बाक्‍त हना यो, परमप्रभु यावेम “आं कली श्‍येत रे प्रोंइब” दे थमा सुइश्‍शा, आ परमप्रभु कली जिम्‍मा गेंसीशो बाक्‍ब।

लूका 22:35

मिनु शेंसीब नेल्‍ल आन कली “गोमी इन कली क्‍येट, झोला, जुत्ता, मारेइ मकुरथु, परमप्रभु यावे आ राज्‍य ङा लोव़ शेंथ सोइक्‍तन्‍नीनु, जचा फेक्‍चा मतनी ङा?” देंमेनु “मार माल्‍का, मेको नेल्‍ल थित्‍तक, ताइतक” देंमा बाक्‍त। लूका ९:३; लूका १०:४

ब्‍यवस्‍था 30:20

परमप्रभु यावे, इन परमप्रभु कली दाक्‍तीन। आ देंशो टिने। मेको कली मप्रोंइथु बाक्‍कीन। मारदे हना मेकोम इन कली ब्रोंइचा नु शुश नाक्‍ती बाक्‍चा गेब। मिनु गेपुकी परमप्रभु यावेमी इन किकी पिपी अब्राहाम, इसहाक नु याकूब आन कली कसम जशा गेशो रागीम बाक्‍ने चाप्‍नीनी।

१ सामुएल 26:19

मोपतीके आं प्रभु नु आं पिप, इन गेय पाइब, आं लोव़ नेनीन। परमप्रभु यावेमी इन कली आं कली खेदा पपाइक्‍चा कली पोक्‍शो बाक्‍त हना, मेकोमी चढ़ेतीक का ब्राइबा कों। तन्‍न बेक्‍शा लाइब मुरुम इन कली आं कली खेदा प‍चा कली पोक्‍शो बाक्‍त हना, मेको परमप्रभु यावे आ ङोंइती सराप रल। मारदे हना मेकोपुकीम मुलाक्‍त आं कली परमप्रभु यावे आ गेशो रू रे खेरशा ‘लावो, अरु देवी देवता आन कली सेउ पावो’ दे लोव़ पाम्तेक्‍म। उत्‍पत्ती ८:२१; ब्‍यवस्‍था ३२:९; २राजा ५:१७