भजन संग्रह 34:4 - Sunuwar Bible

⁴ मिनु गो परमप्रभु यावे कली माल्‍ता। मेकोमी आं लोव़ लेत्‍ताक्‍यी। मेकोमी आं कली हिंतीक नु श्‍येत रे प्रोंइती।

भजन संग्रह 34:4 ပူးပေါင်းရင်းမြစ်များ

२ इतिहास 15:2

मिनु मेको आसा कली ग्रुम्‍थ लशा, मेको कली “आसा, यहूदा ङा मुर नु बेन्‍यामीन ङा मुर नेल्‍ले, आं लोव़ नेनीन। परमप्रभु यावे गे नु बाक्‍ब। मेको गे नु बाक्‍ब। गेपुकीम मेको कली माल्‍तीनी हना, गे थित्‍नीनी। तन्‍न गेपुकीमी मेको कली प्रोंइतीनी हना, मेकोमी यो इन कली प्रोंइब।

भजन संग्रह 18:6

गो श्‍येत जङानु, परमप्रभु यावे कली “वारच पने” दे आं परमप्रभु कली ठेयब सेंदा पा पुंइता। मिनु परमप्रभु आ बाक्‍तीकेम बाक्‍शा, आं सेंदा नेंतु। आं पुंइशो लोव़ रुप्‍तु।

भजन संग्रह 22:24

मारदे हना मेकोमी श्‍येत जाइब आन श्‍येत तशा, आ कुल मख्रुइक्‍थु, आं ब्रेश्‍शो नेंतु। हिब्रू १५:७

भजन संग्रह 31:22

ङोंइती गो हिंशा “गे आं कली मताइनीनी” देंती हना यो “वारच पाइय्‍यीनी” दे आं पुंइशो लोव़ नेंतीनी।

भजन संग्रह 35:27

आं कली दाक्‍बपुकी आं ठीक पशो तशा, ग्‍येरसीशा कुम्‍सो पामेक्‍ल। मिनु मेकोपुकीमी गेना हना यो “परमप्रभु यावे आ नें ठेयब बाक्‍ल। मेकोमी आ गेय पाइब कली रिम्‍शो दुम्‍शो तचा दाक्‍ब” देंमल।

भजन संग्रह 40:17

गो प्रुङग नु श्‍येत जाइब बाक्‍ती हना यो, परमप्रभुम आं कली मिम्‍ब। गे आं कली वारच पाइब नु आं कली श्‍येत रे प्रोंइब बाक्‍नीनी। आं परमप्रभु देश मपने” दे लोव़ पाता।

भजन संग्रह 46:2

मोपतीके गो महिंनीकी। रागी नु डांडापुकी हिम्‍सीशा समुन्‍द्रम ग्रुम्‍तेक्‍म हना यो गो महिंनीकी।

भजन संग्रह 56:3

गो हिंङानु, इन कली थमा सुइक्‍नुङ।

यसैया 12:2

थमा पा, परमप्रभु आं कली पाप रे प्रोंइब बाक्‍ब। गो मेको कली थमा सुइश्‍शा महिंनुङ। मारदे हना परमप्रभु यावे आं कली सक्ति नु बोल गेब बाक्‍ब। मेको आं कली श्‍येत रे प्रोंइब बाक्‍ब” दे कुम्‍सो पाइनीनी। प्रस्‍थान १५:२

योना 2:2

मिनु मेकोमी परमप्रभु यावे, आ परमप्रभु कली “गो आं श्‍येत जतीके रे लोव़ पाता। मिनु आं कली लोव़ लेत्‍ताक्‍यीनी। गो बेक्‍शो मुर आन बाक्‍तीके रे ब्रेत्‍ती। मिनु गे आं सेंदा नेंतीनी। भजन संग्रह १२०:१

मत्ती 7:7

परमप्रभु यावे कली पुनीने। मिनु इन पुंइशो ताइनीनी। मालीने, मिनु इन माल्‍शो थित्‍नीनी। बाक्‍नी? दे लाप्‍चो ख्रोकोल पने। मिनु गे ओव़चा ताइनीनी। मर्कूस ११:२४; यूहन्‍ना १४:१३; येरमीया २९:१३-१४

लूका 11:9

परमप्रभु यावे कली पुनीने। मिनु इन पुंइशो ताइनीनी। मालीने। मिनु इन माल्‍शो थित्‍नीनी। ‘बाक्‍नी?’ दे लाप्‍चो ख्रोकोल पने। मो पाइतीनी हना ओव़चा ताइनीनी।

२ तिमोथी 1:7

मारदे हना परमप्रभु यावेमी इं कली हिंब थुं मगेव। तन्‍न सक्ति पाइश्‍शो, दाक्‍पाइक्‍ब नु गेय पचा ङोंइती मिम्‍पाइक्‍ब थुं गेप्‍तु। रोमी ८:१५

हिब्रू 5:7

येसु मुर दुम्‍शा, रागीम बाक्‍मेनु, प्रेक्‍कु तोक्‍शा गोंगों पा ङाक्‍शा आ कली बेक्‍शो रे सेंब कली पुना बाक्‍त। परमप्रभु यावे कली मान पा हिंशा, मुर आन पर्बम पुना बाक्‍त। मिनु आ पुंइशो तवा बाक्‍त। मत्ती २६:३९-४६

१ सामुएल 27:1

दाऊदमी “काबु सावलम आं कली साइक्‍ब। मोपतीके पलिस्‍ती आन रागीम आं कली प्रोक्‍शा लचा रिम्‍शो दुम्‍ब। मिनु सावलमी इस्राएल आगामी आं कली माल्‍चा प्रोंइब। मिनु गो मेको आ गुइ रे ब्रोंइ‍नुङ” दे मिम्‍ता बाक्‍त। १सामुएल २३:२३