भजन संग्रह 34:2 - Sunuwar Bible

² परमप्रभु यावे कली मिम्‍तीके आं थुं बारशा, ग्‍येरब। ब्रेम्‍शो थुं पाइश्‍शोपुकी यो एको नेंशा, ग्‍येरसीनीम।

भजन संग्रह 34:2 ပူးပေါင်းရင်းမြစ်များ

अय्‍युब 1:21

“गो आं ममा आ कोव़ज रे शिश्रा यिती। शिश्रा लेश्‍शा लाइनुङ। गो ते रे श्‍येत्‍थी जाक्‍ङा, मेकेन श्‍येत्‍थी लेश्‍शा, लाइनुङ। मेको नेल्‍ल परमप्रभु यावेमी गेती। मिनु मेकोमी नेल्‍ल लेश्‍शा लाइक्‍तु। परमप्रभु यावे आ नें ठेयब बाक्‍ल” देंमाक्‍त। उपदेसक ५:१४; १तिमोथी ६:७; याकूब ५:११

भजन संग्रह 105:3

गे परमप्रभु आ नें तुइक्‍तीके ग्‍येरसीन। परमप्रभु यावे कली माल्‍ब आन थुं ग्‍येरसीमल।

भजन संग्रह 119:74

इन कली मान पा हिंबपुकी आं कली तशा ग्‍येरसीनीम। मारदे हना गो इन लोव़ ङा लां कोव़ना कोव़न बाक्‍नुङ।

भजन संग्रह 142:7

आं कली आं चोक्‍सीतीके रे प्रोंइयीनी। मिनु गो इन कली “गे रिम्‍शो पाइब बाक्‍नीनी” देंने चबुल। मिनु आं कली रिम्‍शो पशो तशा, ठीक पाइबपुकी आं एर ओंथ बाक्‍शा ग्‍येरसीनीम।

भजन संग्रह 44:8

गोपुकीमी नाक्‍त किंत किंत परमप्रभु कली मिम्‍शा, आंइ नें बोरपाइक्‍नीकी। मिनु गोपुकीमी गेना हना यो “इन नें ठेयब बाक्‍ब” दे ठेयब सेल्‍नीकी। ठेयब सेंदा पा।येरमीया ८:२२-२३

यसैया 45:25

इस्राएल आ चच युइ नेल्‍लेम ‘परमप्रभु यावेमी इं कली ठीक सेल्‍ब। गोपुकी आ मुर दुम्‍तय’ दे ग्‍येरसीनीम” देंत। येरमीया ९:२२-२३

येरमीया 9:24

तन्‍न सु ठेयब लेत्‍नीमी, मेकोपुकीम ‘गो परमप्रभु यावे कली तुइक्‍नुङ’ देंमल ‘मेको थमा पा परमप्रभु यावे बाक्‍ब, दे तुइक्‍नुङ, दे नें बोरपाइक्‍ने चाप्‍नीम। परमप्रभु यावेमी रागी कली शिशी पाइब, ठीक निसाफ नु ठीक पाइब बाक्‍ब’ देंमल। मारदे हना मेको आं दाक्‍शो बाक्‍ब, दे ग्‍येरसीनुङ” दे परमप्रभु यावेम देंत। १कोरिन्‍थी १:३१; २कोरिन्‍थी १०:१७

१ कोरिन्‍थी 1:31

मोपतीके “प्रभु आ पतीके इं नें बोरपाइय्‍य” दे साइ नेसी देंशो लोव़ मिम्‍शा, परमप्रभु कली ठेयब सेल्‍य। येरमीया ९:२२-२३; २कोरिन्‍थी १०:१७

२ कोरिन्‍थी 10:17

सु बोरनीमी, मेको प्रभु आ पर्बम नें बोरपदमेक्‍ल। येरमीया ९:२३-२४; १कोरिन्‍थी १:३१