भजन संग्रह 33:2 - Sunuwar Bible

² बीना ताप्‍शा, परमप्रभु यावे कली ठेयब सेलीन। १० ओटा तार पाइश्‍शो ठेयब ताप्‍तीक ताप्‍शा, मेको कली कुम्‍सो पने।

भजन संग्रह 33:2 ပူးပေါင်းရင်းမြစ်များ

२ सामुएल 6:5

मिनु दाऊद नु इस्राएली नेल्‍ल आन जोंब बोक्‍शा परमप्रभु यावे आ ङोंइती कुम्‍सो पना पन बीना, तार पाइश्‍शो ठेयब ताप्‍तीक, खैजडी, मार मार ताप्‍तीक नु बुप्‍केल ताप्‍शा सिल पना पन गाक्‍मा बाक्‍त।

१ इतिहास 15:16

मिनु दाऊदम लेवी आन ठेयब मुर आन कली “इन खिं खिं ङा मुर कुम्‍सो पाइब योव़शा, वोइक्‍चा माल्‍नीनी। मेकोपुकी तार पाइश्‍शो ताप्‍तीके, बीना नु बुप्‍केल ताप्‍शा, ग्‍येरशा ठेयब सेंदा पा कुम्‍सो पचा माल्‍नीम” दे अरेमी बाक्‍त।

१ इतिहास 15:28

मोपा इस्राएली नेल्‍लेमी ठेयब रेयके पा नु ग्रोव़, तुराही, बुप्‍केल, तार पाइश्‍शो ताप्‍तीके नु बीना ताप्‍शा परमप्रभु यावे आ कबल पशो सन्‍दोस कुइश्‍शा कु‍मा बाक्‍त।

१ इतिहास 25:3

येदुथून आ तौ नु गेदाल्‍याह, सेरी, येशायाह, शिमेइ, हशाब्‍याह नु मत्तीथ्‍याह ६ जना बाक्‍मा बाक्‍त। आन आफ येदुथून मेको आन कली अरेब बाक्‍माक्‍त। मेकोमी बीना ताप्‍शा परमप्रभु यावे आ सोक्‍तीम ब्रीशा “गे रिम्‍शो पाइब बाक्‍नीनी” दे ठेयब सेल्‍तीक कुम्‍सो पवा बाक्‍त।

१ इतिहास 25:6

मिनु आन आफोमी परमप्रभु यावे आ खिंम मेको नेल्‍ल आन कली बीना ताप्‍चा, तार पाइश्‍शो ताप्‍तीके ताप्‍चा नु बुप्‍केल ताप्‍चा कली शेंशो बाक्‍माक्‍त। पिपमी आसाफ, येदुथून नु हेमान आन कली दोपा अरेवा, मोपा पामे बाक्‍त।

भजन संग्रह 144:9

परमप्रभु, गो इन कली नक कुम्‍सो का पाइनुङ। १० ओटा तार पाइश्‍शो ताप्‍तीक ताप्‍शा, इन कली कुम्‍सो पाइनुङ। भजन संग्रह ३३:३

भजन संग्रह 149:3

मेकोपुकीमी सिल पना पन मेको आ नें ठेयब सेल्‍मेक्‍ल। खैजडी नु बीना ताप्‍शा, मेको कली कुम्‍सो पामेक्‍ल।

भजन संग्रह 71:22

आं परमप्रभु, गो इन दाक्‍शा गेनायो मप्रोंइतीके आ पर्बम ठेयब तार पाइश्‍शो ताप्‍तीके ताप्‍शा, ठेयब सेल्‍नुङ। गे इस्राएली आन का ला परमप्रभु बाक्‍नीनी। गो बीना ताप्‍शा इन कली कुम्‍सो पाइनुङ। गे इस्राएली आन का ला परमप्रभु बाक्‍नीनी। २राजा १९:२२; यसैया ४३:३

भजन संग्रह 92:3

बेन्‍जो नु तार पाइश्‍शो ठेयब ताप्‍तीक ताप्‍शा, बीना आ लायोमी मोदेंशो कुम्‍सो पचा रिम्‍शो बाक्‍ब।

भजन संग्रह 92:4

मिनु गो “परमप्रभु यावे, इन पशोमी आं कली ग्‍येरपाइक्‍तीनी” दे इन पशो तशा, ग्‍येरशा कुम्‍सो पाइनुङ।

प्रस्‍थान 15:20

हारून आ समी मिरयाम परमप्रभु आ लोव़ पाइब यो बाक्‍त। मेकोमी खैजडी ताप्‍शा, कुम्‍सो पथ लमेनु, अरु मीश मुरपुकी यो खैजडी ताप्‍शा, सिल पना पन मेको आ नोले खोइक्‍तेक्‍म। भजन संग्रह ६८:२६

प्रकाश 14:2

मिनु गो स्‍वर्ग रे सेंदा का नेंता। मेको सेंदा दोदेंशो बाक्‍त देंशा हना, शुश ब्‍वाक्‍कु आ रेयके नु ठेयब बुंबु पशो रेयके खोदेंशो नेंता। तन्‍न शुश मुरपुकीमी ठेयब तार पाइश्‍शो ताप्‍तीके ताप्‍शो रेयके बाक्‍त। प्रकाश १:१५

प्रकाश 5:8

मोपा ताक्‍गानु, सेस जन्‍तु नु शेंब खाल्‍पापुकी पाठा आ ङोंइती पोक्‍च थेक्‍शा बाप्‍तेक्‍म। मेकोपुकीमी ठेयब ताप्‍तीके नु सुन के थनौरो कुरशो बाक्‍तेक्‍म। मिनु सुन के थनौरो चहिं धूपमी ब्रीशो बाक्‍तेक्‍म। मेको धूपमी ब्रीशो थनौरो चहिं थमा सुइक्‍ब मुर आन मान पशो नु पुंइशो लोव़ बाक्‍तेक्‍म।