भजन संग्रह 32:5 - Sunuwar Bible

⁵ मिनु “गो परमप्रभु यावे कली आं पाप शोव़नुङ” देंशा, गो आं मरिम्‍शो पशो इन ङोंइती मख्रुइक्‍तु। मिनु गे आं मरिम्‍शो पशो क्‍याम्‍ताक्‍नी। ठेयब सेंदा पा।

भजन संग्रह 32:5 ပူးပေါင်းရင်းမြစ်များ

२ सामुएल 12:13

मिनु दाऊदमी नाथान कली “गो परमप्रभु यावे आ ङोंइती पाप पाता” देंमाक्‍त। मिनु नाथानम मेको कली “परमप्रभु यावेमी इ पाप क्‍याम्‍ताक्‍व। गे मबेक्‍नेवे। २सामुएल २४:१०; भजन संग्रह ५१:३; इजीकीएल १८:२१-२३

२ सामुएल 12:9

गे मारदे आं लोव़ मटिवी? मारदे आं ङोंइती मरिम्‍शो पवी? गे हित्ती उरीयाह कली तरवारम क्‍योरतीवी। मिनु मेको आ मीश लाइश्‍शा, आ वोंइश कली अम्‍मोनी आन गुइम साइक्‍पाइक्‍तीवी। २सामुएल ११:-; १राजा १५:५

२ सामुएल 24:10

मिनु नोले दाऊद मुर आन कली हिक्‍शो आ पर्बम आ थुं मनुमाक्‍त। मिनु दाऊदमी परमप्रभु यावे कली “गो मुर आन कली हिक्‍शा ठेयब पाप पाता। मुल परमप्रभु यावे, इन वाइल आ मरिम्‍शो पशो क्‍याम्‍दीन। मारदे हना गो थम मूर्ख गेय पाता” देंमाक्‍त। २सामुएल १२:१३

२ सामुएल 24:17

मिनु दाऊदमी मेको मुर आन कली साइक्‍ब परमप्रभु आ आ स्‍वर्ग ङा गेय पाइ‍ब कली तवा बाक्‍त। मिनु मेकोमी परमप्रभु यावे कली “पाप पाइब, गो आं का ला नङ। इन अरेशो लोव़ मटीब यो गो नङ। तन्‍न एको मुर मार पामे ङा? गे आं कली नु आं खिं ङा मुर आन कली श्‍येत गेने” देंमाक्‍त। गन्‍ती १६:२२

१ राजा 8:50

मिनु मेको इन मुर आन पाप नु हेंथे पशो नेल्‍ल माफ गेने। मिनु मेको आन जोरी सत्रुम शिशी पपतीन।

२ इतिहास 6:29

इन इस्राएल ङा मुर नु अरु सुइम आन श्‍येत इन कली शोव़शा, एको खिं गे कोव़शा, आन गुइ पोक्‍शा, इन कली पुंइतेक्‍म हना,

एज्रा 10:11

मुल गे परमप्रभु यावे, इन किकी पिपी आन परमप्रभु आ ङोंइती इन मरिम्‍शो पशो शोव़ङीन। मिनु आ दाक्‍शो पने। गे मेको रागी ङा मुर नु अर्को जात ङा मीश रे ब्राङीन” दे मेको आन कली माइक्‍तीमी।

अय्‍युब 31:33

अरु मुरपुकीम आन हेंथे पशो ख्रुइक्‍चा माल्‍शो खोदेंशो पा, गो आं थुंमी आं मरिम्‍शो पशो मख्रुइक्‍तु।

अय्‍युब 33:27

मिनु मेको मुरुम मुर आन बाक्‍‍तीक जाक्‍शा, मेको आन कली ‘गो पाप पाता। गो ठीक पतीके कली दूली सेल्‍ता। गो आं तचा माल्‍शो सजाइ मतङ।

भजन संग्रह 103:12

नां दाप्‍तीक रे नां पेरतीक दोशो ङोन बाक्‍बा, मोशोन आंइ मरिम्‍शो पशो नेल्‍ल ङोन तिल्‍शो बाक्‍ब।

भजन संग्रह 103:3

मेकोमी इ मरिम्‍शो पशो नेल्‍ल क्‍याम्‍शा गेशो बाक्‍ब। मिनु इ रोइ नेल्‍ल सापाइक्‍ब। भजन संग्रह ३२:१

भजन संग्रह 25:16

गे आं गे हिरसीने। मिनु आं कली शिशी पाइय्‍यीनी। मारदे हना गो आं का दुम्‍शा, श्‍येत जशो बाक्‍नुङ।

भजन संग्रह 25:18

आं श्‍येत जशो नु आ थुं खाइश्‍शो कोव़ङीन। मिनु आं पशो पाप नेल्‍ल क्‍याम्‍दीने।

भजन संग्रह 30:5

मारदे हना आ गाइक्‍तीक इच्‍का ला बाक्‍ब। तन्‍न आ शिशी पतीके ब्रोंइशो सम्‍म लीब। मुर नाक्‍दो रे ङाक्‍चा माल्‍ताक्‍व हना यो, सुनी ग्‍येरपाइक्‍चा पुंइसीब। यसैया ५४:७-८

भजन संग्रह 38:18

गो आं काइ मरिम्‍शो पशो शोव़नुङ। आं मरिम्‍शो पशो मिम्‍शा सुर्ता पाइनुङ। भजन संग्रह ३२:५;

भजन संग्रह 38:19

आं जोरी सत्रु चहिं रिम्‍शो पा ब्रोंइशा, बोल्‍यो दुम्‍शो बाक्‍नीम। आं कली मोशान मदाक्‍ब शुश बाक्‍नीम।

भजन संग्रह 51:6

गे आंम पर्बम आंम थुं ङा थमा मिम्‍तीकेम दाक्‍नीनी। मोपतीके गे आं थुं कली जोक्‍तीक तुइक्‍तीक शेंदीने।

भजन संग्रह 86:15

तन्‍न परमप्रभु, गे दाक्‍ब नु शिशी पाइब परमप्रभु बाक्‍नीनी। रीब पा मगाइक्‍ब, गेना हना यो दाक्‍शा मप्रोंइब बाक्‍नीनी। भजन संग्रह १०३:८; प्रस्‍थान ३४:६

भजन संग्रह 86:5

परमप्रभु, गे रिम्‍शो पाइब नु माफ गेब बाक्‍नीनी। इन कली पुंइब नेल्‍ल आन कली गेना हना यो दाक्‍नीनी।

हितोपदेस 28:13

सुमी आंम पशो मरिम्‍शो पतीके ख्रुइक्‍बा, मेको सोशो बोशो मदुम्‍ब। तन्‍न सुमी आंम पशो मरिम्‍शो शोव़बा नु प्रोंइबा, मेको शिशी ताइब। भजन संग्रह ३२:३-५; १यूहन्‍ना १:८-९

हितोपदेस 30:20

हेंथे गाक्‍ब मीश मुरुमी जाइब। मिनु आ शोव़ शोप्‍शा “गो मारेइ मरिम्‍शो मपङ” देंब।

यसैया 65:24

मिनु गो मेको आन पुंइचा क्‍येङा ङोंइती, लोव़ लेत्‍नुङमी। आन लोव़ पन पना नेंनुङ। यसैया ३०:१९; यसैया ५८:९

येरमीया 2:23

मिनु “गे ‘गो ग्रांग्रा मदिशो नङ’ दे दोपा देंने चाप्‍नेवे? ‘गो बाल देवता आ नोले मखोइश्‍शो बाक्‍नुङ’ दे गे दोपा देंने चाप्‍नेवे? गे बेंसीम मार, पवी? मेको मिम्‍तो। गे थाम्‍पा एर ओंथ दोरशा गाक्‍ब दल‍ओंठ बाक्‍नेवे।

येरमीया 2:35

गे ‘गो दोस मताइब बाक्‍नुङ। मेको थमा पा गो नु मगाइक्‍ब’ देंनेवे। मारदे हना गेमी ‘गो पाप मपङ’ देंतीके गो इ कली निसाफ पाइनुङ। यसैया ४३:२५-२६

येरमीया 3:13

गे ‘गो पापी नङ। गो आं परमप्रभु यावे कली काइ मटीब दुम्‍ती। मिनु गिगी रवा नेल्‍ल आन पुंमी अरु देवी देवता आन कली दाक्‍ताक्‍ङ’ देंते। मिनु आं देंशो मटिवी। इ पाप शोव़ङो, दे मतो” देंत।

येरमीया 31:20

मिनु “मार, एफ्राइम आं दाक्‍शो तौ ममाइ ङा? मेको आ पर्बम गो मग्‍येरनुङा? गो मेको कली हुइक्‍ताक्‍ङ हना यो, मेको कली मिम्‍ना मिम्न बाक्‍ती। मोपतीके गो मेको कली मुल सम्‍म दाक्‍नुङ। गो मेको कली थमा पा शिशी पाइक्‍नुङ” दे परमप्रभु यावेम देंत। यसैया ४९:१५; होसे ११:८

होसे 6:1

मिनु मार लोव़ पाइनीम देंशा हना “पिन, गोपुकी परमप्रभु यावे गे लेय्‍य। मेकोमी आंइ कली टुक्रा टुक्रा पशो बाक्‍त। मिनु आंइ कली सापाइक्‍ब। मेकोमी आंइ कली तुप्‍तु। मिनु मेकोमी आंइ कली ओख्‍ती पाइक्‍ब। होसे ५:१४

लेवी 5:5

मिनु मेको मुर आ पशो पाप तुइक्‍ता नोले, मेकोमी आ पशो पाप शोव़चा माल्‍ब। लेवी १६:२१; गन्‍ती ५:७; यहोसु ७:२०

मलाकी 3:8

परमप्रभुमी “मार, मुरपुकीमी परमप्रभु आ मार मार खुइ पने चाप्‍नीमी ङा? तन्‍न गेपुकीम आं के खुइ पशो बाक्‍नीनी। मो हना यो गेपुकीमी ‘गोपुकीमी इन के मार खुइ पका ङा?’ देंनीनी। इन १० भाग ङा भाग का नु मार मार चढ़ेतीकेमी खुइ पशो बाक्‍नीनी। प्रस्‍थान २५:२

लूका 16:15

मिनु येसुमी “मुर आन कली ‘गो ठीक नकी’ देंखु पा कोंइनीनी। मिनु मुरपुकीमी इन कली ठेयब सेल्‍नीम। परमप्रभु यावेमी चहिं इन मिम्‍शो नेल्‍ल तुइक्‍ब। मुर आन दातेमी हिक्‍सीशो नेल्‍ले परमप्रभु यावे आ ङोंइती थम आइक्‍च दुम्‍नीम। लूका १८:९-१४

लूका 7:47

मोपतीके एको के शुश पाप नेल्‍ल क्‍याम्‍साक्‍व। मारदे हना एकोमी शुश आ दाक्‍तीके कोंइताक्‍व। सु के पाप इच्‍का ला क्‍याम्‍से, मेकोमी इच्‍का ला दाक्‍ब” दे मदा बाक्‍त।

एफिसी 4:32

मिनु रिम्‍शो पा कोव़मुने। दोपा परमप्रभु यावेमी ख्रीस्‍त मिम्‍शा, इन कली माफ गेवा, मोपा गेपुकी यो माफ गेमुने। मत्ती ६:१४; मत्ती १८:२२-३५; कलस्‍सी ३:१३

यहोसु 7:19

मिनु यहोसुमी आकान कली “आं तौ, परमप्रभु यावे, इस्राएली आन परमप्रभु कली ठेयब सेलो। मार मार पवी, मेको कली देनो। इ पशो आं कली देनो। लोव़ का यो मख्रुइक्‍तो” देंत।