भजन संग्रह 31:9 - Sunuwar Bible

⁹ परमप्रभु यावे, आं कली शिशी पाइय्‍यीनी। मारदे हना गो श्‍येत जशो बाक्‍नुङ। आं थुं लुक्‍च दुम्‍तीके आं मिक्‍च ओव़शो नु आं रां सोव़शो बाक्‍ब।

भजन संग्रह 31:9 ပူးပေါင်းရင်းမြစ်များ

२ सामुएल 22:20

मेकोमी आं कली लाङगा ङा ठेयब बाक्‍तीकेम ग्रुंइशा, श्‍येत रे प्रोंइती। मारदे हना मेको आं कली तशा ग्‍येरशो बाक्‍त।

अय्‍युब 17:7

आं मिक्‍च श्‍येत जतीके ब्रा ब्रा दुम्‍शो बाक्‍ब। आं गुइ खोइल सोव़शो बाक्‍नीम। गो वांकु खोदेंशो बाक्‍नुङ।

भजन संग्रह 107:10

का निक्‍शी श्‍येत जशा छिङछिङम बाक्‍तेक्‍म। चोक्‍चा पुंइसीशोपुकी साङलोम पाइक्‍चा पुंइसीशा, श्‍येत जशो बाक्‍तेक्‍म।

भजन संग्रह 18:20

गो दोदेंशो पा ठीक पङा, मोदेंशो पा परमप्रभु यावेमी आं कली पाप रे ङोन बाक्‍शो तशा, आं कली रिम्‍शो पाइक्‍ती।

भजन संग्रह 18:37

गो आं जोरी सत्रु आन कली खेदा पा थित्‍तामी। मेको आन कली साइक्‍ने मथुमु सम्‍म गो मलेङङ।

भजन संग्रह 44:25

आंइ थुं लुक्‍च लशो बाक्‍ब। आंइ रां खपीम गोल्‍शो बाक्‍ब।

भजन संग्रह 6:7

सुर्ता पतीके मिक्‍च मताइब खोदेंशो दुम्‍ती। मारदे हना आं जोरी सत्रु शुश बाक्‍नीम।

भजन संग्रह 66:14

गो श्‍येत जङानु, कसम जाता। मिनु मुल खाप्‍नुङ।

भजन संग्रह 73:14

गो नाक्‍त रे हिंचा ङा श्‍येत जाता। मिनु सुनी कुस कुस सजाइ ताता।

भजन संग्रह 73:26

आं रां नु आं थुं निम्‍फा ग्‍येत्‍थ लुक्‍च दुम्‍शो बाक्‍नीस। तन्‍न परमप्रभु गेना हना यो आं सक्ति नु आं भाग बाक्‍ब। भजन संग्रह १६:५

भजन संग्रह 88:9

सुर्ता पतीके आं मिक्‍च ब्रा ब्रा दुम्‍ती। परमप्रभु यावे, गो नाक्‍त किंत किंत इन कली पुंइना पुंइन बाक्‍नुङ। मिनु इन नेंमी आं गुइ पोक्‍नुङ।

बिलाप 4:17

वारच पाइब जाक्‍बा, कों देंशा लां कोव़शा मिक्‍च चोप्‍तु। रागी कामी आंइ कली वारच पाइबा कों, दे कोव़शा बाक्‍तक। तन्‍न मेकोमी आंइ कली प्रोंइने मचब।

बिलाप 5:17

मोपतीके आंइ थुं खाइक्‍त। मिनु आंइ मिक्‍च ब्रा ब्रा दुम्‍त।