भजन संग्रह 31:3 - Sunuwar Bible

³ इन नें आ पर्बम आं कली शेंशा, लां कोंइदीनी। मारदे हना गे आं सेरथे फुल्‍लु नु आं बोल्‍यो दरवार बाक्‍नीनी।

भजन संग्रह 31:3 ပူးပေါင်းရင်းမြစ်များ

नेहेम्‍याह 9:12

आंइ किकी पिपी आन कली नाक्‍त गोस्‍स के थामम लां कोंइताक्‍नी। मिनु नाक्‍दो आन लां तपाइक्‍चा कली मी के थाम दुम्‍शा लां कोंइताक्‍नी।

नेहेम्‍याह 9:19

गे मेको आन कली शुश शिशी पशा, गोरशो रागीमी प्रोंइशा मसोइक्‍तीनी। आन लतीक लां तपाइक्‍चा कली नाक्‍त गोस्‍स के थाम नु नाक्‍दो मी के थाम दुम्‍‍शा गेनायो मप्रोंइनी।

भजन संग्रह 102:3

मारदे हना आं नाक्‍त कुन बुद पा जाम्‍नीम। मिनु आं रुश नेल्‍ल ठेयब मीम नाप्‍शो खोदेंशो पा चोशो बाक्‍नीम।

भजन संग्रह 116:2

मेकोमी आं लोव़ नेंतु। मोपतीके गो ब्रोंइङा सम्‍म मेको कली पुंइशा लोव़ पाइनुङ।

भजन संग्रह 139:24

गो आं थुंम इन अरेशो मटितीके बाक्‍म कों? कोव़ङीन। मिनु गे आं कली गेना हना यो ब्रोंइशा बाक्‍तीक लांम खुल्‍यीनी।

भजन संग्रह 18:2

परमप्रभु यावे आं सेरथे फुल्‍लु, आं बोल्‍यो दरवार नु आं जोरी सत्रु रे प्रोंइब बाक्‍ब। आं परमप्रभु, गे आं ख्रुइक्‍तीके सेरथे फुल्‍लु बाक्‍नीनी। परमप्रभु आं तेक्‍तीके नु आं कली ग्‍येरपाइक्‍ब, आं कली प्रोंइब नु आ बोल्‍यो दरवार बाक्‍ब। ब्‍यवस्‍था ३२:१८

भजन संग्रह 25:11

परमप्रभु यावे, आं पाप ठेयब बाक्‍त हना यो, इन नें आ पर्बम आं ठीक मपशो माफ गेयीनी। प्रस्‍थान ३४:६-७

भजन संग्रह 25:5

इन थमा पतीकेम आं कली गाक्‍चा, शेंदीनी। मारदे हना गे आं कली श्‍येत रे प्रोंइब परमप्रभु बाक्‍नीनी। गो नाक्‍त रे इन लां कोव़शा, बाक्‍नुङ।

भजन संग्रह 25:9

ब्रेम्‍शो आन कली ठीक लां कोंइशा, आ लां शेंब।

भजन संग्रह 43:3

इन छेङछेङ नु इन थमा पतीके सोइक्‍तीन। मिनु मेकोमी आं कली लां कोंइशा इन डांडा नु इन बाक्‍तीकेमी चाक्‍यील।

भजन संग्रह 71:3

आं प्रोक्‍शा लशा ख्रुइश्‍शा बाक्‍तीके सेरथे फुल्‍लु दुमीन। गे आं कली प्रोंइचा कली ब्रोंइशा बाक्‍तीक दरवार बाक्‍नीनी। मारदे हना गे आं सेरथे फुल्‍लु नु आं ब्रोंइशा बाक्‍तीक दरवार बाक्‍नीनी। भजन संग्रह ३१:३-४

भजन संग्रह 79:9

आंइ कली श्‍येत रे प्रोंइब परमप्रभु, इन नें ङा सक्तिमी आंइ कली वारच पने। इन नें आ पर्बम आंइ कली प्रोनीन। मिनु आंइ पाप क्‍याम्‍दीने।

यसैया 49:10

शोव़लु मबेक्‍नीम, तूतू मदाक्‍नीम। नां नु होश फश नु नांमी मेको आन कली मनाप्‍ब। मारदे हना मेको आन कली शिशी पाइबमी मेको आन कली खुल्‍ब। प्रकाश ७:१६

येरमीया 14:7

मिनु आंइ मरिम्‍शो पशोम आंइ पर्बम सांकछी गेम्‍तेक्‍म हना, परमप्रभु यावे, गे इन नें आ पर्बम शिशी पने। मारदे हना गो इन कली प्रोंइशा, थम मरिम्‍शो दुम्‍तक। गोपुकीम इन पर्बम पाप पशो बाक्‍त‍क। दानीएल ९:४-९

लूका 1:79

मिनु मेको बेक्‍पाइक्‍ब आ छिङछिङम बाक्‍ब आन कली हाम्‍सो दुम्‍ब। मिनु मेकोमी आंइ कली थुं नाइश्‍शा बाक्‍तीकेम खुल्‍ब” देंमाक्‍त। यसैया ९:१

यूहन्‍ना 16:13

मिनु थमा ङा सोक्‍त जाक्‍शा, इन कली थमा लां कोंइशा शेंब। मेकोमी आंम मिम्‍शो मशेंब। तन्‍न मार मार नेंबा, मेकोन शेंब। नोले मार मार दुम्‍बा, मेको यो शेंब। यूहन्‍ना १४:२६; १यूहन्‍ना २:२७

एफिसी 1:12

गोपुकी ङोंइती “ख्रीस्‍तमी आंइ कली मरिम्‍शो रे प्रोंइब” दे आस पाइतक। मोपतीके परमप्रभु यावेमी आंइ कली “आ सक्ति ठेयब बाक्‍ब” दे ब्रोंइचा गेचा कली योव़तीकी।

यहोसु 7:9

मारदे हना कनानीपुकी नु एको रागी ङा मुर नेल्‍लेमी एको लोव़ नेंशा, आंइ कली पुम्‍नीम। मिनु आंइ नें रागी रे पा क्‍याम्‍नीम। मिनु गे इन ठेयब नें आ पर्बम मार पाइनीनी?” दे परमप्रभु यावे कली लोव़ पाप्‍तु। प्रस्‍थान ३२:१२