भजन संग्रह 30:7 - Sunuwar Bible

⁷ परमप्रभु यावे गेमी शिशी पा आं डांडा बोल्‍यो सेल्‍तीनी। मिनु नोले इन कुल ख्रुइक्‍तीनीनु, गो हिंती।

भजन संग्रह 30:7 ပူးပေါင်းရင်းမြစ်များ

अय्‍युब 10:12

गे आं कली ब्रोंइतीक सोक्‍त गेतीनी। मिनु गेना हना यो दाक्‍ताक्‍नी। मिनु आं कली ब्रोंइचा गेचा कली कोव़शा वोइक्‍तीनी।

भजन संग्रह 10:1

परमप्रभु यावे, गो आंइ श्‍येत जची ना, मारदे ङोन बाक्‍शा, ख्रुइक्‍नीनी?

भजन संग्रह 102:10

एको नेल्‍ल इन गाइक्‍तीकेमी दुम्‍शो बाक्‍ब। मारदे हना गे आं कली क्‍युक्‍शा, ताइक्‍ताक्‍यीनी।

भजन संग्रह 104:29

मिनु इन कुल ख्रुइक्‍तीनीनु, मेकोपुकी श्‍येत जाइनीम। मेको आन सोक्‍त लाइक्‍नीनु, मेकोपुकी बेक्‍नीम। मिनु लेंशा फुरक दुम्‍नीम। उत्‍पत्ती ३:१९

भजन संग्रह 143:7

परमप्रभु यावे, गे आं कली रीब पा लोव़ लेत्‍तीनी। आं थुं लुक्‍च लशो बाक्‍ब। इन कुल आं क्‍येङा मख्रुइक्‍तीन। मो दुम्‍त हना, गो बेक्‍शो मुर आन बाक्‍तीक लाइब मुर खोदेंशो दुम्‍नुङ।

भजन संग्रह 30:5

मारदे हना आ गाइक्‍तीक इच्‍का ला बाक्‍ब। तन्‍न आ शिशी पतीके ब्रोंइशो सम्‍म लीब। मुर नाक्‍दो रे ङाक्‍चा माल्‍ताक्‍व हना यो, सुनी ग्‍येरपाइक्‍चा पुंइसीब। यसैया ५४:७-८

भजन संग्रह 40:2

मेकोमी आं कली ग्रांग्रा दिचा ङा हिलोम बिक्‍शा बेक्‍तीक रे ग्रुंइताक्‍यी। मिनु आं कली सेरथे फुल्‍लु का तार राप्‍पाइक्‍ती। मिनु महिम्‍सीचा ङा पा नाइक्‍पाइक्‍ती।

भजन संग्रह 44:3

मेको आन तरवारम मेको रागी मग्राशो बाक्‍तेक्‍म। आन सक्तिमी यो मग्राशो बाक्‍तेक्‍म। इन सक्ति नु इन कुल ङा छेङछेङमी ग्रातेक्‍म। मारदे हना गे मेको आन कली दाक्‍शो बाक्‍ती‍नी।

भजन संग्रह 5:12

मिनु परमप्रभु यावे, गे मेको ठीक पाइब आन कली आसीक गेनीनी। इन दाक्‍तीके मेको आन कली एर ओंथ वोइश्‍शो तेक्‍तीक खोदेंशो बाक्‍ब।

भजन संग्रह 89:17

मारदे हना गे मेको आन सक्ति गेब बाक्‍नीनी। मिनु गो इन शिशीमी आंइ पिया पोक्‍शो बाक्‍नीकी।

यसैया 38:17

एको श्‍येत थमा पा आं कली ब्रोंइचा कली बाक्‍त। गे आं कली दाक्‍शा, श्‍येत रे ग्रुंइताक्‍यीनी। मारदे हना गे आं पाप नेल्‍ल क्‍याम्‍ताक्‍नी। भजन संग्रह ३२:५; मीका ७:१८-१९

ब्‍यवस्‍था 31:17

मिनु गो मेको नाक्‍त मेको आन पर्बम शुश गाइक्‍नुङ। मिनु गो मेको आन कली प्रोंइशा, मेको आन कली वारच मपाइ‍नुङ। मेकोपुकी रोइक्‍चा पुंइसीनीम। मिनु मेकोपुकीमी शुश मरिम्‍शो दुम्‍शा, ठेयब श्‍येत जाइनीम। मिनु मेको नाक्‍त मेकोपुकीमी ‘इं परमप्रभु गोपुकी नु मबाक्‍तीके इं कली मोदेंशो दुम्‍शो बाक्‍ब’ देंनीम।