भजन संग्रह 30:5 - Sunuwar Bible

⁵ मारदे हना आ गाइक्‍तीक इच्‍का ला बाक्‍ब। तन्‍न आ शिशी पतीके ब्रोंइशो सम्‍म लीब। मुर नाक्‍दो रे ङाक्‍चा माल्‍ताक्‍व हना यो, सुनी ग्‍येरपाइक्‍चा पुंइसीब। यसैया ५४:७-८

भजन संग्रह 30:5 ပူးပေါင်းရင်းမြစ်များ

उत्पत्ती 32:24

मिनु आइक्‍ची हांबुम याकूब का ला बाक्‍माक्‍त। मिनु नां रिक्‍शा, नां मसोव़म सम्‍म मुर का नु राम्‍शी पवा बाक्‍त। होसे १२:४-५

भजन संग्रह 103:17

तन्‍न परमप्रभु यावे आ गेना हना यो दाक्‍तीक आ कली मान पा हिंब नु गेना हना यो लीब। मिनु आ ठीक पतीके आन तौ चच आन पाला सम्‍म लीब। लूका १:५०

भजन संग्रह 103:9

मेकोमी गेना हना यो “गे दूली पाइतीनी” मदेंब। मिनु गेना हना यो मगाइक्‍ब। यसैया ५७:१६

भजन संग्रह 143:8

आं कली सुनी इन गेना हना यो दाक्‍तीके आ पर्बम नेंपाइय्‍यीनी। मारदे हना गो इन कली थमा सुइक्‍नुङ। गो तेको लां गाक्‍चा माल्‍नुङा, मेको आं कली शेंदीनी। गो इन लां कोव़शा बाक्‍नुङ।

भजन संग्रह 145:10

परमप्रभु यावे, इन सेल्‍शो मारेइ मारेइमी इन कली “गे रिम्‍शो पाइब बाक्‍नीनी” देंचा माल्‍नीम। मिनु इन कली थमा सुइक्‍बपुकीमी ठेयब सेल्‍चा माल्‍नीम।

भजन संग्रह 16:11

गे आं कली ब्रोंइतीक लां कोंइनीनी। गो इन ङोंइती बाक्‍ङानु, आं थुं ग्‍येरतीकेम ब्रीब। इन ग्‍युरा गे बाक्‍ङानु, गेना हना यो थम रिम्‍शो दुम्‍नुङ” दे लोव़ पाता।

भजन संग्रह 46:5

मिनु परमप्रभु मेको सहरम बाक्‍ब। मिनु मेको महिम्‍सीब। परमप्रभुमी मेको सहर कली नां सोव़म रेन वारच पाइब।

भजन संग्रह 47:7

मारदे हना परमप्रभु रागी नेल्‍ल ङा पिप बाक्‍ब। मेको कली ठेयब सेल्‍तीक कुम्‍सो का पने। भजन संग्रह ९३:१

भजन संग्रह 59:16

तन्‍न गो चहिं इन सक्ति आ पर्बम कुम्‍सो पाइनुङ। सुनी कना गो इन गेना हना यो दाक्‍शो आ पर्बम कुम्‍सो पाइनुङ। मारदे हना गे आं ब्रोंइशा बाक्‍तीक बोल्‍यो दरवार बाक्‍नीनी। मिनु श्‍येत जङानु, आं ख्रुइक्‍तीक बाक्‍नीनी।

भजन संग्रह 63:3

आं ब्रोंइतीके क्‍येङा इन गेना हना यो दाक्‍तीके ठेयब बाक्‍ब। मोपतीके गो इन कली ठेयब सेल्‍नुङ।

भजन संग्रह 97:12

ठीक पाइबपुकी परमप्रभु यावे नु ग्‍येरसीन। मेको कली “गे रिम्‍शो पाइब बाक्‍नीनी” देनीन।

प्रस्‍थान 3:15

मिनु लेंशा परमप्रभुमी मोसा कली “इस्राएल ङा मुर आन कली मार देंचा माल्‍नेवे देंशा हना ‘परमप्रभु यावे, इन किकी पिपी अब्राहाम, इसहाक नु याकूब आन परमप्रभुमी इन कली ग्रुम्‍थ सोइक्‍ताक्‍यी। आं नें गेना हना यो लीब। नेल्‍ल पाला ङा मुरुम आं नें आन थुंमी मिम्‍शा वोइक्‍चा माल्‍नीम’ देंचा माल्‍नेवे। प्रस्‍थान ६:२-३; यसैया ४२:८

यसैया 12:1

मेको नाक्‍ती गेपुकीमी “परमप्रभु यावे, गे रिम्‍शो पाइब बाक्‍नीनी। गे आंइ पर्बम गाइक्‍ताक्‍नी हना यो, इन गाइक्‍चा नाइक्‍साक्‍व। मुल गे आंइ कली लेम्‍नीनी।

यसैया 26:20

आं मुरपुकी जाक्‍शा, इन खिं ओव़ङीन। मिनु इन नोले लाप्‍चो चोक्‍कीन। गाइक्‍चा मनुम्म सम्‍म इच्‍का नाक्‍ती ख्रुंइ‍सीन। मत्ती ६:६

होसे 6:3

गोपुकी परमप्रभु यावे कली तुइश्‍शा, ठेयब सेल्‍य। मेको कली शुश तुइश्‍शा मान पय। मेको नां दाप्‍शो बुद पा जाक्‍ब। हिंउद ङा रेउ खोदेंशो पा जाक्‍ब। बर्खा ङा रू कली रिम्‍शो पा जिप्‍ब रेउ खोदेंशो पा जाक्‍ब” दे लोव़ पाम्‍तेक्‍म।

मत्ती 5:4

आन थुं खाइश्‍शोपुकी आसीक राइनीम। मारदे हना आन थुं नाइक्‍चा ताइनीम। भजन संग्रह १२६:५; प्रकाश ७:१७

२ कोरिन्‍थी 4:17

मारदे हना मुल जशो श्‍येत इच्‍का ला बाक्‍ब। नोले मेकोमी इं कली मरुप्‍चा ङा ठेयब छेङछेङमी बाक्‍चा गेब। रोमी ८:१७-१८; १पत्रुस १:६

प्रकाश 22:1

मिनु परमप्रभु यावे आ स्‍वर्ग ङा गेय पाइबमी ब्रोंइचा गेब खोला कोंइताक्‍यी। मेको खोला टल्‍केशो सिसा खोदेंशो तांइसाक्‍व। मिनु मेको खोला परमप्रभु यावे नु पाठा आस ठेयब नित्‍तीके रे ग्रूशा, इजीकीएल ४७:१-१२; जकरिया १४:८; उत्‍पत्ती २:९-१०

प्रकाश 22:17

मिनु परमप्रभु यावे आ सोक्‍त नु ग्‍युम्‍लीमी मुर आन कली “पिने” देंनीस। मिनु सु सुमी मेको लोव़ नेंनीमी, मेकोमी यो “पिने” देंमल। सु सु तूतू दाक्‍नी, पिने। मिनु ब्रोंइचा गेब ब्‍वाक्‍कु मोशा तूङीन। यसैया ५५:१; यूहन्‍ना ७:३७