भजन संग्रह 30:4 - Sunuwar Bible

⁴ परमप्रभु यावे कली टीबपुकी, मेको कली कुम्‍सो पने। मिनु आ नें ठेयब से‍लीन।

भजन संग्रह 30:4 ပူးပေါင်းရင်းမြစ်များ

१ इतिहास 16:4

मिनु दाऊदमी परमप्रभु यावे आ सन्‍दोस आ ङोंइती गेय पचा, दे लेवी आन कली योव़शा वोइक्‍मी बाक्‍त। मेकोपुकीमी परमप्रभु कली पुंइतीक लोव़ “गे रिम्‍शो पाइब बाक्‍नीनी” दे नु परमप्रभु यावे, इस्राएली आन परमप्रभु कली ठेयब सेल्‍चा माल्‍बाक्‍मा बाक्‍त।

भजन संग्रह 107:20

मेकोमी आ लोव़ सोइश्‍शा, मेको आन कली सापाइक्‍तु। मेको आन कली बेक्‍चा रे प्रोंइतु।

भजन संग्रह 132:9

इन कली चढ़ेबपुकीमी ठीक पतीके वा फेक्‍शो खोदेंशो पा फेक्‍समल। मिनु इन मुरपुकी ठेयब सेंदा पा ग्‍येरसमल।

भजन संग्रह 148:14

मेकोमी आ मुर आन कली सक्ति पाइश्‍शो नु ठेयब सेल्‍तु। आ कली थमा सुइक्‍ब नेल्‍ले नु आ नेक्‍था बाक्‍ब इस्राएलीपुकीमी परमप्रभु यावे कली ठेयब सेलीन। ब्‍यवस्‍था ४:७-८

भजन संग्रह 28:1

परमप्रभु यावे, गो इन कली लोव़ पाइनुङ। गे आं सेरथे फुल्‍लु बाक्‍नीनी। आं कली लोव़ मलेत्‍थु, आं क्‍येङा ङोन मलने। मो पाइतीनी हना, गो बेक्‍शो मुर खोदेंशो दुम्‍नुङ।

भजन संग्रह 32:11

गे ठीक पाइबपुकी, परमप्रभु यावे कली मिम्‍शा ग्‍येरसीने। रिम्‍शो थुं पाइश्‍शोपुकी ग्‍येरशा, कुम्‍सो पने।

भजन संग्रह 50:5

परमप्रभुमी “आं कली थमा सुइक्‍ब आन कली खुप्‍तीन। मेकोपुकीमी मार मार क्‍योरशा चढ़ेशा, गो नु कबल पाम्‍तेक्‍म” देंब। प्रस्‍थान २४:४-११

भजन संग्रह 86:13

मारदे हना इन गेना हना यो आं कली दाक्‍तीके ठेयब बाक्‍ब। गे आं कली बेक्‍शो मुर आन नेल्‍ल क्‍येङा आगा ङा बाक्‍तीके रे प्रोंइतीनी।

भजन संग्रह 97:12

ठीक पाइबपुकी परमप्रभु यावे नु ग्‍येरसीन। मेको कली “गे रिम्‍शो पाइब बाक्‍नीनी” देनीन।

प्रस्‍थान 15:11

परमप्रभु यावे, देवी देवता आन दातेमी इन खोदेंशो ठेयब सुइ मबाक्‍नीम। इन खोदेंशो सक्ति पाइश्‍शो, ठेयब मान ताइब सुइ मबाक्‍नीम। इन ठेयब गेय हिंचा ङा बाक्‍ब। गे छक लाक्‍चा ङा गेय पाइब बाक्‍नीनी। प्रस्‍थान ८:६; प्रस्‍थान १८:११; भजन संग्रह ८६:८

यसैया 6:3

मिनु सेराफ कामी अर्को सेराफ कली “मुर नेल्‍ल आन परमप्रभु यावे का ला ठेयब सक्ति पाइश्‍शो बाक्‍ब। रागी नेल्‍ले आ छेङछेङम ब्रीशो बाक्‍ब” देंत। प्रकाश ४:८

प्रकाश 4:8

मिनु मेको सेस जन्‍तु ६, ६ ओटा फ्रां पाइश्‍शो बाक्‍तेक्‍मे। मेको आन फ्रां नेल्‍ल नु आन रां नेल्‍लेमी मिक्‍च पाइश्‍शो बाक्‍तेक्‍म। मिनु मेकोपुकी नाक्‍दो नाक्‍त परमप्रभु यावे कली कुम्‍सो पना पन बाक्‍बाक्‍तेक्‍म। मार कुम्‍सो पाइबाक्‍तेक्‍म देंशा हना, “परमप्रभु यावे, गे का ला परमप्रभु ननी। गे नेल्‍ल सक्ति पाइश्‍शो बाक्‍नीनी। गे ङोंइती बाक्‍शो बाक्‍तीनी। मुल यो बाक्‍नीनी। मिनु नोले यो जाक्‍नीनी” दे कुम्‍सो पना पन बाक्‍बाक्‍तेक्‍म। यसैया ६:२-३; प्रस्‍थान ३:१४

१ सामुएल 2:6

परमप्रभु यावे बेक्‍पाइक्‍ब नु सेंपाइक्‍ब बाक्‍ब। मेकोमी मुर आन कली बेक्‍शो मुर आन बाक्‍तीके सोइक्‍ब। मिनु मेकोमी सेंपाइक्‍ने यो चाप्‍ब। ब्‍यवस्‍था ३२:३९; भजन संग्रह ७१:२०