भजन संग्रह 3:4 - Sunuwar Bible

⁴ गो परमप्रभु यावे कली ब्रेत्‍नुङ। मिनु आं कली आ योव़शो डांडा रे लोव़ लेप्‍ब। ठेयब सेंदा पा।

भजन संग्रह 3:4 ပူးပေါင်းရင်းမြစ်များ

उत्पत्ती 15:1

मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्‍त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्‍त। गन्‍ती २४:४,१६; भजन संग्रह ३:४

भजन संग्रह 119:114

गे आं ख्रुइक्‍तीक नु तेक्‍तीक बाक्‍नीनी। गो इन लोव़ ङा लां कोव़ना कोव़न बाक्‍नुङ।

भजन संग्रह 138:3

गो इन कली ब्रेङङानु, आं लोव़ लेत्‍ताक्‍यीनी। गे आं कली महिंब थुं गेशा, बोल्‍यो सेल्‍तीनी।

भजन संग्रह 18:3

गो परमप्रभु यावे नु लोव़ पाइनुङ। मेको ठेयब सेल्‍चा पुंइसीब बाक्‍ब। मेकोम आं कली आं जोरी सत्रु रे प्रोंइब।

भजन संग्रह 2:6

मिनु मेकोमी “गो आं सियोन डांडामी आं तेल लुक्‍शा सोइश्‍शो पिप कली वोइक्‍ता” देंत। जकरिया ८:३

भजन संग्रह 27:6

मोपा आं एर ओंथ बाक्‍शो जोरी सत्रु आन ङोंइती आं पिया पोक्‍ब। मिनु गो ग्‍येरशा ठेयब सेंदामी परमप्रभु यावे कली चढ़ेशा, कुम्‍सो पाइनुङ।

भजन संग्रह 28:7

परमप्रभु यावे आं सक्ति नु आं तेक्‍तीके बाक्‍ब। गो मेको कली थमा सुइक्‍ता। मोपा आं कली वारच पाइक्‍ती। मोपतीके गो थाम्‍पा ग्‍येरसीशो बाक्‍नुङ। गो आं कुम्‍सोमी मेको कली ठेयब सेल्‍नुङ।

भजन संग्रह 34:4

मिनु गो परमप्रभु यावे कली माल्‍ता। मेकोमी आं लोव़ लेत्‍ताक्‍यी। मेकोमी आं कली हिंतीक नु श्‍येत रे प्रोंइती।

भजन संग्रह 34:6

एको श्‍येत जाइबम पुंइतु। मिनु परमप्रभु यावेमी आ लोव़ नेंशा, आ श्‍येत रे प्रोंइतु।

भजन संग्रह 43:3

इन छेङछेङ नु इन थमा पतीके सोइक्‍तीन। मिनु मेकोमी आं कली लां कोंइशा इन डांडा नु इन बाक्‍तीकेमी चाक्‍यील।

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

भजन संग्रह 62:8

मुर नेल्‍ले, गेना हना यो परमप्रभु कली थमा सुतीन। मेको आ ङोंइती इन थुं ङा लोव़ देंनीन। मारदे हना परमप्रभु इं ख्रुइक्‍तीके बाक्‍ब। ठेयब सेंदा पा।

भजन संग्रह 84:12

मुर नेल्‍ल आन परमप्रभु यावे, इन कली जिम्‍मा गेंसीशो थमा सुइक्‍बपुकी ग्‍येरसीशो बाक्‍नीम” देंती।

भजन संग्रह 89:19

साइ ङोंइती गे इन कली मप्रोंइब मुर आन कली कोंइतीक कोंइशा, लोव़ पाइतीनी। मिनु गे “गो लडाइ पाइब का कली सक्ति गेता। गो मुर आन दाते रे का कली ठेयब सेल्‍ता। १सामुएल १३:१४; १सामुएल १६:१३

भजन संग्रह 91:15

मेकोमी आं कली थोइब। मिनु गो आ लोव़ लेत्‍नुङ। मेको श्‍येत जवानु, गो मेको नु बाक्‍नुङ। मेको कली श्‍येत रे प्रोंइशा, मान ताइब सेल्‍नुङ। भजन संग्रह ५०:१५

भजन संग्रह 99:9

परमप्रभु यावे, आंइ परमप्रभु कली ठेयब सेलीन। मेको कली आ डांडाम मान पने। मारदे हना परमप्रभु यावे, आंइ परमप्रभु का ला बाक्‍ब।

हितोपदेस 2:7

मेकोमी रिम्‍शो थुं पाइश्‍शो मुर आन कली तुइक्‍तीक थुं गे‍ब। मेको दोस मताइब आन कली तेक्‍तीके बाक्‍ब। भजन संग्रह ७:११

यसैया 65:24

मिनु गो मेको आन पुंइचा क्‍येङा ङोंइती, लोव़ लेत्‍नुङमी। आन लोव़ पन पना नेंनुङ। यसैया ३०:१९; यसैया ५८:९

बिलाप 3:56

गे आं थोशो लोव़ नेंतीनी। आं कली प्रोंइचा कली आ थोशो लोव़ नेनीन। इन नोफा मसुने। तन्‍न आं कली श्‍येत रे प्रोनीन।

मत्ती 7:7

परमप्रभु यावे कली पुनीने। मिनु इन पुंइशो ताइनीनी। मालीने, मिनु इन माल्‍शो थित्‍नीनी। बाक्‍नी? दे लाप्‍चो ख्रोकोल पने। मिनु गे ओव़चा ताइनीनी। मर्कूस ११:२४; यूहन्‍ना १४:१३; येरमीया २९:१३-१४

याकूब 5:13

इन दातेमी सु सु श्‍येत जामे, मेकोमी परमप्रभु यावे नु लोव़ पामेक्‍ल। सु सु ग्‍येरशो बाक्‍मा, मेकोपुकीमी “परमप्रभु यावे नेल्‍ल क्‍येङा ठेयब बाक्‍ब” दे कुम्‍सो पामेक्‍ल। भजन संग्रह ५०:१५; कलस्‍सी ३:१६