भजन संग्रह 3:3 - Sunuwar Bible

³ परमप्रभु यावे, गे आं एर ओंथ वोइश्‍शो तेक्‍तीके खोदेंशो बाक्‍नीनी। गे आं कली ठेयब सेल्‍पाइक्‍ब, आं थुं बारपाइक्‍ब नु आं पिया पोक्‍ब बाक्‍नीनी। उत्‍पत्ती १५:१

भजन संग्रह 3:3 ပူးပေါင်းရင်းမြစ်များ

उत्पत्ती 15:1

मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्‍त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्‍त। गन्‍ती २४:४,१६; भजन संग्रह ३:४

उत्पत्ती 40:13

मिनु सांबु नाक्‍ती फाराओम इन कली जेल्‍खान रे प्रोंइशा ङा मिन इन ङोंइती पशो गेय लेंशा गेब। मिनु गे ङोंइती ङा खोदेंशो पा फाराओ कली तूचा गेनीनी। लेंशा फाराओ कली कचौरा गेनीनी। इन तशो ङोमु आ अर्थ एको बाक्‍ब।

२ राजा 18:30

हिज्‍कीयाहमी ‘परमप्रभु यावेम थमा पा इं कली श्‍येत रे प्रोंइब। मिनु एको सहर अस्‍सुर ङा पिप आ गुइम मदुम्‍ब’ दे इन कली परमप्रभु यावे कली थमा मसुइक्‍पदल।

२ राजा 18:32

गो जाक्‍शा इन कली आंम इन रागी खोदेंशो रागीम लाइक्‍नन्‍नी। मेको रागी अन्‍न नु अङगुर शांबु, शोब्‍ले नु अङगुर रू, तेल रवा नु खुदो बाक्‍शो रागी बाक्‍ब। गेपुकी बेक्‍तीक आ पा ङा ब्रोंइतीक योव़ङीन। हिज्‍कीयाह आ लोव़ मनेनीन, मेकोम इन कली “परमप्रभु यावेमी इं कली प्रोंइब” दे जोल पाइब।

२ राजा 25:27

यहूदा ङा पिप येहो-याकीन ग्‍याइश्‍शा लाइश्‍शो ३७ बर्स, १२ महिना ङा २७ नाक्‍त दुम्‍मेनु, प्रोंइचा पुंइसे बाक्‍त। मिनु एवील-मेरोदक बेबीलोन ङा पिप दुम्‍शा सासन पशो आ ङोंइती ङा बर्सम मेको कली प्रोना बाक्‍त। २राजा २४:१५

भजन संग्रह 110:7

मेकोमी लां आ नेक्‍था ङा खोला ङा ब्‍वाक्‍कु तूब। मोपतीके मेको सक्ति पाइश्‍शो दुम्‍शा ग्राब।

भजन संग्रह 119:114

गे आं ख्रुइक्‍तीक नु तेक्‍तीक बाक्‍नीनी। गो इन लोव़ ङा लां कोव़ना कोव़न बाक्‍नुङ।

भजन संग्रह 18:2

परमप्रभु यावे आं सेरथे फुल्‍लु, आं बोल्‍यो दरवार नु आं जोरी सत्रु रे प्रोंइब बाक्‍ब। आं परमप्रभु, गे आं ख्रुइक्‍तीके सेरथे फुल्‍लु बाक्‍नीनी। परमप्रभु आं तेक्‍तीके नु आं कली ग्‍येरपाइक्‍ब, आं कली प्रोंइब नु आ बोल्‍यो दरवार बाक्‍ब। ब्‍यवस्‍था ३२:१८

भजन संग्रह 27:6

मोपा आं एर ओंथ बाक्‍शो जोरी सत्रु आन ङोंइती आं पिया पोक्‍ब। मिनु गो ग्‍येरशा ठेयब सेंदामी परमप्रभु यावे कली चढ़ेशा, कुम्‍सो पाइनुङ।

भजन संग्रह 28:7

परमप्रभु यावे आं सक्ति नु आं तेक्‍तीके बाक्‍ब। गो मेको कली थमा सुइक्‍ता। मोपा आं कली वारच पाइक्‍ती। मोपतीके गो थाम्‍पा ग्‍येरसीशो बाक्‍नुङ। गो आं कुम्‍सोमी मेको कली ठेयब सेल्‍नुङ।

भजन संग्रह 4:3

परमप्रभु यावेमी आ कली टीब आन कली आ नेक्‍था वोइक्‍चा कली योव़शो बाक्‍त, दे तुइक्‍तीन। मिनु परमप्रभु यावेमी आं पुंइशो लोव़ नेंब।

भजन संग्रह 62:7

आं कली श्‍येत रे प्रोंइतीके नु मान ततीके परमप्रभु रे जाक्‍ब। परमप्रभु आं ख्रुइक्‍तीक सेरथे फुल्‍लु नु आं बोल्‍यो दरवार बाक्‍ब।

भजन संग्रह 84:11

मारदे हना परमप्रभु, परमप्रभु यावे नां नु तेक्‍तीक बाक्‍ब। परमप्रभु यावेम ठेयब दुम्‍तीक नु मान गेब। मेकोमी ठीक लां खोइक्‍ब आन कली रिम्‍शो पाइब।

यसैया 45:25

इस्राएल आ चच युइ नेल्‍लेम ‘परमप्रभु यावेमी इं कली ठीक सेल्‍ब। गोपुकी आ मुर दुम्‍तय’ दे ग्‍येरसीनीम” देंत। येरमीया ९:२२-२३

यसैया 60:19

मेना इ कली नाक्‍त ङा नां छेङछेङ मदुम्‍ब। नाक्‍दो तास्‍ला हाम्‍सो मदुम्‍ब। मारदे हना इ परमप्रभु इ कली गेना हना यो छेङछेङ बाक्‍ब। मिनु इ परमप्रभु इ दारस बाक्‍ब। यसैया २४:२३; प्रकाश २१:२३; प्रकाश २२:५

लूका 2:32

अर्को जात ङा मुर आन कली छेङछेङ दुम्‍शा, मेको आन कली रुप्‍तीक थुं गेचा कली सोइक्‍ताक्‍नी। गो इस्राएली आंइ कली थम रिम्‍शो दुम्‍त” देंमाक्‍त। यसैया ४९:६

ब्‍यवस्‍था 33:29

गे इस्राएली, ग्‍येरसीने। परमप्रभु यावेमी प्रोंइचा पुंइसीशो इन खोदेंशो जात सु बाक्‍बा? परमप्रभु यावे इन कली वारच पाइब नु तेक्‍तीक बाक्‍ब। मेको इन ग्रातीक तरवार बाक्‍ब। इन जोरी सत्रु इन ङोंइती बाप्‍नीम। मिनु गे मेको आन चीमी थेक्‍शा गाक्‍नीनी” दे आसीक गेशा, देंत। ब्‍यवस्‍था ४:७-८; भजन संग्रह ३३:१२; भजन संग्रह १४४:१५

प्रकाश 21:11

मिनु मेको सहर दोदेंशो तांइसाक्‍व देंशा हना, परमप्रभु यावे आ छेङछेङ नु सक्ति पाइश्‍शो बाक्‍त। मिनु परमप्रभु यावे आ छेङछेङ नेल्‍ल क्‍येङा रिम्‍शो टल्‍केशो बुश यास्‍पेर माइश्‍शो हीरा खोदेंशो तांइसाक्‍व।

प्रकाश 21:23

मिनु मेको सहरमी नां नु तास्‍ला दाप्‍चा ममाल्‍ब। मारदे हना परमप्रभु यावे आ छेङछेङ नेल्‍ल सहरमी दाप्‍ब। पाठा मुर आन कली छेङछेङ गेब बत्ती बाक्‍ब। यसैया ६०:३,५,११,१९,२०