भजन संग्रह 28:5 - Sunuwar Bible

⁵ मेकोपुकीमी परमप्रभु यावे आ पशो नु आ गुइमी सेल्‍शो मारेइ ममिम्‍नीम। परमप्रभुमी मेको आन कली गेनायो मबोक्‍चा ङा पा क्‍याम्‍शा, लेंशा मसेल्‍ब। यसैया ५:१२-१३

भजन संग्रह 28:5 ပူးပေါင်းရင်းမြစ်များ

२ सामुएल 7:13

मिनु मेकोमी आं नेंमी खिं का सेल्‍ब। गो मेको आ राज्‍य गेना हना यो बाक्‍ब सेल्‍नुङ। १राजा ५:१९; १राजा ६:१२; भजन संग्रह ८९:४-५; यसैया ९:६

२ सामुएल 7:27

मारदे हना गे, मुर नेल्‍ल आन परमप्रभु यावे, इस्राएल आ परमप्रभु, इन गेय पाइब कली ‘गो इ खिं सेल्‍नुङ’ देंतीनी। गो महिंथु, एको लोव़ पाता। यसैया ५०:५

१ राजा 11:38

मिनु गे आं गेय पाइब दाऊद खोदेंशो पा आं शेंशो नेल्‍ल पाप्‍तीवी नु आं लांम गाक्‍ते हना, आं ङोंइती मार ठीक बाक्‍मे, मेको नेल्‍ल पाप्‍‍तीवी हना, आं फुल्‍लुम मुशा ब्रेक्‍शो लोव़ नु आं शेंशो नेल्‍ल आं गेय पाइब दाऊदम खोदेंशो पा टिप्‍‍तीवी हना, गो गे नु बाक्‍नुङ। गो इ खिं कली गेना हना यो लीपाइक्‍नुङ। मिनु इस्राएल इ कली गेनन। १राजा ९:४

भजन संग्रह 10:5

मोपा यो मारेइ मारेइम गाप्‍शा श्‍येत मजाइनीम। मारदे मेकोपुकीमी इन निसाफ पशो मताइनीमी? मेकोपुकीमी आन जोरी सत्रु आन क्‍येङा महिंथु मेको आन कली ग्रानीम। आमोस ६:३

भजन संग्रह 104:24

परमप्रभु यावे, इन गेय ठेयब नु शुश बाक्‍नीम। गे जोक्‍ब तुइक्‍ब दुम्‍शा, नेल्‍ल सेल्‍तीनी। रागी नेल्‍ल इन सेल्‍शो मारेइ मारेइम ब्रीशो बाक्‍ब। उत्‍पत्ती १:३१

भजन संग्रह 8:3

गो सरीङ गे कोव़ङुनु, इन सेल्‍शो तास्‍ला नु सोरुल तातामी,

यसैया 22:11

मिनु गे सहर ङा गारो निक्‍शी आस दातेमी माइत दोम्‍ली ङा ब्‍वाक्‍कु तेम्‍तीनी। तन्‍न इन कली मोदेंशो पपाइक्‍ब कली ममिम्‍तीनी। ङोंइती रे नेल्‍ल सेल्‍ब कली चहिं मान मपनी।

यसैया 40:26

गेपुकी ग्‍येत्‍थ कोव़ङीन। मेको आन कली सुम सेला? मेकोमी शुश राप्‍पाइश्‍शा, मेको आन कली हिक्‍ब। मेको आन नें थिशा, ब्रेप्‍ब। मारदे हना मेको आ ठेयब सक्तिम पतीके का यो मजाम्‍नीम। भजन संग्रह १४७:४; उत्‍पत्ती १:१४-१८

यसैया 45:12

गो रागी नु रागीम बाक्‍ब मुर आन कली सेल्‍ता। गो आं गुइमी सरीङ प्राक्‍ता। मिनु मेकेर मार मार बाक्‍मा, मेको नेल्‍ल सेल्‍तामी। यसैया ४४:२४

यसैया 45:18

मिनु परमप्रभु यावे सरीङ नु रागी सेल्‍ब बाक्‍ब। मुर मबाक्‍तीके मसेल्‍थु, मुर आन कली बाक्‍तीक सेल्‍तु। मेकोमी “गो परमप्रभु यावे नङ। आं ङा लाक्‍शा अरु सुइ परमप्रभु मबाक्‍ब।

यसैया 45:8

सरीङ, रेउ यिपतो। ठीक पतीके रेउ खोदेंशो पा यिल। रागी रोक्‍सेक्‍ल, पाप रे प्रोंइतीके ठोसा खोदेंशो पा ग्रूब। मेको ठीक पतीके नु कालेमीन कोल्‍सल। मेको नेल्‍ल सेल्‍ब, गो, परमप्रभु यावे नङ।

यसैया 5:12

बीना, तार पाइश्‍शो ठेयब ताप्‍तीके, खैजडी नु बांसुरी नेंशा, शांबु दुक्‍नीनी। तन्‍न परमप्रभु यावे आ पशो प्रेंशा ममिम्‍नीनी। आ गुइ ङा गेय मताइनीनी। आमोस ६:५-६; भजन संग्रह ४४:२

येरमीया 31:4

गो इ कली लेंशा सेल्‍नुङ। गे लें‍शा सेल्‍चा पुंइसीनेवे। मिनु गे कन्‍ने मीश आल, इस्राएल, गे लेंशा इ खैजडी शेशा, ग्‍येरसीशोपुकी नु सिल पथ लाइनेवे।

होसे 14:9

सु जोक्‍ब तुइक्‍ब बाक्‍बा, मेकोमी एको लोव़ तुइक्‍तल। सु के रुप्‍ब थुं बाक्‍मे, मेकोमी एको लोव़ रुबल। परमप्रभु यावे आ लां ठीक बाक्‍नीम। मिनु ठीक पाइबपुकी मेको आ लांमी गाक्‍नीम। तन्‍न आ देंशो मटीबपुकी मेको आ लांमी दाइल पाइसीनीम” दे परमप्रभुम देंत।

गन्‍ती 23:23

थमा पा, याकूब कली राइब मारेइ मन्‍तर तन्‍तर मबाक्‍ब। इस्राएली आन कली राइब मारेइ लिंक्‍यु कोव़तीके मबाक्‍नीम। मुल याकूब नु इस्राएल आ पर्बम परमप्रभु आ पशो कोव़ङीन।

यूहन्‍ना 12:37

मिनु येसुमी मुर आन ङोंइती शुश छक लाक्‍चा ङा गेय पाप्‍तु हना यो, मेकोपुकीम येसु कली थमा मसुदेम।

रोमी 1:20

मिनु रागी सेल्‍चा रे मतांइसीशो नु गेना हना यो सक्ति पाइश्‍शो परमप्रभु यावे आ सरीङ नु रागीमी सेल्‍शो मार मार रे तुंइसीब। मोपतीके मेकोपुकीम मतुइक्‍तक देंशा, माफ पुंइने मचाप्‍नीम। भजन संग्रह १९:२; हिब्रू ११:३

रोमी 1:28

आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।