भजन संग्रह 28:3 - Sunuwar Bible

³ आं कली इन अरेशो मटीब नु मरिम्‍शो पाइब मुर नु मक्‍याम्‍दीन। मेको आन नेक्‍था ङा मुर नु गारशो लोव़ पाइनीम। तन्‍न आन थुं मरिम्‍शो पतीकेमी ब्रीशो बाक्‍नीम। २सामुएल २०:९-१०

भजन संग्रह 28:3 ပူးပေါင်းရင်းမြစ်များ

भजन संग्रह 10:14

परमप्रभु, गे नेल्‍ल ताइतीनी। गे श्‍येत जाइब नु मरिम्‍शो पाइक्‍चा पुंइसीब आन कली वारच पाइश्‍शा, क्‍येक्‍क लेप्‍ब बाक्‍नीनी। मेको श्‍येत जाइबपुकी इन कली जिम्‍मा गेंसीशो बाक्‍नीम। गे रोम रोइक्‍च आन कली वारच पाइब बाक्‍नीनी। भजन संग्रह ६८:६; प्रस्‍थान २२:२२

भजन संग्रह 10:7

मेको मुरपुकीमी सराप नु जोल पना पन बाक्‍शा, अरु आन कली दिप्‍शो बाक्‍नीम। मेको आन लोव़मी श्‍येत नु मरिम्‍शो ला दुम्‍पाइक्‍नीम। रोमी ३:१४

भजन संग्रह 12:2

नेल्‍लेमी आन नेक्‍था ङा मुर नु जोल ला पमुइनीम। चिप्‍लो लोव़ पाइब थुं निक्‍शी पाइश्‍शो ला बाक्‍नीम।

भजन संग्रह 141:4

आं थुं कली मरिम्‍शो मिम्‍चा मगेने। मरिम्‍शो पाइब नु गारशा, इन मदाक्‍शो गेय पचा मगेने। मिनु गो मेको आन ब्रोव़शो जचा थोव़क जचा मदाक्‍नुङ।

भजन संग्रह 26:9

आं कली मरिम्‍शो पाइब नु हुश ख्राक्‍श पोक्‍ब नु मसाइय्‍यीनी।

भजन संग्रह 36:4

मेको आन ब्राख्‍येम बाक्‍मानु, आन मरिम्‍शो पतीक ला मिम्‍ना मिम्‍न बाक्‍नीम। मेको मरिम्‍शो लां खोइक्‍नीम। मेकोमी आन थुंमी “मरिम्‍शो पशो ग्रांग्रा दिशा मपाइनीकी” दे मदेंनीम। मीका २:१

भजन संग्रह 52:1

गे थम बोल्‍यो मुर, मारदे मरिम्‍शो पचा आ पर्बम बोरनीनी? परमप्रभु आ शिशी नाक्‍त रे लीब।

भजन संग्रह 55:21

मिनु मेकोमी मिलो शिलो लोव़ पाप्‍तु। तन्‍न मेको आ थुंमी जिचा खेचा ला बाक्‍ब। मेको आ लोव़ तेल ख्रेक्‍शो खोदेंशो बाक्‍ब। तन्‍न आ आगाम शोइश्‍शो तरवार बाक्‍ब। येरमीया ९:७

भजन संग्रह 62:4

मेकोपुकीमी ठेयब मुर कली साइक्‍चा माल्‍शो बाक्‍नीम। मेकोपुकी जोल पतीकेमी ग्‍येरसीनीम। मिनु शोव़म आसीक गेखु पाइनीम। तन्‍न आन थुंमी चहिं सराप पाइनीम। ठेयब सेंदा पा।

भजन संग्रह 7:14

नेनीन, मेकोमी मरिम्‍शो ला मिम्‍नीम। मिनु श्‍येतम ब्रीशा, जोल पना पन बाक्‍नीम।

मीका 3:5

मिनु परमप्रभु यावेमी आ लोव़ पाइब आन पर्बम मार देंत देंशा हना “सुम आं मुर आन कली दूली लांम गाक्‍पाइक्‍बा? आं लोव़ पाइबपुकीमी, सुमी मेको आन कली जचा गेमेनु ‘रिम्‍शो दुम्‍ब’ देंनीम। तन्‍न मेको आन कली जचा मगेमेनु, मेको आन कली लडाइ तोचा कली ठीक दुम्‍नीम।

गन्‍ती 16:26

मिनु मेकोम नेल्‍ल मुर आन कली “मेको मरिम्‍शो मुर आन ताम्‍बु रे दिल्‍शा बाक्‍कीन। मेको आन के मारेइ मथिने। मो मपाइतीनी हना, मेको आन पापमी पतीके गेपुकी यो साइक्‍चा पुंइसीनीनी” दे माइक्‍तीमी।

मत्ती 25:41

मिनु आ पेरा गे राप्‍शो आन कली हिरशा ‘सराप तशोपुकी, गो नु मबाक्‍कीने। सैतान नु आ गेय पाइब आन कली गेनायो मकाप्‍ब मी वोइश्‍शो बाक्‍ब। मेकेर लने। प्रकाश २०:१०,१५

मत्ती 25:46

मिनु मेकोपुकी गेना हना यो सजाइ ततीकेमी लाइनीम। परमप्रभु आ ङोंइती ठीक दुम्‍शोपुकी चहिं गेना हना यो परमप्रभु यावे नु बाक्‍चा ततीकेमी लाइनीम” दे शेंताक्‍मी। यूहन्‍ना ५:२९; याकूब २:१३