भजन संग्रह 27:8 - Sunuwar Bible

⁸ परमप्रभु यावे, इन लोव़मी ‘आं कली मालीन’ दे ब्रेक्‍शो खोदेंशो पा, आं थुंमी इन कली माल्‍नुङ। ब्‍यवस्‍था ४:२९

भजन संग्रह 27:8 ပူးပေါင်းရင်းမြစ်များ

२ सामुएल 21:1

पिप दाऊद आ पालाम बर्स सां सम्‍म अन्‍काल दुम्‍स ङा दुम्‍स पवा बाक्‍त। मिनु दाऊदमी परमप्रभु यावे कली हिल्‍लो पवा बाक्‍त। मिनु परमप्रभु यावेमी “सावल नु आ खिं ङा मुर आन तार हुश आ दोस बाक्‍शो बाक्‍ब। मारदे हना मेकोम गिबोनी आन कली साइक्‍तु” देंमाक्‍त।

२ इतिहास 7:14

मिनु आं मुरपुकी ब्रेम्‍शो दुम्‍शा, आं कली पुंइशा, आं कली माल्‍तेक्‍म हना, आन मरिम्‍शो लां रे लेत्‍‍तेक्‍म हना, गो स्‍वर्ग रे मेको आन पुंइशो नेंनुङ। मिनु मेको आन पाप क्‍याम्‍नुङ। मिनु गो मेको आन रागी कली ङोंइती ङा खोदेंशो पा रिम्‍शो सेल्‍नुङ।

भजन संग्रह 105:4

गे परमप्रभु यावे नु आ सक्ति मालीन। गे गेना हना यो मेको आ नेक्‍था बाक्‍चा मालीन।

भजन संग्रह 119:58

गो आं थुं नेल्‍लेमी इन कली पुंइता। इन थोक्‍शा पशो लोव़ खोदेंशो पा, आं कली शिशी पाइय्‍यीनी।

भजन संग्रह 24:6

मोदेंशो मुरपुकी परमप्रभु कली माल्‍ब बाक्‍नीम। मिनु “याकूब आ परमप्रभु, इन कुल तचा दाक्‍‍नीक” देंनीम। ठेयब सेंदा पा।

यसैया 26:16

परमप्रभु यावे, मेको मुरपुकीमी श्‍येत जशा, इन कली माल्‍तेक्‍म। इन गेशो सजाइ तशा, आइक्‍च सेंदाम इन कली पुंइतेक्‍म। होसे ५:१५

यसैया 45:19

गो छिङछिङ ङा रागीमी ख्रुइश्‍शो लोव़ मपङ। गो याकूब आ आल आन कली ‘गे आं कली खल्बलम मालीने’ मदेंङ। गो, परमप्रभु यावेमी थमा नु ठीक लोव़ ला पाइनुङ” देंत। यसैया ४८:१६

होसे 5:15

मिनु गो आं बाक्‍तीकेमी लेश्‍शा बाक्‍नुङ। मेकोपुकीमी आन मरिम्‍शो पशो तुइश्‍शा, आं कली ममाल्‍मे सम्‍म बाक्‍नुङ। मिनु मेकोपुकीमी शुश श्‍येत जशा, आं कली माल्‍नीम” दे परमप्रभुमी देंत। यसैया २६:१६

यूहन्‍ना 11:29

मिनु मरीयम मेको नेंशा, छुल बोक्‍शा, येसु कली ग्रुम्‍थ लमाक्‍त।