भजन संग्रह 27:6 - Sunuwar Bible

⁶ मोपा आं एर ओंथ बाक्‍शो जोरी सत्रु आन ङोंइती आं पिया पोक्‍ब। मिनु गो ग्‍येरशा ठेयब सेंदामी परमप्रभु यावे कली चढ़ेशा, कुम्‍सो पाइनुङ।

भजन संग्रह 27:6 ပူးပေါင်းရင်းမြစ်များ

उत्पत्ती 40:13

मिनु सांबु नाक्‍ती फाराओम इन कली जेल्‍खान रे प्रोंइशा ङा मिन इन ङोंइती पशो गेय लेंशा गेब। मिनु गे ङोंइती ङा खोदेंशो पा फाराओ कली तूचा गेनीनी। लेंशा फाराओ कली कचौरा गेनीनी। इन तशो ङोमु आ अर्थ एको बाक्‍ब।

उत्पत्ती 40:20

मिनु आ सांबु नाक्‍ती फाराओ आ जरमेशो नाक्‍त बाक्‍माक्‍त। मिनु फाराओमी आ गेय पाइब नेल्‍ल आन कली भोज सेला बाक्‍त। मिनु आ कली तूचा गेब आन ठेयब मुर नु शोब्‍ले चोइब आन ठेयब मुर आस कली जेल्‍खान रे ग्रुंइदीम्‍सी बाक्‍त।

२ सामुएल 22:1

परमप्रभु यावेमी दाऊद कली आ जोरी सत्रु नेल्‍ल नु सावल रे प्रोना नोले दाऊदमी परमप्रभु यावे कली कुम्‍सो पवा बाक्‍त।

२ सामुएल 22:49

मेकोम आं कली आं जोरी सत्रु रे प्रोंइती। गे आं कली आं जोरी सत्रु आन क्‍येङा ठेयब सेल्‍तीनी। गे आं कली हुश ख्राक्‍श पोक्‍ब रे प्रोंइतीनी।

२ सामुएल 7:9

गे ते ते गाक्‍ङे, मेक मेक गो गे नु बाक्‍ती। गो इ जोरी सत्रु नेल्‍ल आन कली इ ङोंइती रे खेर‍तामी। गो इ नें रागी ङा ठेयब मुर आन नें खोदेंशो पा ठेयब सेल्‍नुङ।

२ राजा 25:27

यहूदा ङा पिप येहो-याकीन ग्‍याइश्‍शा लाइश्‍शो ३७ बर्स, १२ महिना ङा २७ नाक्‍त दुम्‍मेनु, प्रोंइचा पुंइसे बाक्‍त। मिनु एवील-मेरोदक बेबीलोन ङा पिप दुम्‍शा सासन पशो आ ङोंइती ङा बर्सम मेको कली प्रोना बाक्‍त। २राजा २४:१५

१ इतिहास 22:18

परमप्रभु यावे, इन परमप्रभु गेपुकी नु बाक्‍ब। मेकोमी इन रागी नेल्‍लेमी काइ लडाइ मदुपद। इन थुं नाइक्‍पाइश्‍शा वोइक्‍तु। मेकोमी एको रागी ङा मुर आन कली आं गुइमी गेशो बाक्‍त। मारदे हना परमप्रभु यावेमी एको रागी ङा मुर आं गुइम गेती। मेको रागीपुकी परमप्रभु यावे नु आ मुर आन सासनमी वोइक्‍तु। १इतिहास २३:२५

भजन संग्रह 107:22

मेकोपुकीमी “गे रिम्‍शो पाइब बाक्‍नीनी” दे चढ़ेमेक्‍ल। मिनु परमप्रभु आ पशो नेल्‍ल ग्‍येरशा कुम्‍सो पा शेंदमेक्‍ल।

भजन संग्रह 110:7

मेकोमी लां आ नेक्‍था ङा खोला ङा ब्‍वाक्‍कु तूब। मोपतीके मेको सक्ति पाइश्‍शो दुम्‍शा ग्राब।

भजन संग्रह 119:108

परमप्रभु यावे, गो इन कली ठेयब सेल्‍शो, चढ़ेतीक खोदेंशो पा ब्रने। मिनु आं कली इन पतीक लोव़ शेंदीनी। भजन संग्रह १९:१५

भजन संग्रह 138:5

मिनु मेकोपुकीमी परमप्रभु यावे आ लां आ पर्बम कुम्‍सो पामेक्‍ल। मारदे हना परमप्रभु यावे आ सक्ति थम ठेयब बाक्‍ब।

भजन संग्रह 21:1

परमप्रभु यावे, इन सक्ति तशा, पिप ग्‍येरसाक्‍व। इन प्रोंइतीकेमी मेको शुश ग्‍येरसाक्‍व।

भजन संग्रह 21:13

परमप्रभु यावे, इन सक्तिम बोक्‍नीनी। गोपुकीमी कुम्‍सो पशा, इन सक्ति ठेयब बाक्‍ब, दे इन कली ठेयब सेल्‍नीकी।

भजन संग्रह 3:3

परमप्रभु यावे, गे आं एर ओंथ वोइश्‍शो तेक्‍तीके खोदेंशो बाक्‍नीनी। गे आं कली ठेयब सेल्‍पाइक्‍ब, आं थुं बारपाइक्‍ब नु आं पिया पोक्‍ब बाक्‍नीनी। उत्‍पत्ती १५:१

भजन संग्रह 3:4

गो परमप्रभु यावे कली ब्रेत्‍नुङ। मिनु आं कली आ योव़शो डांडा रे लोव़ लेप्‍ब। ठेयब सेंदा पा।

भजन संग्रह 47:1

जात जात ङा मुर नेल्‍लेमी इन गुइ फ्रोक्‍तीन। गे ग्‍येरशा, परमप्रभु कली कुम्‍सो पने।

भजन संग्रह 57:8

आं थुं सेंशा बोक्‍को। ताप्‍तीकपुकी ठीक पा बाक्‍कीन। मारदे हना गो नां सोव़चा क्‍येङा ङोंइती कुम्‍सो पाइनुङ।

भजन संग्रह 81:1

आंइ कली सक्ति गेब परमप्रभु कली कुम्‍सो पने। ग्‍येरशा सोम्‍शा ठेयब सेंदा पा याकूब आ परमप्रभु कली कुम्‍सो पने।

भजन संग्रह 95:1

जाक्‍कीन, ग्‍येरसीशा परमप्रभु यावे कली कुम्‍सो पय। इं कली श्‍येत रे प्रोंइब सेरथे फुल्‍लु कली ठेयब सेंदा पा कुम्‍सो पय।

यसैया 12:6

सियोनम बाक्‍बपुकी ठेयब सेंदा पा ग्‍येरशा परमप्रभु कली ठेयब सेल्‍शा कुम्‍सो पने। मारदे हना इस्राएली आन का ला बाक्‍शो परमप्रभु इन दातेमी ठेयब बाक्‍ब।

येरमीया 31:7

परमप्रभु यावेमी “याकूब आ पर्बम ग्‍येरशा ठेयब सेंदा पा कुम्‍सो पने। मिनु रागी रागी ङा नेल्‍ल क्‍येङा ठेयब रागी आ पर्बम ठेयब सेंदा पा ग्रीङीन। मिनु परमप्रभु यावेम आ मुर आन कली श्‍येत रे प्रोंइतु। इस्राएल ङा लीशो आन कली प्रोंइतु।

येरमीया 33:11

थुं नाइश्‍शा बाक्‍तीक, ग्‍येरशो सेंदा, ग्‍युम्‍ली ग्‍युम्‍ले आन सेंदा, कुम्‍सो पशो सेंदा नु परमप्रभु यावे आ खिंम, गे रिम्‍शो पाइब बाक्‍नीनी’ देंशा सेंदा लेंशा नेंसीब। मुर नेल्‍ल आन परमप्रभु यावे कली ‘परमप्रभु यावे, गे शिशी पाइब बाक्‍नीनी’ देनीन। मारदे हना मेको रिम्‍शो पाइब बाक्‍ब। मेको आ दाक्‍तीक गेना हना यो बाक्‍ब। गो रागी ङा मुर आन कली ङोंइती ङा खोदेंशो पा थुं नाइक्‍चा गेनुङ” दे परमप्रभु यावेम देंत। येरमीया ७:३४; एज्रा ३:११; बजन संग्रह १०६:१

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५

हिब्रू 13:15

येसु रे पा परमप्रभु यावे कली मान पा ठेयब सेल्‍ना सेल्‍न बाक्‍य। मेको यो इं शोव़ ङा भेटी बाक्‍ब। भजन संग्रह ५०: १४,२३; होसे १४:३

१ पत्रुस 2:5

मिनु गे यो ब्रोंइचा गेब फुल्‍लु खोदेंशो बाक्‍नीनी। मोपतीके परमप्रभु यावे आ सोक्‍तीम सेल्‍शो खिं ङा फुल्‍लु दुमीन। परमप्रभु यावे आ ङोंइती राप्‍ब मुर दुमीन। आ सोक्‍त ङा चढ़ेतीक गेय पा बाक्‍कीन। येसु ख्रीस्‍त आ पतीके परमप्रभु यावेमी इन पशो ताक्‍ब। एफिसी २:२१-२२; हिब्रू ३:६; रोमी १२:१

प्रकाश 15:3

मिनु परमप्रभु यावे आ वाइल मोसा नु पाठा आ कुम्‍सो पाम्‍तेक्‍म। मिनु मेको कुम्‍सोम मार लोव़ बाक्‍त देंशा हना “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। इन गेय ठेयब नु छक लाक्‍चा बाक्‍नीमी। गे इन लां नेल्‍ल ठीक नु थमा बाक्‍नीमी। गे गेना हना यो पिप बाक्‍नीनी। प्रस्‍थान १५:१,११; येरमीया १०:६-७; ब्‍यवस्‍था ३२:४; भजन संग्रह १४५:१७

प्रकाश 5:9

मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। भजन संग्रह ३३:३