भजन संग्रह 27:2 - Sunuwar Bible

² मरिम्‍शो मुरपुकी आं श्‍ये ब्‍वचा कली आं नेक्‍था जाक्‍मानु, आं कली खेदा पाइब नु आं जोरी सत्रु दाइल पपाइश्‍शा खोल्‍चा पुंइसाक्‍म।

भजन संग्रह 27:2 ပူးပေါင်းရင်းမြစ်များ

अय्‍युब 19:22

गेपुकीमी यो परमप्रभुमी आं कली खेदा पशो खोदेंशो पा मारदे खेदा पाइनीनी? मार, आं कली मिश ङा श्‍येत गेशा मरूनी?

अय्‍युब 31:31

आं गेय पाइब नेल्‍लेम गेनायो ‘अय्‍युब आ भोजम मुर मरूम’ मदेंम।

भजन संग्रह 118:12

मेकोपुकीमी आं कली सुरबुम खोदेंशो पा गिल्‍तीमी। मेकोपुकी चूम ब्रशो मी खोदेंशो पा ब्राम्‍तेक्‍म। तन्‍न गो परमप्रभु यावे आ नेंमी मेको आन कली खतम पोक्‍ताक्‍मी।

भजन संग्रह 14:4

मरिम्‍शो पाइबपुकीमी परमप्रभु यावे कली मतुइक्‍नीम। आ मुर आन कली शोब्‍ले जशो खोदेंशो पा नेक्‍नीम। मेकोपुकीमी परमप्रभु यावे कली यो मपुंइनीम। मीका ३:३

भजन संग्रह 18:4

गो साइक्‍चा पुंइसीचशो दुम्‍शा, हेरा बेक्‍ती। आं कली साइक्‍ब ब्‍वाक्‍कु आ छाल खोदेंशो पा जाक्‍शा, हिंपाइक्‍ती। भजन संग्रह ११६:३

भजन संग्रह 22:16

कुचुमपुकीमी आं कली पुम्‍ताक्‍यीमी। काइ मरिम्‍शो पाइब आन हुल आं एर ओंथ बाक्‍नीम। आं गुइ खोइली ख्रित्‍ताक्‍यीमी। यूहन्‍ना २०:२५,२७

भजन संग्रह 3:7

आं परमप्रभु यावे, बोक्‍कीन। आं परमप्रभु, आं जोरी सत्रु रे प्रोंइयीनी। मिनु गे मेको आन चोव़चो राप्‍तीने। इन अरेशो लोव़ मटीब आन ख्रुइ जिक्‍तीने। गन्‍ती १०:३५

भजन संग्रह 53:4

मार, मरिम्‍शो पाइबपुकी मारेइ मशेंसीनीमी? मेकोपुकीमी शोब्‍ले जशो खोदेंशो पा आं मुर आन कली नेक्‍नीम। मेकोपुकीमी परमप्रभु कली काइ मपुंइनीम।

भजन संग्रह 9:3

आं जोरी सत्रु इन कली तशा, आन जाक्‍शो लां रे लेश्‍शा प्रोक्‍शा लमानु, गुल गाल थिश्‍शा, साइक्‍चा पुंइसाक्‍म।

यसैया 8:15

मिनु मुर शुश दाइल पाइश्‍शा गोल्‍शा, ब्‍वारदम रेश्‍शा, ग्‍याइक्‍चा पुंइसीनीम।