भजन संग्रह 27:11 - Sunuwar Bible

¹¹ परमप्रभु यावे, आं कली इन लां शेंदीनी। मिनु आं जोरी सत्रु आन पर्बमी आं कली ठीक लां कोंइदीनी। भजन संग्रह ८६:११; भजन संग्रह १३९:२४

भजन संग्रह 27:11 ပူးပေါင်းရင်းမြစ်များ

भजन संग्रह 119:10

गो आं थुं नेल्‍लेमी इन कली माल्‍नुङ। आं कली इन शेंतीके रे ङोन लचा मगेयीनी।

भजन संग्रह 139:24

गो आं थुंम इन अरेशो मटितीके बाक्‍म कों? कोव़ङीन। मिनु गे आं कली गेना हना यो ब्रोंइशा बाक्‍तीक लांम खुल्‍यीनी।

भजन संग्रह 25:12

सु सुमी परमप्रभु यावे कली मान पा हिंनीमी, मेको आन कली तेको लां लचा माल्‍नीमी, मेको शेंब।

भजन संग्रह 25:9

ब्रेम्‍शो आन कली ठीक लां कोंइशा, आ लां शेंब।

भजन संग्रह 26:12

परमप्रभु यावे, गो दिंममी राप्‍शा, शुश मुर आन ग्रुम्‍तीकेमी इन कली ठेयब सेल्‍नुङ। भजन संग्रह २२:२३

भजन संग्रह 5:8

आं जोरी सत्रु शुश बाक्‍नीमी। मोपतीके आं कली इन ठीक पतीके लां कोंइदीने। आं ङोंइती इन लां ठीक सेलीन।

भजन संग्रह 5:9

आं जोरी सत्रुमी जोल ला पाइनीम। आन थुंमी “दोपा खतम सेल्‍नुङा” दे ला मिम्‍नीम। आन लकचा मुर थिम्‍तीके खोदेंशो बाक्‍ब। मेकोपुकी मिलो शिलो पाइब बाक्‍नीम। रोमी ३:१३

भजन संग्रह 54:5

सु सुम आं कली मरिम्‍शो पाइ‍नीमी, मेको आन कली मरिम्‍शो दुम्‍ल। इन दाक्‍शा मप्रोंइतीकेमी मेको आन कली खतम पोक्‍कीन।

भजन संग्रह 64:6

मेकोपुकीमी मरिम्‍शो पतीक आ पर्बम गारशा “गो शुश मिम्‍शा, गेय पाइतय” देंनीम। थमा पा मुर आन मिम्‍तीके नु थुं मरिम्‍शो बाक्‍ब।

भजन संग्रह 86:11

परमप्रभु यावे, आं कली इन लां खोइक्‍चा शेंदीनी। मिनु गो इन थमा पतीकेमी गाक्‍नुङ। आं कली थुं का पा इन कली मान पा हिंब सेल्‍यीनी। यूहन्‍ना १४:६

हितोपदेस 15:19

अल्‍सी आन लां चूम ब्रीशो बाक्‍ब। तन्‍न रिम्‍शो थुं पाइश्‍शो मुर आन लां थेल्‍शो बाक्‍ब।

हितोपदेस 8:9

मिनु मेको आं लोव़ रुप्‍ब आन कली मख्रुइश्‍शो लोव़ बाक्‍ब। जोक्‍ब आन कली ठीक लोव़ बाक्‍ब।

यसैया 35:8

मेकेर ठेयब लां का दुम्‍ब। मेको लां कली “परमप्रभु यावे आ लां बाक्‍ब” दे नें वोइक्‍नीम। ग्रांग्रा दिशो मुर मेको लां लचा मताइनीम। परमप्रभु आ मुर ला मेको लां लचा ताइनीम। सु सु मेको लां लाइनीमी, मेकोपुकी मूर्ख बाक्‍तेक्‍म हना यो, मजाम्‍नीम। यसैया ५६:३-८; येरमीया ३१:८

येरमीया 20:10

गो शुश मुरपुकीम नोफा मुइक्मुशा लोव़ पशो नेंता। मेकोपुकीमी ‘एर ओंथ नेल्‍ल हिंचा ङा श्‍येत बाक्‍ब। येरमीया कली दोस गेय। मेको आ पर्बम उजुर पय’ देंनीम। आं नेक्‍था ङा वारच नेल्‍लेमी ‘गेना दाइल पांइसीबा’ दे आं कली कोव़नीम। मिनु लेंशा ‘गो मेको आ पर्बम लोव़ पा मेको कली ग्राने चाप्‍नीकी। गो मेको क्‍येङा ग्राशा क्‍येक्‍क लेत्‍नय’ देंतेक्‍म” देंत। येरमीया २०:३; येरमीया १८:१८

लूका 20:20

सास्‍त्री नु ठेयब चढ़ेबपुकीमी मुर योव़शा, येसु आ थुं नाक्‍शा, आ लोव़ खुइ पथ सोइक्‍तमे बाक्‍त। मारदे हना दोस गेशा हुकुम पाइब आ गुइमी गेचा माल्‍शो बाक्‍मा बाक्‍त। मेको सोइश्‍शोपुकीमी येसु आ लोव़ नेंशा, थमा सुइश्‍शो खोदेंशो प‍खु पामे बाक्‍त। लूका ११:५४; लूका २३:२