भजन संग्रह 26:11 - Sunuwar Bible

¹¹ गो चहिं, मारेइ दोस तचा ङा गेय मपथु, बाक्‍शो बाक्‍नुङ। आं कली शिशी पचा मप्रोंइयीनी।

भजन संग्रह 26:11 ပူးပေါင်းရင်းမြစ်များ

नेहेम्‍याह 13:14

गो परमप्रभु यावे कली “आं परमप्रभु, इन खिं कोव़शा नु मेकेर ङा पशो रिम्‍शो पतीक मप्रें‍दीन। आं कली मिम्‍तीन” देंती। नेहेम्‍याह ५:१९

नेहेम्‍याह 13:22

मिनु गो लेवी आन कली ब्रेश्‍शा “आंम कली ठीक सेल्‍सीने। नाइक्‍तीक नाक्‍त परमप्रभु यावे के बाक्‍ब, दे मानेचा कली ठेयब लाप्‍चोपुकी खाल पथ बाक्‍कीन” दे माइक्‍तामी। मिनु गो “आं परमप्रभु, आं ओदेंशो पशो यो मिम्‍तीन। मिनु इन ठेयब नु गेना हना यो दाक्‍तीके कोंइ‍दीनी” देंती।

नेहेम्‍याह 13:31

मिनु परमप्रभु आ खिं कली शी नु नेल्‍ल क्‍येङा ङोंइती सिश्‍शो फल चाक्‍चा आ पर्बम लोव़सी गारपाइक्‍ता। मिनु गो “आं परमप्रभु, आं पशो मिम्‍शा, आं कली रिम्‍शो पाइय्‍यीनी” देंती।

नेहेम्‍याह 5:15

आं क्‍येङा ङोंइती ङा आं खोदेंशो पा हुकुम पाइबपुकीमी मुर आन कली ठेयब श्‍येत गेशो बाक्‍तेक्‍म। मेकोपुकीमी नाक्‍त किंत किंत ङा जचा थोव़क, शोब्‍ले, अङगुर शांबु नु ४० चांदी के शेकेल यो लाइश्‍शो बाक्‍तेक्‍म। मिनु मेको आन गेय पाइबपुकीमी यो मुर आन कली साप्‍पा दिप्‍शो बाक्‍तेक्‍म। तन्‍न गो परमप्रभु कली मान पा हिंशा मोदेंशो मपङ। चांदी के शेकेल का ११.५ ग्राम ङा क्‍येट बाक्‍ब।

अय्‍युब 1:1

साइ नेसी ऊज रागीमी अय्‍युब नें पाइश्‍शो मुर का बाक्‍माक्‍‍त। मेको ब्रोंइम सम्‍म दोस मतथु नु रिम्‍शो थुं पाइश्‍शो दुम्‍शा बाक्‍चा माल्‍ब मुर बाक्‍माक्‍त। मेको परमप्रभु कली मान पा हिंशा मरिम्‍शो पतीक रे ङोन बाक्‍ब मुर बाक्‍माक्‍‍त। येरमीया २५:२०; बिलाप ४:२१; इजीकीएल १४:२४,२०; याकूब ५:११

भजन संग्रह 101:2

गो दोस मततीक लां शेंसीचा दाक्‍नुङ। गो मेको गेना पने चाप्‍नुङा? गो आं खिंमी रिम्‍शो थुं पाइश्‍शो मुर दुम्‍शा बाक्‍चा दाक्‍नुङ।

भजन संग्रह 26:1

परमप्रभु यावे, आं कली निसाफ पने। गो मारेइ दोस तचा ङा गेय मपङ। परमप्रभु यावे, गो इन कली जिम्‍मा गेंसीशा, महिम्‍सीथु बाक्‍ती।

भजन संग्रह 49:15

तन्‍न परमप्रभुमी आं कली तुरस रे प्रोंइब। मेकोमी थमा पा आ बाक्‍तीकेम लाइक्‍ब। ठेयब सेंदा पा।होसे १३:१४; भजन संग्रह ७३:२४

भजन संग्रह 49:7

सुइमी आंम लोक्‍ब कली क्‍येट थाप्‍शा, बेक्‍चा रे प्रोंइने मचाप्‍ब। मोपा मेकोमी परमप्रभु कली शुश क्‍येट थाप्‍शा आ गिंम प्रोंइने मचाप्‍ब। मीका ६:६-८; मत्ती १६:२६

भजन संग्रह 69:18

आं नेक्‍था जाक्‍कीन। मिनु आं कली प्रोंइयीनी। आं जोरी सत्रु रे आं कली प्रोंइयीनी।

यसैया 38:3

“परमप्रभु यावे, गो इन ङोंइती थमा पा थुं निक्‍शी मपथु, बाक्‍ती। मेको मिम्‍तीने। गो इन ङोंइती नेल्‍ल रिम्‍शो पाता” देंत। मिनु हिज्‍कीयाह शुश ङाक्‍त। २राजा १८:२-६

लूका 1:6

मेको निक्‍शी परमप्रभु यावे आ ङोंइती ठीक पाइब बाक्‍सा बाक्‍त। परमप्रभु यावे आ अरेशो लोव़ नु पतीके लोव़ नेल्‍ल टिशा, दोस मताइब दुम्‍शा बाक्‍शो बाक्‍सा बाक्‍त।

१ थिस्‍सलोनिकी 2:10

गो ठीक, रिम्‍शो नु परमप्रभु यावे आ गेय ला पाइतक। परमप्रभु यावेमी मेको तुइक्‍ब। मिनु गे थमा सुइक्‍बमी यो तुइक्‍नीनी।

तीतस 2:14

येसु ख्रीस्‍तम आंम कली काइ ममिम्‍थु, साइक्‍चा पुंइसाक्‍व। मारदे साइक्‍चा पुंइसाक्‍व देंशा हना, इं कली मटितीके रे प्रोंइचा कली साइक्‍चा पुंइसाक्‍व। मिनु इं कली परमप्रभु यावे आ योव़शो मुर सेल्‍चा नु इं कली शुश रिम्‍शो गेय पपाइक्‍चा कली आंम कली साइक्‍चा, दे जिम्‍मा गेसाक्‍व। गलाती १:४; १तिमोथी २:६; प्रस्‍थान १९:५; एफिसी २:१०