भजन संग्रह 25:4 - Sunuwar Bible

⁴ परमप्रभु यावे, आं कली इन लां कोंइदीनी। इन गाक्‍तीक लां शेंदीनी।

भजन संग्रह 25:4 ပူးပေါင်းရင်းမြစ်များ

१ राजा 8:36

इर स्‍वर्ग रे मेको आन पुंइशो लोव़ नेंशा, इन गेय पाइब, इन मुर इस्राएली आन पाप माफ गेने। मेको आन पचा माल्‍शो शेंदीन। मिनु मेको आन कली गेशो रागीमी रेउ यिपतीन।

भजन संग्रह 119:27

गे इन ब्रेक्‍शा अरेशो लोव़ रुप्‍पाइय्‍यीनी। मिनु गो इन छक लाक्‍चा ङा गेय मिम्‍स ङा मिम्‍स बाक्‍नुङ।

भजन संग्रह 143:8

आं कली सुनी इन गेना हना यो दाक्‍तीके आ पर्बम नेंपाइय्‍यीनी। मारदे हना गो इन कली थमा सुइक्‍नुङ। गो तेको लां गाक्‍चा माल्‍नुङा, मेको आं कली शेंदीनी। गो इन लां कोव़शा बाक्‍नुङ।

भजन संग्रह 27:11

परमप्रभु यावे, आं कली इन लां शेंदीनी। मिनु आं जोरी सत्रु आन पर्बमी आं कली ठीक लां कोंइदीनी। भजन संग्रह ८६:११; भजन संग्रह १३९:२४

भजन संग्रह 5:1

परमप्रभु यावे, आं देंशो लोव़ नेनीने। आं हुकयी पशो नेनीन।

भजन संग्रह 5:8

आं जोरी सत्रु शुश बाक्‍नीमी। मोपतीके आं कली इन ठीक पतीके लां कोंइदीने। आं ङोंइती इन लां ठीक सेलीन।

भजन संग्रह 86:11

परमप्रभु यावे, आं कली इन लां खोइक्‍चा शेंदीनी। मिनु गो इन थमा पतीकेमी गाक्‍नुङ। आं कली थुं का पा इन कली मान पा हिंब सेल्‍यीनी। यूहन्‍ना १४:६

प्रस्‍थान 33:13

मोपतीके गे आं कली दाक्‍ताक्‍नी हना, आं कली इन लां कोंइदीने। गो इन कली तुइक्‍ने चबुल। गो इन ङोंइती शिशी तङल। एको जात ङा मुरपुकी इन मुर नम, दे मिम्‍तीने” दें‍त। भजन संग्रह १०३:७

हितोपदेस 8:20

गो ठीक पतीक लां गाक्‍नुङ। ठीक निसाफ पाइनुङ।

यसैया 2:3

रागी रागी ङा शुश मुर जाक्‍शा “जाक्‍कीन, गोपुकी परमप्रभु यावे आ डांडा ङोइश्‍शा, याकूब आ परमप्रभु आ खिं लय। मेकोमी इं कली आ लां शेंब। मिनु गोपुकी मेको आ लांम गाक्‍नय। मारदे हना परमप्रभु यावे आ शेंशो सियोन डांडा रे नु आ लोव़ यरूसलेम रे नेंसीब” देंनीम। ब्‍यवस्‍था ४:६; यूहन्‍ना ४:२२

येरमीया 6:16

मिनु परमप्रभु यावेम मार, देंत देंशा हना “लां ब्रा‍तीकेम राप्‍शा कोव़ङीन। माइत लां आ पर्बम हिल्‍लो पने। मेको रिम्‍शो लां ते बाक्‍बा, दे हिल्‍लो पने। मिनु मेको लांमीन गाक्‍कीन। मिनु इन थुं ना‍इक्‍चा ताइनीनी। तन्‍न मेकोपुकीम ‘गो मेक मगाक्‍नीकी’ देंनीम। मत्ती ११:२९