भजन संग्रह 25:2 - Sunuwar Bible

² आं परमप्रभु, गो इन कली मिम्‍शा, महिंथु बाक्‍शो बाक्‍नुङ। गो मुने मदोक्‍ङल। आं जोरी सत्रु आं क्‍येङा मग्रामल।

भजन संग्रह 25:2 ပူးပေါင်းရင်းမြစ်များ

२ इतिहास 13:18

मेना इस्राएलीपुकी ब्रुशा, दिप्‍चा पुंइसमा बाक्‍त। मिनु यहूदा ङा मुरपुकी ग्रामा बाक्‍त। मारदे हना मेकोपुकीमी परमप्रभु यावे, आन किकी पिपी आन परमप्रभु कली थमा सुइश्‍शो बाक्‍मा बाक्‍त।

भजन संग्रह 13:5

तन्‍न गो “गे गेना हना यो दाक्‍ब बाक्‍नीनी” दे थमा सुइक्‍नुङ। इन वारच पा प्रोंइतीके तशा, आं थुं ग्‍येरना ग्‍येरन बाक्‍ब।

भजन संग्रह 142:6

आं पुंइशो लोव़ नेनीन। मारदे हना आ थुं शुश लुक्‍च लत। आं कली खेदा पाइब रे प्रोंइयीनी। मारदे हना मेकोपुकी आं क्‍येङा बोल्‍यो बाक्‍नीम।

भजन संग्रह 18:2

परमप्रभु यावे आं सेरथे फुल्‍लु, आं बोल्‍यो दरवार नु आं जोरी सत्रु रे प्रोंइब बाक्‍ब। आं परमप्रभु, गे आं ख्रुइक्‍तीके सेरथे फुल्‍लु बाक्‍नीनी। परमप्रभु आं तेक्‍तीके नु आं कली ग्‍येरपाइक्‍ब, आं कली प्रोंइब नु आ बोल्‍यो दरवार बाक्‍ब। ब्‍यवस्‍था ३२:१८

भजन संग्रह 22:1

आं परमप्रभु, आं परमप्रभु, गे मारदे आं कली प्रोंइयीनी? मारदे गे आं कली वारच मप‍थु, ङोन बाक्‍नीनी। मारदे आं थोशो मनेंनीनी। मत्ती २७:४६

भजन संग्रह 22:5

इन कली पुंइशा ब्रेश्‍शा, ब्रोंइचा तशो बाक्‍तेक्‍म। इन कली जिम्‍मा गेंसीशा, थमा सुइश्‍शा, मुने मदोक्‍म। भजन संग्रह २५:२-३

भजन संग्रह 22:8

मिनु मेकोपुकीमी “परमप्रभु यावे कली थमा सुइक्‍ब, परमप्रभु यावेमी इन कली श्‍येत रे प्रोनल। मारदे हना परमप्रभुमी इन कली दाक्‍ब” दे शुक्‍शी पाइनीम। मत्ती २७:४३

भजन संग्रह 31:1

परमप्रभु यावे गो इन कली जिम्‍मा गेसीनुङ। गो गेनायो मुने मदोक्‍ङल। इन ठीक पतीकेमी आं कली प्रोंइयीनी।

भजन संग्रह 31:15

आं ब्रोंइतीक नाक्‍ती इन गुइमीन बाक्‍ब। आं जोरी सत्रु नु आं कली खेदा पाइबपुकी रे प्रोंइयीनी। भजन संग्रह १३९:१६; उपदेसक ३:१-८

भजन संग्रह 31:2

इन नोफा दाइक्‍तीने, आं कली रीब पा प्रोंइयीनी। गे आं ख्रुइक्‍तीक सेरथे फुल्‍लु नु आं कली प्रोंइब बोल्‍यो दरवार दुमीन। भजन संग्रह ७१:३

भजन संग्रह 34:8

परमप्रभु यावे कली कोव़ङीन, मेको रिम्‍शो बाक्‍ब। मेको कली जिम्‍मा गेंसीबपुकी ग्‍येरसीशो बाक्‍नीम। १ पत्रुस २:३

भजन संग्रह 37:40

परमप्रभु यावेमी मेको आन कली वारच पा प्रोंइब। मिनु आ अरेशो मटीब आन गुइ रे प्रोंइब। मारदे हना मेकोपुकी परमप्रभु कली जिम्‍मा गेंसीशो बाक्‍नीम। लूका १८:७-८

भजन संग्रह 41:11

मोदेंशो पाइतीनी हना, गे आं कली दाक्‍नीनी, दे तुइक्‍नुङ। मारदे हना आं जोरी सत्रु आं पर्बम ग्‍येरचा मताइनीम।

भजन संग्रह 56:1

परमप्रभु आं कली शिशी पाइय्‍यीनी। मारदे हना मुरपुकीमी आं कली शुश खेदा पाइनीमी। नाक्‍त रे आं कली दिप्‍शो बाक्‍नीम।

भजन संग्रह 7:1

परमप्रभु यावे, आं परमप्रभु, गो इन कली जिम्‍मा गेंसीनुङ। मिनु खेदा पाइब नेल्‍ल आन गुइ रे आं कली प्रोंइ‍यीनी।

भजन संग्रह 71:1

परमप्रभु यावे, गो इन कली जिम्‍मा गेंसीशो बाक्‍नुङ। गो गेनायो मुने मदोक्‍ङल।

भजन संग्रह 91:2

मेकोमी परमप्रभु यावे कली “गे आं ख्रुइक्‍तीक नु आं बोल्‍यो दरवार बाक्‍नीनी। गे आं परमप्रभु बाक्‍नीनी। गो इन कली थमा सुइक्‍नुङ” देंब।

भजन संग्रह 94:3

परमप्रभु यावे, इन अरेशो मटीबपुकी गेना सम्‍म ठेयब लेत्‍नीमी?

यसैया 26:3

गे ग्‍येत्‍थ लुक्‍च मदुम्‍ब थुं पाइश्‍शो मुर आन कली थुं नाइक्‍चा गेनीनी। मारदे हना मेकोपुकी इन कली थमा सुइक्‍ब बाक्‍नीम।

यसैया 28:16

मोपतीके परमप्रभु, परमप्रभु यावेमी “कोव़ङीन गो सियोन डांडाम जग फुल्‍लु का वोइक्‍नुङ। मेको रिम्‍शो नु बोल्‍यो सुर ङा फुल्‍लु बाक्‍ब। मेको शुश क्‍येट लाइब थम बोल्‍यो जग ङा फुल्‍लु बाक्‍ब। सु सु मेको कली थमा सुइक्‍नीमी, मेको आन थुं लुक्‍च मलाइब। भजन संग्रह ११८:२२; एफिसी २:२०; यसैया ७:९

यसैया 37:10

मार लोव़ सोइक्‍ताक्‍व देंशा हना, यहूदा ङा पिप हिज्‍कीयाह कली “इन थमा सुइश्‍शो परमप्रभुमी इन कली दूली लां मखोइक्‍पांइसीन। ‘यरूसलेम अस्‍सुर ङा पिप आ गुइमी मदुम्‍ब’ देंनीनी।

यसैया 37:20

परमप्रभु यावे, आंइ परमप्रभु, मुल आंइ कली सन्‍हेरीब आ गुइ रे प्रोनीन। रागी नेल्‍ल ङा मुरपुकीम गे ला परमप्रभु यावे बाक्‍नीनी, दे तुइक्‍तमेक्‍ल” दे पुंइशा, लोव़ पाप्‍‍तु। यसैया ४०:५; दानीएल ६:२७

यसैया 37:35

गो मेको सहर कली आं पर्बम नु आं गेय पाइब दाऊद आ पर्बम आन गुइ रे प्रोंइशा, वोइक्‍नुङ” देंत।

यसैया 41:16

गे मेको आन कली हारशा, फशेम योल्‍पाइक्‍नेवे। मिनु फश गिवारम मेको आन कली एर ओंथ फ्रशा योल्‍ब। मेना गे परमप्रभु यावे कली तुइश्‍शा, ग्‍येरनेवे। इस्राएली आन का ला बाक्‍शो परमप्रभु आ मुर दुम्‍‍शा, ग्‍येरसीनेवे” देंत।

यसैया 49:23

मिनु पिपपुकी इ कली कोव़ब आफ नु पिपीमपुकी इ कली दूध तुंइब ममा दुम्‍नीम। मेकोपुकी इ ङोंइती बाप्‍शा, इ फुरक लुम्‍सीशो खोइली तुक्‍नीम। मिनु गो परमप्रभु यावे नङ, दे तुइक्‍नेवे। आं लां रिम्‍शा बाक्‍बपुकी मुने मदोक्‍नीम” देंत। भजन संग्रह ७२:९; यसैया ६०:१६

येरमीया 17:18

आं कली खेदा पाइब आन कली मुने तोक्‍कीन। तन्‍न आं कली चहिं मुने मतोक्‍यीनी। मेकोपुकी हिंमल। तन्‍न आं कली चहिं हिंतीक रे प्रोंइ‍यीनी। मेको आन ठेयब श्‍येत ङा नाक्‍त चाक्‍कीन। मेको आन कली निक्‍शी खेयप ङा श्‍येतम सतीन” देंती। बजन संग्रह ३५:४

रोमी 10:11

मिनु परमप्रभु यावे आ लोव़मी “सु सुमी मेको कली थमा सुइक्‍नीमी, मेको मुने मदोक्‍नीम” दे ब्रेक्‍शो बाक्‍ब। यसैया २८:१६

रोमी 5:5

मिनु मोदेंशो आस पतीकेम मुर आन कली बोल्‍यो सेल्‍ब। मारदे हना परमप्रभु यावे आ सोक्‍त आ पतीकेमी परमप्रभु यावे आ दाक्‍तीके इं थुंम मोइश्‍शो बाक्‍त। भजन संग्रह २२:६; भजन संग्रह २५:३,२०; हिब्रू ६:१८-१९

१ पत्रुस 2:6

मारदे हना परमप्रभु यावे आ लोव़मी मार ब्रेक्‍शो बाक्‍ब देंशा हना “नेनीन, गो सियोन डांडामी फुल्‍लु का वोइक्‍नुङ। मेको सुर ङा फुल्‍लु दुम्‍शा, योव़सीशा नु दाक्‍सीशा बाक्‍ब। सु सुमी मेको कली थमा सुद‍मे, मेको मुर मुने दोक्‍चा ममाल्‍नीम” दे ब्रेक्‍शो बाक्‍ब। यसैया २८:१६