भजन संग्रह 23:5 - Sunuwar Bible

⁵ गे आं कली आं जोरी सत्रु आन ङोंइती थुल्‍नीनी। आं पिया तार तेल लुक्‍नीनी। आं कचौरा क्‍युप्‍चा ङा पा प्रिंताक्‍नी। भजन संग्रह ३६:९

भजन संग्रह 23:5 ပူးပေါင်းရင်းမြစ်များ

अय्‍युब 36:16

मोपा इन कली यो श्‍येत रे ग्रुंइब। इन कली रिम्‍शो बाक्‍तीकेमी वोइक्‍ब। गे लेंशा ब्रोव़शो जचा थोव़क जचा ताइनीनी।

भजन संग्रह 104:15

मिनु गे मुर आन थुं ग्‍येरपाइक्‍चा कली अङगुर सिप्‍पाइक्‍नीनी। मिनु आन कुल दारपाइक्‍चा कली तेल नु आन रां बोल्‍यो सेल्‍चा कली शोब्‍ले गेनीनी।

भजन संग्रह 116:13

गो “गे आं कली श्‍येत रे प्रोंइतीनी” देंशा, परमप्रभु यावे आ नें थिशा, मेको कली ठेयब सेल्‍नुङ।

भजन संग्रह 16:5

परमप्रभु यावे, गे आं भाग बाक्‍नीनी। मिनु आं कचौरा प्रिंनीनी। गे आं थेरशो रू कोव़ब बाक्‍नीनी। भजन संग्रह ७३:२६; गन्‍ती १८:२०; बिलाप ३:२४

भजन संग्रह 22:26

प्रुङग मुरपुकी जशा रूनीम। मिनु परमप्रभु यावे कली माल्‍बपुकीमी “परमप्रभु यावे ठेयब बाक्‍ब” देंनीम। गेपुकी गेना हना यो ब्रोंइशा बाक्‍चा ताइनीनी। भजन संग्रह ६९:३३

भजन संग्रह 22:29

रागी रागी ङा जाइब तूब, शुश क्‍येट थीबपुकी परमप्रभु आ ङोंइती बाप्‍नीम। मिनु बेक्‍शा, फुरक दुम्‍ब नेल्‍ले मेको आ ङोंइती बाप्‍नीम।

भजन संग्रह 45:7

गे ठीक पतीके दाक्‍नीनी। इन अरेशो मटीब आन कली चहिं काइ मदाक्‍नीनी। मोपतीके परमप्रभु, इन परमप्रभुमी इन वारच नेल्‍ल आन क्‍येङा इन कली दाक्‍शा, इन कली तेल लुक्‍शो खोदेंशो पा ग्‍येरपाइक्‍तु।

भजन संग्रह 78:19

मेकोपुकीमी थमा मसुइक्‍थु “मार, परमप्रभुम गोरशो रागीम जचा थोव़क गेने चाप्‍बा ङा?

भजन संग्रह 92:10

गे आं कली ब्‍वाकी ङा ब्‍यफ खोदेंशो पा सक्ति गेतीनी। आं कली नेल्‍ल क्‍येङा रिम्‍शो तेल लुक्‍ताक्‍यीनी। भजन संग्रह २३:५

भजन संग्रह 92:11

गो आं जोरी सत्रु ब्रुशो तशा ग्‍येरसीनुङ। आं कली मरिम्‍शो पाइबपुकी खतम दुम्‍शो लोव़ नेंशा, ग्‍येरसीनुङ।

यसैया 25:6

मिनु मुर नेल्‍ल आन परमप्रभु यावेमी सियोन डांडामी रागी नेल्‍ल ङा मुर आन कली थम ठेयब भोज का सेल्‍ब। ब्रोव़शो नु चोक्‍शो अङगुर शांबु नु ब्रोव़शो जचा थोव़क के भोज गेब। मत्ती २२:२-४

आमोस 6:6

मेकोपुकीम डाप्‍काम अङगुर शांबु तूनीमी। नेल्‍ल क्‍येङा रिम्‍शो तेल ख्रेक्‍सीनीमी। तन्‍न योसेफ आ खिं ङा मुरुम श्‍येत जामेनु, सुर्ता मपाइनीम।

मत्ती 6:17

गेपुकी चहिं बर्त बाक्‍नीनु, चांमी तेल ख्रेक्‍शा, कुल चिक्‍शा, इन बुं जिप्‍शा बाक्‍कीन।

लूका 7:46

गेमी आं पियाम तेल मख्रेक्‍ती। एकोमी दा आं खोइलीम तेल ख्रेक्‍ताक्‍यी।

यूहन्‍ना 16:22

मिनु मेको खोदेंशो पा गेपुकी मुल थुं खाइश्‍शो बाक्‍नीनी। तन्‍न गो इन कली लेंशा तङानु, गेपुकी थमा पा ग्‍येरसीनीनी। मिनु इन ग्‍येरसीशो सुइमी क्‍याम्‍ने मचाप्‍नीम।

१ कोरिन्‍थी 10:16

गो कचौरा कली आसीक गेनीकी। मेको आसीक ङा कचौरा रे तूयानु, ख्रीस्‍त आ हुश मिम्‍शा, आ मुर दुम्‍शा, मेको नु काथा बाक्‍शो दुम्‍नय। गोपुकीमी शोब्‍ले जिक्‍शा योक्‍शा जयानु, ख्रीस्‍त आ रां मिम्‍शा, आ मुर दुम्‍शा, काथा बाक्‍शो दुम्‍नय। १कोरिन्‍थी ११:२३-२६; मत्ती २६:२७; प्रेरित २:४२

२ कोरिन्‍थी 1:21

परमप्रभु यावेमी आंइ कली नु इन कली ख्रीस्‍तमी काथा वोइश्‍शा, आ मुर दुम्‍पाइक्‍तु, आ गेय पाइब सेल्‍तु। १यूहन्‍ना २:२७

एफिसी 3:20

गे नेल्‍ल आन क्‍येङा ठेयब सक्ति पाइश्‍शो बाक्‍नीनी। मोपतीके इन सक्ति रे आंइ पुंइशो नु मिम्‍शो क्‍येङा यो शुश गेने चाप्‍नीनी।

१ यूहन्‍ना 2:20

येसु ख्रीस्‍तमी इन कली परमप्रभु यावे आ सोक्‍त गेप्‍तु। मोपतीके नेल्‍ल तुइक्‍नीनी।

१ यूहन्‍ना 2:27

येसु ख्रीस्‍तमी इन कली परमप्रभु यावे आ सोक्‍त गेप्‍तु। मिनु मेको गेपुकी नु बाक्‍ब। मेको परमप्रभु यावे आ सोक्‍त गेपुकी नु बाक्‍मेनु, अर्को शेंब ममाल्‍नीनी। परमप्रभु यावे आ सोक्‍तीमी इन कली नेल्‍ल शेंना शेंन बाक्‍ब। मेको आ शेंशो थमा बाक्‍तीके जोल मदुम्‍ब। मेकोमी ङोंइती इन कली शेंशो टिशा, मेको नु थुं का ङा दुम्‍शा, बाक्‍कीन। यूहन्‍ना १६:१३; २कोरिन्‍थी १:२१-२२; येरमीया ३१:३४