भजन संग्रह 23:4 - Sunuwar Bible

⁴ मिनु गो बेक्‍चा ङा बेंसीम गाक्‍ती हना यो, महिंनुङ। मारदे हना गे गो नु बाक्‍नीनी। इन कोक्‍के तशा आं थुं नाइश्‍शा ग्‍येरनुङ। भजन संग्रह ४६:३

भजन संग्रह 23:4 ပူးပေါင်းရင်းမြစ်များ

अय्‍युब 24:17

मारदे हना क्‍येर नाक्‍दो मेको आन कली सुनी बाक्‍ब। क्‍येर नाक्‍दो ङा शुश हिंतीके मेको आन वारच बाक्‍‍ब।

अय्‍युब 3:5

मेको नाक्‍ती कली क्‍येर छिङछिङम सुमल। मेको गोस्‍सुम सुम‍ल। मेको आ छिङछिङ हिंचा ङा दुम्‍ल।

भजन संग्रह 110:2

परमप्रभु यावेमी सियोन रे पा इन सक्ति ङा राज दन्‍ड दिंब। मिनु गे इन जोरी सत्रु आन कली सासन पने” देंत। भजन संग्रह २:६

भजन संग्रह 118:6

परमप्रभु यावे गो नु बाक्‍तीके गो महिंनुङ। मुरपुकीमी आं कली मार पाइक्‍ने चाप्‍नीमी ङा? रोमी ८:३१; भजन संग्रह ५६:५; हिब्रू १३:६

भजन संग्रह 138:7

मिनु गो शुश श्‍येत जाता हना यो, गे आं कली प्रोंइनीनी। गे आं कली तशा आं जोरी सत्रु आन गाइश्‍शो रे प्रोंइ‍नीनी। गे इन सक्तिमी आं कली प्रोंइनीनी।

भजन संग्रह 14:5

मिनु नोले मेकोपुकी शुश हिंशा, ख्रिंख्रि पाइनीम। मारदे हना परमप्रभु ठीक पाइब आन दातेमी बाक्‍ब।

भजन संग्रह 3:6

गो आं कली हजार हजार मुरपुकीमी पुम्‍ताक्‍यीमी हना यो, महिंनुङ। भजन संग्रह २७:३

भजन संग्रह 44:19

तन्‍न गे आंइ कली फस पोक्‍शा, सिवार आन बाक्‍तीक खोदेंशो पा छिङछिङमी सुम्‍तीनी।

भजन संग्रह 46:11

मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। ठेयब सेंदा पा।

यसैया 41:10

महिनो, मारदे हना गो गे नु बाक्‍नुङ। आइक्‍च थुं मपावो। मारदे हना गो इ परमप्रभु नङ। गो इ कली बोल्‍यो सेल्‍शा, वारच पाइनुङ। गो इ कली आं ग्राब ग्‍युरा गुइमी वारच पाइनुङ। यसैया ४३:१

येरमीया 2:6

मेकोपुकीमी ‘आंइ कली इजीप्‍त रागी रे ग्रुंइब परमप्रभु यावे ते बाक्‍बा? मेकोमी आंइ कली गोरशो रागीम लां कोंइशा गाक्‍पाइक्‍तु। मेको मुर मबाक्‍तीक गोरशो रागी नु शुश खाल्‍टा बाक्‍शो रागी बाक्‍त। ब्‍वाक्‍कु मबाक्‍शो नु छिङछिङ ङा रागी बाक्‍त। मेको सुइ मगाक्‍तीक नु सुइ मुर मबाक्‍तीक रागी बाक्‍त’ देंतेक्‍म। ब्‍यवस्‍था ८:१५

मीका 7:14

गे इन मुर आन कली कोक्‍केम योव़ङीन। मेको ब्‍वाकीम बाक्‍शो बगाल इन के बाक्‍ब। मेको रिम्‍शो बाक्‍तीकेम बाक्‍नीम। मेको आन कली ङोंइती ङा खोदेंशो पा बाशान नु गिलादमी जोचा गेन। मीका ५:३; येरमीया ५०:१९

जकरिया 11:10

मिनु गो आं शिशी नें पाइश्‍शो कोक्‍के जिक्‍ता। मिनु गो मुर नु पशो कबल क्‍याम्‍ताक्‍ङ। जात जात नेल्‍ल ङा मुरपुकी नु फ्रेंशो कबल क्‍याम्‍ताक्‍ङ, दे मेको कोक्‍के जिक्‍ता।

जकरिया 11:14

मिनु नोले गो थुं का दुम्‍तीक नें वोइश्‍शो कोक्‍के जिक्‍ता। मो पा गो यहूदा नु इस्राएल आस कली खिं का ङा दुम्‍तीक रे फ्राताक्‍ङ। इजीकीएल ३७:२२

जकरिया 8:23

मुर नेल्‍ल आन परमप्रभु यावेमी मार देंत देंशा हना “मेको नाक्‍ती रागी रागी ङा आन आन लोव़ ब्‍वाक्‍ब १० जना मुरपुकीमी यहूदी का आ वा ग्‍याइश्‍शा ‘गो गे नु लाइनीकी। मारदे हना परमप्रभु यावे गेपुकी नु बाक्‍ब देंशो नेंशो बाक्‍नीक’ देंनीम” दे परमप्रभुमी देंत।

मत्ती 1:23

“नेनीने, कन्‍ने मीश आलमी कोव़ज कुरशा, तौ का थीब। मेको आल आ नें इम्‍मानुएल वोइक्‍नीम। इम्‍मानुएल देंशो ‘परमप्रभु यावे गोपुकी नु बाक्‍शो बाक्‍ब’ दे रुम्‍सीब” दे ब्रेक्‍शो बाक्‍ब। यसैया ७:१४

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

लूका 1:79

मिनु मेको बेक्‍पाइक्‍ब आ छिङछिङम बाक्‍ब आन कली हाम्‍सो दुम्‍ब। मिनु मेकोमी आंइ कली थुं नाइश्‍शा बाक्‍तीकेम खुल्‍ब” देंमाक्‍त। यसैया ९:१

२ तिमोथी 4:22

प्रभु गे नु बाक्‍ल। आ शिशी गे नु लील।