भजन संग्रह 23:3 - Sunuwar Bible

³ मेकोमी आं थुं बारपाइक्‍ब। आं कली आंम आ नें आ पर्बम ठीक लां कोंइब।

भजन संग्रह 23:3 ပူးပေါင်းရင်းမြစ်များ

अय्‍युब 33:30

बेक्‍चा चिक्‍शो मुर आन कली तुरसुम लचा रे लेप्‍पाइक्‍ब। मोपा ब्रोंइ‍तीक छेङछेङ लें‍शा ताइनीम। भजन संग्रह ५६:१४; भजन संग्रह १०३:४; भजन संग्रह ११६:९

भजन संग्रह 106:8

मोदेंशो पाम्‍तेक्‍म हना यो, परमप्रभुमी आ नें आ पर्बम मेको आन कली श्‍येत रे प्रोंइशो बाक्‍त। मोदेंशो पा आ ठेयब सक्ति कोंइशो बाक्‍त।

भजन संग्रह 109:21

तन्‍न परमप्रभु यावे, परमप्रभु, गे इन नें आ पर्बम आं कली वारच पाइय्‍यीनी। मारदे हना इन गेना हना यो दाक्‍तीके ठेयब बाक्‍ब।

भजन संग्रह 119:176

गो जाम्‍शो भेडा खोदेंशो पा लां जाम्‍शो बाक्‍नुङ। इन गेय पाइब, आं कली माल्‍यीनी। मारदे हना गो इन शेंशो लोव़ मप्रेंनुङ। यसैया ५३:६

भजन संग्रह 19:7

परमप्रभु यावे आ अरेशो लोव़ नेल्‍ल आन कली गारब। मेकोमी लेंशा ब्रोंइपाइक्‍ब। परमप्रभु यावे आ देंतीके थमा लोव़ बाक्‍ब। मेकोमी मतुइक्‍ब आन कली तुइक्‍ब सेल्‍ब।

भजन संग्रह 31:3

इन नें आ पर्बम आं कली शेंशा, लां कोंइदीनी। मारदे हना गे आं सेरथे फुल्‍लु नु आं बोल्‍यो दरवार बाक्‍नीनी।

भजन संग्रह 31:4

मेकोपुकीमी आं कली मतचा ङा पा ब्‍वारद दाइक्‍ताक्‍म। आं कली प्रोंइयीनी। मारदे हना गे आं सक्ति बाक्‍नीनी।

भजन संग्रह 34:3

गे गो नु परमप्रभु यावे कली ठेयब सेलीन। मिनु गो नेल्‍ल गारशा, आ नें ठेयब सेल्‍य।

भजन संग्रह 5:8

आं जोरी सत्रु शुश बाक्‍नीमी। मोपतीके आं कली इन ठीक पतीके लां कोंइदीने। आं ङोंइती इन लां ठीक सेलीन।

भजन संग्रह 51:10

परमप्रभु, आं थुं क्‍येख सुन खोदेंशो सेलीन। मिनु नक नु ठीक पाइब सोक्‍त गेयीनी। मत्ती ५:८; इजीकीएल ३६:२६-२७

भजन संग्रह 51:12

इन पाप रे प्रोंइतीके आ पर्बम ग्‍येरशो लेंशा गेयीनी। आं थुं इन देंशो खोदेंशो सेलीन।

भजन संग्रह 79:9

आंइ कली श्‍येत रे प्रोंइब परमप्रभु, इन नें ङा सक्तिमी आंइ कली वारच पने। इन नें आ पर्बम आंइ कली प्रोनीन। मिनु आंइ पाप क्‍याम्‍दीने।

भजन संग्रह 85:13

ठीक पतीकेमी मेको आ ङोंइती गाक्‍शा, आन लां सेल्‍ब।

हितोपदेस 4:11

गो इ कली तुइक्‍‍तीक लां शेंताक्‍न। गो इ कली रिम्‍शो थुं ङा मुर आन लांम गाक्‍पाइक्‍त‍न।

हितोपदेस 8:20

गो ठीक पतीक लां गाक्‍नुङ। ठीक निसाफ पाइनुङ।

यसैया 42:16

मिनु मिक्‍च मताइब आन कली आन मतुइश्‍शो लांमी खुल्‍नुङमी। आन मतुइश्‍शो गाक्‍तीक लांमी गाक्‍पाइक्‍नुङमी। मेको आन ङोंइती बाक्‍शो छिङछिङ कली छेङछेङ सेल्‍नुङ। मिनु फुल्‍लु बाक्‍तीक कली दिंम सेल्‍नुङ। एको मप्रोंइथु पाइनुङ। यसैया ४०:४

येरमीया 31:25

गो दशो आन कली लेंशा बोल्‍यो सेल्‍नुङमी। मिनु थशो आन कली लेंशा बोल गे‍नुङमी” देंत।

येरमीया 31:8

नेनीन, गो मेको आन कली उत्तर ङा रागी रे चाक्‍नुङमी। मिनु गो मेको आन कली रागी ङा सुर रे खुप्‍नुङमी। मेकोपुकी आन दातेमी मिक्‍च मताइब, गुइ खोइल मदुक्‍ब, कोव़ज कुरशो मीश मुर नु सुत्‍केरी रोइ पशो मीश मुर यो बाक्‍नीम। मेको आन ठेयब हुल लेश्‍शा एकेर जाक्‍चा माल्‍नीम। यसैया ३५:८-१०; इजीकीएल ३४:१६

इजीकीएल 20:14

मिनु गो रागी ङा मुर आन ङोंइती मेको आन कली इजीप्‍त रागी रे ग्रुंइताक्‍ङ। गो आं नें मेको रागी रागी ङा मुर आन ङोंइती मरिम्‍शो मदुम्‍ल, दे मोदेंशो पाता।

एफिसी 1:6

मिनु मेकोमी इं कली आ दाक्‍शो तौ आ पतीक रे मुरुमी मिम्‍ने मचाप्‍चा ङा शिशीम ठेयब सेल्‍चा कली आ तमी तौ सेल्‍तु। मत्ती ३:१७

प्रकाश 3:19

गो आं दाक्‍शो मुर आन कली आन मरिम्‍शो पतीके कोंइनुङ। नोले गो मेको आन कली श्‍येत गेशा, आल खोदेंशो पा शेंनुङ। इन थुं गो आं गे लेत्‍तीन। इन थमा सुइक्‍तीके बारपतीन। हितोपदेस ३:१२; १कोरिन्‍थी ११:३२; हिब्रू १२:६