भजन संग्रह 22:3 - Sunuwar Bible

³ मिनु इस्राएलीपुकीम इन कली ठेयब सेल्‍तीक कुम्‍सो पामेनु, गे का ला मेको आन तार बाक्‍नीनी।

भजन संग्रह 22:3 ပူးပေါင်းရင်းမြစ်များ

अय्‍युब 19:7

गो ‘हुश ख्राक्‍श पोक्‍तीमी’ दे ग्रीती हना यो, आं कली लोव़ मलेप्‍ब। ‘वारच पाइय्‍यीनी’ दे पुंइता हना यो, निसाफ मताइनुङ। येरमीया २०:८; हबकुक १:२; अय्‍युब ३०:२०

अय्‍युब 30:20

गो इन कली ‘वारच पाइय्‍यीनी’ दे पुंइता। तन्‍न गे आं कली लोव़ मलेत्‍तीनी। गो इन कली राप्‍शा रिम्‍शा बाक्‍ती। तन्‍न गे आं कली मकोव़यीनी। अय्‍युब १९:७; भजन संग्रह २२:३

भजन संग्रह 145:17

परमप्रभु यावे नेल्‍ल ठीक पाइब बाक्‍ब। मिनु आ गेय नेल्‍ले शिशीम पाइब।

भजन संग्रह 50:23

सु सुमी ‘गे रिम्‍शो पाइब बाक्‍नीनी’ देंनीमी, मेकोपुकीमी आं कली ठेयब सेल्‍नीम। मिनु गो मेको आन कली लां सेल्‍नुङ। गो मेको आन कली आं पाप रे प्रोंइतीके कोंइनुङमी” दे परमप्रभुमी देंत।

भजन संग्रह 65:1

परमप्रभु, सियोनमी इन कली ठेयब सेल्‍तीक कुम्‍सो पाइनीमी। मिनु आंइ कसम जशो नेल्‍ल इन ङोंइती खाप्‍नीकी।

भजन संग्रह 88:2

आं पुंइशो लोव़ इन ङोंइती जाक्‍ल। आं लोव़ नेनीन।

भजन संग्रह 99:9

परमप्रभु यावे, आंइ परमप्रभु कली ठेयब सेलीन। मेको कली आ डांडाम मान पने। मारदे हना परमप्रभु यावे, आंइ परमप्रभु का ला बाक्‍ब।

यसैया 6:3

मिनु सेराफ कामी अर्को सेराफ कली “मुर नेल्‍ल आन परमप्रभु यावे का ला ठेयब सक्ति पाइश्‍शो बाक्‍ब। रागी नेल्‍ले आ छेङछेङम ब्रीशो बाक्‍ब” देंत। प्रकाश ४:८

हबकुक 1:2

मिनु हबकुकमी “परमप्रभु यावे, गो गेना सम्‍म इन कली ‘वारच पन’ दे पुंइनुङा? गे काइ मनेंनीनी? ‘हुश ख्राक्‍श पोक्‍नीम’ दे थोइनुङ। तन्‍न गे काइ मप्रोंइनीनी।

ब्‍यवस्‍था 10:21

मेकोन इन कली ठेयब सेल्‍तीके बाक्‍ब। मिनु इन परमप्रभु दुम्‍शा, इन पर्बम हिंचा ङा ठेयब गेय पाइब मेकोन बाक्‍ब। गे मेको नेल्‍ल आंमा तशो बाक्‍नीनी।

प्रकाश 4:8

मिनु मेको सेस जन्‍तु ६, ६ ओटा फ्रां पाइश्‍शो बाक्‍तेक्‍मे। मेको आन फ्रां नेल्‍ल नु आन रां नेल्‍लेमी मिक्‍च पाइश्‍शो बाक्‍तेक्‍म। मिनु मेकोपुकी नाक्‍दो नाक्‍त परमप्रभु यावे कली कुम्‍सो पना पन बाक्‍बाक्‍तेक्‍म। मार कुम्‍सो पाइबाक्‍तेक्‍म देंशा हना, “परमप्रभु यावे, गे का ला परमप्रभु ननी। गे नेल्‍ल सक्ति पाइश्‍शो बाक्‍नीनी। गे ङोंइती बाक्‍शो बाक्‍तीनी। मुल यो बाक्‍नीनी। मिनु नोले यो जाक्‍नीनी” दे कुम्‍सो पना पन बाक्‍बाक्‍तेक्‍म। यसैया ६:२-३; प्रस्‍थान ३:१४