भजन संग्रह 21:9 - Sunuwar Bible

⁹ इन जाक्‍ची ना मेको आन कली ठेयब चुप्‍लुम हुम्‍शो खोदेंशो पा हुम्‍नीनी। परमप्रभु यावे, गे चुरशा, मेको आन कली दाक्‍शो खोदेंशो पा मीम दाक्‍पाइक्‍नीनी।

भजन संग्रह 21:9 ပူးပေါင်းရင်းမြစ်များ

उत्पत्ती 19:28

मिनु सोदोम नु गोमोररा सहर ङा दिंम ङा रू नेल्‍ल कोव़ङा बाक्‍त। मिनु मेको सहर निक्‍शी नु रू नेल्‍ल रे ठेयब चुप्‍लु ङा मी खोदेंशो पा कुन ग्रूशो तवा बाक्‍त।

एज्रा 6:12

परमप्रभुमी आ नें तुइक्‍पाइक्‍चा कली यरूसलेममी आ बाक्‍तीक सेल्‍पाइश्‍शो बाक्‍त। परमप्रभुमी आ हुकुम फाइक्‍ब नु यरूसलेम आ खिं प्रेप्‍ब पिप नेल्‍ल नु अरु मुर, सु बाक्‍तेक्‍म हना यो, मेको आन कली खतम पोक्‍गल। गो पिप दाराम हुकुम पाता। मेको रीब पा पचा माल्‍नीम” दे हुकुम पाप्‍तु।

अय्‍युब 6:3

मेको समुन्‍द्र ङा बाल्‍वा आन क्‍येङा यो शुश हेल्‍शो दुम वा। मोपतीके आं लोव़ रिम्‍शो मबा‍क्‍म कों।

भजन संग्रह 106:17

मिनु रागी जेश्‍शा, दाथान कली दाक्‍शो बाक्‍त। मिनु अबीराम आ हुल कली सुम्शो बाक्‍त। गन्‍ती १६:३१-३५

भजन संग्रह 18:38

गो मेको आन कली बोक्‍ने मचाप्‍चा ङा पा तुप्‍तामी। मेकोपुकी आं खोइलीम गोल्‍तेक्‍म।

भजन संग्रह 18:8

आ नें रे कुन कुत। आ शोव़ रे ठेयब मी ग्रूशा, ब्रशो कोइला हुरुर पा बेरतेक्‍म। प्रस्‍थान १९:१८

भजन संग्रह 2:12

मिनु आ तौ आ ङोंइती बाप्‍शा, आ खोइल पुक्‍पु पने। मेको गाइक्‍ताक्‍व हना, गेपुकी लांमीन जाम्‍शा लाइनीनी। मो मपाइतीनी हना, गाइक्‍चा चिक्‍शो बाक्‍ब। सु सु मेको कली थमा सुइश्‍शा, आ नेक्‍था लाइनीमी, मेको ग्‍येरसीशो मुर दुम्‍‍नीमी।

भजन संग्रह 2:5

मिनु नोले मेको गाइश्‍शा, लोव़ पाइब। मोपा चुरशा, मेको आन कली हिंच कोंइब। यसैया ३४:२; प्रकाश ६:१५-१७

भजन संग्रह 50:3

आंइ परमप्रभु जाक्‍शा, सिक्‍सी पा मबाक्‍ब। मेको आ ङोंइती ग्राव ग्रु दाक्‍ब मी ब्राइब। मिनु आ एर ओंथ नेल्‍ले कुमीर गिमीर पा फश गिवार पाइब।

यसैया 26:11

परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२

बिलाप 2:2

परमप्रभुमी शिशी मपथु याकूब आ बाक्‍तीक नेल्‍ल खतम सेल्‍तु। मोपा चुरशा यहूदा आ तमी आ गारो हिरशो सहर नेल्‍ल खतम सेल्‍तु। मेकोमी मेको राज्‍य नु आ सासन पाइब आन कली मान मताइब, आइक्‍च सेल्‍तु।

नहुम 1:6

परमप्रभु यावे गाइक्‍तानु, मेको आ ङोंइती सु राप्‍ने चाप्‍‍बा ङा? मेको आ चुरशो सुम फाल्‍ने चाप्‍बा ङा? मेको आ गाइश्‍शो मी खोदेंशो पा ब्राइब। मिनु मेकोमी सेरथे फुल्‍लु आन कली प्रोल्‍ब।

मलाकी 4:1

मुर नेल्‍ल आन परमप्रभु यावेमी “आं निसाफ पतीक नाक्‍ती जाक्‍ब। मेको ठेयब मी खोदेंशो पा ब्रशो बाक्‍ब। मेना ठेयब लेश्‍शो नु मरिम्‍शो पाइब नेल्‍ल सोव़शो ठुटा खोदेंशो बाक्‍नीम। मेको नाक्‍ती मीम मेको आन कली नेक्‍ब। मिनु मेको आन शाक्‍श नु राशी यो मलीब।

मत्ती 13:42

ठेयब मीम हुम्‍नीम। मेकेर मुरपुकी आन ख्रुइ शेप्‍शा ङाक्‍नीम।

मत्ती 13:50

ठेयब मीम हुम्‍नीम। मेकेर मुरपुकी आन ख्रुइ शेप्‍शा ङाक्‍नीम।

मत्ती 22:7

मिनु पिपमी मोदेंशो दुम्‍शो तुइश्‍शा चुरशा, आ सिपाही आन कली ‘लने, मुर साइक्‍ब आन कली साइश्‍शा, आन सहर गाउं क्रोइश्‍शा गेने’ दे सोइक्‍तीमी बाक्‍त। मत्ती २४:२

मत्ती 25:41

मिनु आ पेरा गे राप्‍शो आन कली हिरशा ‘सराप तशोपुकी, गो नु मबाक्‍कीने। सैतान नु आ गेय पाइब आन कली गेनायो मकाप्‍ब मी वोइश्‍शो बाक्‍ब। मेकेर लने। प्रकाश २०:१०,१५

मत्ती 25:46

मिनु मेकोपुकी गेना हना यो सजाइ ततीकेमी लाइनीम। परमप्रभु आ ङोंइती ठीक दुम्‍शोपुकी चहिं गेना हना यो परमप्रभु यावे नु बाक्‍चा ततीकेमी लाइनीम” दे शेंताक्‍मी। यूहन्‍ना ५:२९; याकूब २:१३

मत्ती 3:10

तिम्‍चा, दे रवा आ पुंमी खा वोइश्‍शो बाक्‍ब। फल मसिप्‍ब रवा का का पा तिम्‍शा मीमी चोचा पुंइसीनीम, दे तुइक्‍तीन। लूका १३:६-९

मत्ती 3:12

आ गुइमी ग्‍योल बाक्‍ब। मेकोमी लाङगामी हाम्‍शो चेरब हुरशा, भूस नु गेडा तिल्‍ब। गेडा कोठोमी कुर पा वोइक्‍ब। भूस चहिं गेनायो मकाप्‍ब मीमी चोइब” दे माइक्‍मी बाक्‍त। मत्ती १३:३०

ब्‍यवस्‍था 32:22

मारदे हना आं गाइक्‍चा मी खोदेंशो पा ब्रशो बाक्‍ब। रागी आगा सम्‍म ब्राइब। रागी नु मेकेर बाक्‍शो नेल्‍ले नेक्‍ब। मेकोमी डांडा आन जग नेल्‍ल नेक्‍ब।

१ थिस्‍सलोनिकी 2:16

दोपा श्‍येत गेम्‍तेक्‍म देंशा हना, रागी रागी ङा मुर आन कली पाप रे ब्रोंइचा ताइनीम, दे आंइ कली लोव़ पचा मगेम। मोदेंशो पा यहूदीम आन पाप गेना हना यो तेम्‍ना तेम्‍न बाक्‍नीम। मोपतीके परमप्रभु यावेमी मेको आन कली चुरशा सजाइ गेब। मत्ती २१:३२-३३

२ थिस्‍सलोनिकी 1:8

मेको नु हुरुर पा ब्रशो मी सरीङ रे यीब। प्रभुमी परमप्रभु यावे कली मतुइक्‍ब नु आ ग्‍येरपाइक्‍ब लोव़ मटीब आन कली क्‍येक्‍क लेप्‍ब। रोमी २:८

प्रकाश 19:15

मिनु मेको ङोंइती ङा बुश शारा ङोइक्‍ब आ शोव़ रे रागी रागी ङा मुर आन कली साइक्‍चा कली हेश्‍शो तरवार का ग्रूत। मिनु मेकोमी फलाम के कोक्‍केमी मेको आन कली सासन पाइब, नेल्‍ल सक्ति पाइश्‍शो परमप्रभु यावे आ गाइक्‍चा ङा कोल खोइलीमी दिम्‍ब। भजन संग्रह २:९; प्रकाश १४:१९-२०

प्रकाश 20:14

बेक्‍पाइक्‍ब नु बेक्‍शो आन बाक्‍तीके हुरुर पा ब्रशो मी ब्रतीकेमी हुम्‍चा पुंइसाक्‍स। मेको हुरुर पा ब्रशो मीमी हुम्‍सीशो मार बाक्‍त देंशा हना, मेको निक्‍शी खेयप बेक्‍चा ङा मेको नोले ङा बेक्‍चा बाक्‍त। १कोरिन्‍थी १५:२६,५५