भजन संग्रह 21:6 - Sunuwar Bible

⁶ गे मेको कली गेना हना यो आसीक राइब सेल्‍शा, इन ङोंइती ग्‍येरपाइक्‍तीनी।

भजन संग्रह 21:6 ပူးပေါင်းရင်းမြစ်များ

उत्पत्ती 12:2

गो इ रे पा ठेयब जात ङा मुर सेल्‍नुङमी। गो इ कली आसीक गेनन। इ नें ठेयब सेल्‍नुङ। गे अर्को आन कली आसीक दुम्‍नेवे। उत्‍पत्ती २४:१,३५; भजन संग्रह ७२:१७

२ सामुएल 7:9

गे ते ते गाक्‍ङे, मेक मेक गो गे नु बाक्‍ती। गो इ जोरी सत्रु नेल्‍ल आन कली इ ङोंइती रे खेर‍तामी। गो इ नें रागी ङा ठेयब मुर आन नें खोदेंशो पा ठेयब सेल्‍नुङ।

१ इतिहास 17:27

मेको गेना हना यो इन ङोंइती बाक्‍ल, दे इन गेय पाइब आ खिं कली आसीक गेचा इन मिम्‍शो बाक्‍ब। मारदे हना गेन मेको कली आसीक गेशो बाक्‍नीनी। मिनु मेको गेना हना यो आसीक रशो बाक्‍‍ब” दे दाऊदम परमप्रभु कली लोव़ पवा बाक्‍त। उत्‍पत्ती १२:३

भजन संग्रह 16:11

गे आं कली ब्रोंइतीक लां कोंइनीनी। गो इन ङोंइती बाक्‍ङानु, आं थुं ग्‍येरतीकेम ब्रीब। इन ग्‍युरा गे बाक्‍ङानु, गेना हना यो थम रिम्‍शो दुम्‍नुङ” दे लोव़ पाता।

भजन संग्रह 43:4

मेना गो परमप्रभु कली चढ़ेतीकेम जाक्‍नुङ। मिनु परमप्रभुमी आं कली शुश ग्‍येरपाइश्‍शा, आं थुं नाइक्‍पाइक्‍ब। परमप्रभु, आं परमप्रभु, गो ठेयब ताप्‍तीक ताप्‍शा, कुम्‍सो पा इन कली ठेयब सेल्‍नुङ।

भजन संग्रह 45:7

गे ठीक पतीके दाक्‍नीनी। इन अरेशो मटीब आन कली चहिं काइ मदाक्‍नीनी। मोपतीके परमप्रभु, इन परमप्रभुमी इन वारच नेल्‍ल आन क्‍येङा इन कली दाक्‍शा, इन कली तेल लुक्‍शो खोदेंशो पा ग्‍येरपाइक्‍तु।

प्रेरित 2:28

परमप्रभुमी ब्रोंइतीक लां कोंइताक्‍यी। मिनु गेना हना यो प्रभु नु ग्‍येरसीशा बाक्‍नुङ’ दे येसु आ पर्बम ब्रेक्‍शो बाक्‍त। भजन संग्रह १६:८-१०

प्रेरित 3:26

मोपतीके परमप्रभु यावेमी आ गेय पाइब येसु कली ङोंइती इन बाक्‍तीकेम सोइक्‍ताक्‍व। मारदे हना इन कली आसीक गेशा, इन मरिम्‍शो गेय रे लेत्‍चा, दे मोदेंशो पाप्‍तु, दे रुपीने” दे शेंदीमी बाक्‍त। प्रेरित १३:४६

गलाती 3:14

ख्रीस्‍त येसु सराप रमेनु, अर्को रागी ङा मुरपुकी यो अब्राहाम आ तशो आसीक ताइनीम। मिनु यहूदी आन पशो पतीक रे ममाइ। ख्रीस्‍त येसु कली थमा सुइश्‍शो रे पा गोपुकीमी परमप्रभु यावेमी गेनुङ देंशो आ सोक्‍त ताइतय, दे रुब्‍य।

गलाती 3:9

मोपतीके सु सुमी अब्राहाममी थमा सुइश्‍शो खोदेंशो पा थमा सुदमे, मेकोपुकी अब्राहाम आ आसीक यो ताइनीम। रोमी ४:१६

एफिसी 1:3

इं प्रभु येसु ख्रीस्‍त आ आफ परमप्रभु यावे कली “गे ठेयब बाक्‍नीनी” देंय। मारदे हना मेकोमी स्‍वर्गम आ सोक्‍तीम पतीके इं कली आसीक गेप्‍तु। मेको नेल्‍ल ख्रीस्‍तम बाक्‍ब।