भजन संग्रह 21:4 - Sunuwar Bible

⁴ मेकोमी “ब्रोंइचा गेयी” दे इन कली पुंइतु। मिनु गे मेको कली गेना हना यो ब्रोंइशा, बाक्‍चा गेतीनी। भजन संग्रह ६१:७

भजन संग्रह 21:4 ပူးပေါင်းရင်းမြစ်များ

१ राजा 2:33

मेको आस हुश आ दोस गेना हना यो योआब नु मेको आ तौ चच आन पिया तार लील। तन्‍न दाऊद नु मेको आ तौ चच आन तार, मेको आन खिंम नु आन राज्‍यम परमप्रभु यावे आ ङोंइती गेना हना यो थुं नाइश्‍शा बाक्‍तीक दुम्‍ल” देंमाक्‍त।

१ राजा 2:45

तन्‍न पिप सोलोमन आसीक ताइब। मिनु परमप्रभु यावे आ ङोंइती दाऊद आ राज्‍य गेना हना यो लीब” देंमाक्‍त।

२ राजा 11:12

मिनु येहो-यादाम पिप आ तौ कली ग्रुंइदा बाक्‍त। मिनु मेको आ पियाम सिरपेच गुक्‍ता बाक्‍त। मिनु येहो-यादामी मेको कली कबल ङा कागज का गेवा बाक्‍त। मिनु मेको कली तेल लुक्‍शा पिप सेला बाक्‍त। मिनु मुरपुकीम गुइ फ्रोक्‍शा “पिप गेना हना यो ब्रोंइशा बाक्‍ल” देंमा बाक्‍त। ब्‍यवस्‍था १७:१८-१९; १राजा १:३९

भजन संग्रह 119:175

गे आं कली ब्रोंइचा गेयीनी। मिनु गो इन कली ठेयब सेल्‍नुङ। मिनु इन पतीक लोव़मी आं कली वारच पवल।

भजन संग्रह 119:77

गे आं कली शिशी पाइतीनी हना, गो ब्रोंइनुङ। मारदे हना इन अरेशो लोव़ तुइश्‍शा, ग्‍येरसाक्‍यी।

भजन संग्रह 13:3

परमप्रभु यावे, आं परमप्रभु, आं कली मिम्‍शा, आं लोव़ लेत्‍तीनी। आ बोल लेंशा गेयीनी। मो मपाइतीनी हना, गो बेक्‍नुङ।

भजन संग्रह 133:3

मेको हेरमोन डांडा ङा सीत सियोन डांडाम यिशो खोदेंशो बाक्‍ब। मेको गेना हना यो ब्रोंइतीक परमप्रभु यावे आ आसीक बाक्‍ब।

भजन संग्रह 72:17

मेको आ नें गेना हना यो लील। नां बाक्‍म सम्‍म आ नें ठेयब बाक्‍ल। रागी रागी ङा मुर नेल्‍लेम मेको रे पा आसीक तामेक्‍ल। मिनु मेकोपुकीमी मेको आ पर्बम “ग्‍येरसीशो मुर बाक्‍ब” देंमल। उत्‍पत्ती १२:३; उत्‍पत्ती २२:१८

भजन संग्रह 89:29

गो मेको आ चच युइ आन कली गेनायो मग्‍याम्‍चा ङा पा वोइक्‍नुङ। मिनु मेको आ सासन पतीके सरीङ लीम सम्‍म बाक्‍ब।

भजन संग्रह 91:16

गो मेको कली शुश ब्रोंइचा गेशा, आं प्रोंइतीके तपाइक्‍नुङ” दे परमप्रभुमी देंत। यसैया ५२:१०

जकरिया 6:13

मेकोमीन परमप्रभु यावे आ खिं सेल्‍चा माल्‍ब। मेको पिप आ मान तशा, शुश ग्‍योम्‍सीशो बाक्‍ब। मेको आ ठेयब नित्‍तीकेमी निश्‍शा सासन पाइब। मेको आ नित्‍तीकेमी आ ग्‍युरा गे चढ़ेब का बाक्‍ब। मेको निक्‍शी दुशा गारशा गेय पाइनीसी। भजन संग्रह ११०:४

प्रकाश 1:18

ब्रोंइशा बाक्‍ब नङ। गो बेक्‍शा यो, लेंशा मबेक्‍चा ङा पा ब्रोंइती। मिनु नरक नु बेक्‍शा लशो मुर आन बाक्‍तीक ङा रोक्‍तीक सांचो गो नु बाक्‍ब।