भजन संग्रह 21:1 - Sunuwar Bible

¹ परमप्रभु यावे, इन सक्ति तशा, पिप ग्‍येरसाक्‍व। इन प्रोंइतीकेमी मेको शुश ग्‍येरसाक्‍व।

भजन संग्रह 21:1 ပူးပေါင်းရင်းမြစ်များ

भजन संग्रह 2:6

मिनु मेकोमी “गो आं सियोन डांडामी आं तेल लुक्‍शा सोइश्‍शो पिप कली वोइक्‍ता” देंत। जकरिया ८:३

भजन संग्रह 20:9

परमप्रभु यावे, आंइ पिप कली ग्रापतीन। गो पुंइकानु, आंइ लोव़ लेत्‍तीन।

भजन संग्रह 28:7

परमप्रभु यावे आं सक्ति नु आं तेक्‍तीके बाक्‍ब। गो मेको कली थमा सुइक्‍ता। मोपा आं कली वारच पाइक्‍ती। मोपतीके गो थाम्‍पा ग्‍येरसीशो बाक्‍नुङ। गो आं कुम्‍सोमी मेको कली ठेयब सेल्‍नुङ।

भजन संग्रह 62:7

आं कली श्‍येत रे प्रोंइतीके नु मान ततीके परमप्रभु रे जाक्‍ब। परमप्रभु आं ख्रुइक्‍तीक सेरथे फुल्‍लु नु आं बोल्‍यो दरवार बाक्‍ब।

भजन संग्रह 63:11

तन्‍न पिप चहिं परमप्रभु नु थुं नाइश्‍शा ग्‍येरशा बाक्‍ब। परमप्रभु आ नेंम कसम जाइबपुकीमी मेको कली ठेयब सेल्‍नीम। तन्‍न जोल पाइबपुकी ब्‍वाक्‍चा मताइनीम।

भजन संग्रह 71:17

परमप्रभु, गो ठिटा बाक्‍ङा रेन, गे आं कली शेंताक्‍यीनी। मिनु गो मुल सम्‍म इन छक लाक्‍चा ङा गेय आ पर्बम लोव़ पाइनुङ।

भजन संग्रह 95:1

जाक्‍कीन, ग्‍येरसीशा परमप्रभु यावे कली कुम्‍सो पय। इं कली श्‍येत रे प्रोंइब सेरथे फुल्‍लु कली ठेयब सेंदा पा कुम्‍सो पय।

भजन संग्रह 99:4

सक्ति पाइश्‍शो पिपम, ठीक निसाफ दाक्‍ब, गे कुल मकोव़थु, याकूब आ रागीमी ठीक पतीके नु ठीक निसाफ वोइक्‍तीनी। यसैया ९:६

मत्ती 2:2

मिनु यरूसलेममी जाक्‍शा “यहूदी आन पिप ते जरमेसे? मारदे हना गोपुकीमी पूर्ब ङा रागीम आ सोरुल ताइतक। मिनु गो मेको कली ठेयब सेल्‍थ जाक्‍तक। ते बाक्‍मा?” देंमा बाक्‍त। गन्‍ती २४:१७

हिब्रू 12:2

थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०