भजन संग्रह 2:4 - Sunuwar Bible

⁴ मिनु स्‍वर्गम बाक्‍ब परमप्रभु चहिं मेको मुर आन कली तशा, रिप्‍ब। मेको आन पशो तशा शुक्‍शी पाइब। भजन संग्रह ५९:९

भजन संग्रह 2:4 ပူးပေါင်းရင်းမြစ်များ

२ राजा 19:21

सन्‍हेरीब आ पर्बम परमप्रभु यावे आ देंशो लोव़ मार बाक्‍ब देंशा हना ‘सियोन ङा तमीमी इ कली शुक्‍शी पाइब। मिनु गे प्रोक्‍शा लवेनु, यरूसलेम ङा तमीमी आ पिया हिक्‍ब।

भजन संग्रह 11:4

परमप्रभु यावे आ खिंमी बाक्‍ब। आ ठेयब नित्‍तीके स्‍वर्गम बाक्‍ब। मिनु उइ कोव़ना कोव़न मुर आन कली नाक्‍ब। हाबाकुक २:२०; यसैया ६६:१; भजन संग्रह ३३:१३-१४

भजन संग्रह 115:3

आंइ परमप्रभु स्‍वर्गम बाक्‍ब। मेकोमी मार दाक्‍ता, मेको पाइब।

भजन संग्रह 123:1

इर स्‍वर्ग ङा नित्‍तीकेम बाक्‍ब, गो इन गे कोव़शा इन कली पुंइनुङ।

भजन संग्रह 37:13

तन्‍न परमप्रभु मेको आन कली तशा, रिप्‍ब। मारदे हना मेको आन नाक्‍त नुप्‍शो तुइश्‍शो बाक्‍ब। अय्‍युब १८:२०

भजन संग्रह 53:5

मिनु नोले मेकोपुकी थाम्‍पा हिंनीम। ङोंइती मोपा हिंतीके मबा। मारदे हना परमप्रभुमी थमा मसुइक्‍ब आन रुश फ्राइब। मिनु मेकोपुकी मुने दोक्‍नीम। मारदे हना परमप्रभुमी मेको आन कली तिल्‍शो बाक्‍ब।

भजन संग्रह 59:8

तन्‍न परमप्रभु यावे, गे मेको आन पर्बम रित्‍नीनी। गे रागी रागी नेल्‍ल आन पर्बम रित्‍नीनी।

भजन संग्रह 59:9

गे आं सक्ति बाक्‍नीनी। गो इन कली ठेयब सेल्‍शा कुम्‍सो पाइनुङ। परमप्रभु, गे आं बोल्‍यो दरवार बाक्‍नीनी। भजन संग्रह ९:१०-११

भजन संग्रह 68:33

परमप्रभु ङोंइती रे स्‍वर्गम बाक्‍ब। मेको आ सेंदा बुंबु पशो खोदेंशो सक्ति पाइश्‍शो बाक्‍ब।

हितोपदेस 1:26

गो यो गे श्‍येत जनी ना, रिश्‍शा बाक्‍नुङ। मिनु गे शुश हिंनीना, गो शुक्‍शी पाइनुङ” दे लोव़ पाइब। ब्‍यवस्‍था २८:६३

यसैया 40:22

एको रागी नेल्‍ल आन तार बाक्‍ब, मेकोन बाक्‍ब। रागीम बाक्‍बपुकी माले खोदेंशो बाक्‍नीम। मेकोमी सरीङ कली वा खोदेंशो पा प्राक्‍ब। मिनु मेको मुर आन कली ताम्‍बु खोदेंशो दुम्‍ब।

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

यसैया 66:1

मिनु परमप्रभु यावेमी “स्‍वर्ग आं नित्‍तीके नु रागी आं खोइल वोइक्‍तीक बाक्‍ब। गे आं कली दोदेंशो खिं सेल्‍ने चाप्‍‍‍नीनी? तेकेर नाइक्‍नुङा? १राजा ८:२७; बिलाप २:१; प्रेरित ४:४९; प्रेरित १७:२४