भजन संग्रह 2:1 - Sunuwar Bible

¹ मारदे रागी रागी ङा मुर नेल्‍ल गारशा, परमप्रभु यावे आ पर्बम गाइक्‍नीमी? मारदे जात जात ङा मुर जाम्‍शा लाइब मरिम्‍शो ला मिम्‍नीमी? प्रेरित ४:२५-२६; प्रकाश ११:१८

भजन संग्रह 2:1 ပူးပေါင်းရင်းမြစ်များ

भजन संग्रह 18:42

मिनु गो मेको आन कली फशेम बेरपाइश्‍शो फुरक खोदेंशो पा फस सेल्‍तामी। गो मेको आन कली लां ङा ग्रांग्रा खोदेंशो पा ताइक्‍‍ताक्‍ङमी।

भजन संग्रह 21:11

मेकोपुकीमी इन कली मरिम्‍शो पचा, दे मिम्‍शो बाक्‍तेक्‍म हना यो, आन मिम्‍शो पने मचाप्‍नीम। यसैया ८:१०

भजन संग्रह 46:6

मिनु रागी रागी ङा मुरपुकी जिशा खेशा पाइनीम। राज्‍यपुकी क्‍याम्‍चा पुंइसीनीम। परमप्रभुमी आ सेंदा नेंपाइक्‍तु हना, रागी नेल्‍ल याइनीम।

भजन संग्रह 46:7

मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। ठेयब सेंदा पा।

भजन संग्रह 57:9

परमप्रभु, गो जात जात ङा मुर आन दातेमी इन कली ठेयब सेल्‍नुङ। गो रागी रागी आन दातेमी इन पर्बम कुम्‍सो पाइनुङ।

भजन संग्रह 74:23

इन पर्बम दूली लोव़ पाइब आन रेयके नु इन जोरी सत्रु आन लडाइ पस ङा पस पशो मप्रेंदीन।

भजन संग्रह 83:3

मेकोपुकीमी इन मुर आन कली दोपा साइक्‍चा, दे लोव़ गारपाइक्‍नीम। इन कोव़शो मुर आन कली मरिम्‍शो पचा कली ख्रुइश्‍शा लोव़ गारपाइक्‍नीम। भजन संग्रह ३५:२०

यसैया 8:9

गे रागी रागी ङा मुर गारशा सुर्ता पने। गे खतम दुम्‍पाइक्‍चा पुंइसीनीनी। गे ङोन रागी ङा मुर नोफा दाइश्‍शा नेनीने। लडाइ पचा कली किप्‍शुर किम्‍सीन। मिनु हिनीन। लडाइ पचा कली ठीक दुमीन। मिनु सुर्ता पने।

मत्ती 21:38

मिनु बुम्‍था पाइबपुकीमी आ तौ कली पिशो तशा ‘एको अङस ताइब बाक्‍ब। लो साइक्‍चा। मिनु रू, अङगुर नेल्‍ल इं केन दुम्‍ब’ देंशा गारमा बाक्‍त। मत्ती २६:३-५; यूहन्‍ना १:११

लूका 18:32

रागीम जरमेशो अर्को जात ङा मुर आन गुइमी गेचा पुंइसीब। मिनु मेकोपुकीमी शुक्‍शी पा, मेको आ कुलुम तोक्‍नीम।

लूका 22:5

मिनु मेकोपुकीमी ग्‍येरशा “दुम्‍ब, ग्‍याइक्‍चा वारच पाप्‍तीवी हना, क्‍येट गेनीकी” देंमा बाक्‍त।

प्रेरित 16:22

एर ओंथ जाक्‍शा देल्‍शोपुकीमी यो “एको आस कली तुप्‍चा माल्‍ब” दे रेयके पाम्‍तेक्‍म। मिनु निसाफ पाइबपुकीमी पावल नु सिलास आस कली आस फेक्‍शो वा प्रुइश्‍शा, कोक्‍केम तुप्‍पाइक्‍तेक्‍म। २कोरिन्‍थी ११:२५; फिलिप्‍पी १:३०; १थिस्‍सलोनिकी २:२

प्रेरित 5:33

मोदेंशो लोव़ पशो नेंशा, गाइश्‍शा “मेको आन कली मसाइक्‍थु मप्रोंइचा नमी” देंमा बाक्‍त।

प्रकाश 17:14

मोदेंशो दुम्‍मेनु, मेकोपुकी पाठा नु लडाइ पाइनीम। मिनु लडाइमी पाठा ग्राब। मारदे पाठा ग्राब देंशा हना, मेको पाठा प्रभु आन प्रभु नु पिप आन पिप बाक्‍ब। मिनु मेको नु बाक्‍शोपुकी आ ब्रेश्‍शो नु योव़शो मुरपुकी बाक्‍नीमी। मेको नु बाक्‍बपुकी आ ब्रेश्‍शो नु योव़शो दीगो पाइब यो बाक्‍नीमी” दे आं कली देंत। प्रकाश १९:१६; प्रकाश १९:१४