भजन संग्रह 19:9 - Sunuwar Bible9 परमप्रभु यावे कली मान पा हिंचा रिम्शो दुम्शा, गेना हना यो लीब। परमप्रभु यावे आ निसाफ पतीक लोव़ थमा नु गेना हना यो ठीक बाक्नीम। အခန်းကိုကြည့်ပါ။ |
भजन संग्रह 19:9
36 ပူးပေါင်းရင်းမြစ်များ
आं क्येङा ङोंइती ङा आं खोदेंशो पा हुकुम पाइबपुकीमी मुर आन कली ठेयब श्येत गेशो बाक्तेक्म। मेकोपुकीमी नाक्त किंत किंत ङा जचा थोव़क, शोब्ले, अङगुर शांबु नु ४० चांदी के शेकेल यो लाइश्शो बाक्तेक्म। मिनु मेको आन गेय पाइबपुकीमी यो मुर आन कली साप्पा दिप्शो बाक्तेक्म। तन्न गो परमप्रभु कली मान पा हिंशा मोदेंशो मपङ। चांदी के शेकेल का ११.५ ग्राम ङा क्येट बाक्ब।
मिनु मेकोपुकीमी “कोरनेलीयस आ सोइश्शो नकी। कोरनेलीयस कप्तान बाक्ब। परमप्रभु कली मान पा हिंब, रिम्शो मुर बाक्ब। यहूदीपुकीमी यो रिम्शो मुर बाक्ब, दे मिम्नीम। परमप्रभु आ स्वर्ग ङा गेय पाइब कामी कोरनेलीयस कली ‘योप्पा सहरमी सिमोन पत्रुस माइश्शो कली माल्शा चाक्शा आ लोव़ नेंचा’ देंतीके इन कली ब्रथ जाक्तक” देंमा बाक्त।
परमप्रभु यावेमी दोदेंशो शिशी पाइबा, दोदेंशो सजाइ गेबा, दे रुपीन। साइ ङोंइती रे ङा आ लोव़ थमा मसुइक्थु मटीब आन कली ख्रोइश्शा ताइक्ताक्व। आ लोव़ मटिथु, थमा सुइक्चा प्रोंइतीनी हना, इन कली यो ख्रोइश्शा ताइक्ब, दे तुइक्तीन। गे परमप्रभु यावे कली दाक्शा, थमा सुइक्चा मप्रोंइतीनी हना ला, इन कली यो दाक्चा मप्रोंइब। यूहन्ना १५:२-४; हिब्रू ३:१४
मिनु परमप्रभु यावे आ वाइल मोसा नु पाठा आ कुम्सो पाम्तेक्म। मिनु मेको कुम्सोम मार लोव़ बाक्त देंशा हना “परमप्रभु यावे, गे नेल्ल सक्ति पाइश्शो परमप्रभु बाक्नीनी। इन गेय ठेयब नु छक लाक्चा बाक्नीमी। गे इन लां नेल्ल ठीक नु थमा बाक्नीमी। गे गेना हना यो पिप बाक्नीनी। प्रस्थान १५:१,११; येरमीया १०:६-७; ब्यवस्था ३२:४; भजन संग्रह १४५:१७
ကြော်ငြာတွေ