भजन संग्रह 19:8 - Sunuwar Bible

⁸ परमप्रभु यावे आ ब्रेक्‍शा अरेशो लोव़ ठीक बाक्‍शा, मुर आन थुं ग्‍येरपाइक्‍ब। परमप्रभु यावे आ शेंशोमी मुर मिक्‍च ताइब दुम्‍नीम।

भजन संग्रह 19:8 ပူးပေါင်းရင်းမြစ်များ

उत्पत्ती 26:5

मारदे हना अब्राहामम आं देंशो टिशा, आ पचा माल्‍शो पाप्‍तु। आं शेंशो, आं फुल्‍लुम मुशा ब्रेक्‍शो लोव़ नु आं अरेशो नेल्‍ल पाप्‍तु” दे मदा बाक्‍त। उत्‍पत्ती १५:५

२ राजा 17:37

मेकोमी इन कली “आं फुल्‍लुम मुशा ब्रेक्‍शो लोव़ नु आं पतीके लोव़, आं अरेशो नु आं शेंशो लोव़ नेल्‍ल शुश होस पा गेना हना यो पचा माल्‍नीनी। गेपुकीमी देवी देवता आन कली मानेचा मदुम्‍नीनी।

नेहेम्‍याह 8:12

मिनु मुर नेल्‍लेमी आन देंशो लोव़ रुप्‍शा, ठेयब ग्‍येरतीक चाड मानेचा कली जचा ब्‍वचा तूचा नु मथीब आन कली मार मार सोइक्‍चा कली लाम्‍तेक्‍म।

नेहेम्‍याह 9:13

गे सीनै डांडामी यितीनी। मिनु स्‍वर्ग रे मेकोपुकी नु लोव़ पाइतीनी। गे मेको आन कली इन ठीक पतीक लोव़, थमा शेंतीके, इन रिम्‍शो फुल्‍लुम मुशा ब्रेक्‍शो लोव़ नु इन शेंतीके गेतीनी। प्रस्‍थान १९:१८; प्रस्‍थान २०:१-१७

भजन संग्रह 105:45

मेकोपुकीमी परमप्रभुमी फुल्‍लुम मुशा ब्रेक्‍शो लोव़, आ अरेशो लोव़ टीमेक्‍ल, दे मोदेंशो पवा बाक्‍त। परमप्रभु यावे कली ठेयब सेलीन।

भजन संग्रह 111:7

मेको आ गेय नेल्‍ल आ देंशो खोदेंशो नु ठीक बाक्‍नीम। आ अरेशा ब्रेक्‍शो लोव़ नेल्‍ल थमा सुइक्‍चा माल्‍शो बाक्‍नीम।

भजन संग्रह 119:105

इन लोव़ आं खोइली कली छेङछेङ बाक्‍ब, आं लां तचा कली रांको खोदेंशो बाक्‍ब। २पत्रुस १:१९

भजन संग्रह 119:12

परमप्रभु यावे, इन नें ठेयब बाक्‍ब। आं कली इन फुल्‍लुम मुशा ब्रेक्‍शो लोव़ शेंदीनी। भजन संग्रह ११९:२६,६४,६८

भजन संग्रह 119:121

गो ठीक निसाफ पाता। आं कली दिप्‍ब आन कली जिम्‍मा मगेयीनी।

भजन संग्रह 119:128

मोपतीके गो आं लां नेल्‍लेमी इन ब्रेक्‍शा अरेशो लोव़ मिम्‍नुङ। मिनु दूली लां नेल्‍ल काइ मदाक्‍नुङ। भजन संग्रह ११९:२९

भजन संग्रह 119:130

इन लोव़ नेंशोनु, रुप्‍तीक थुं गेब। मतुइक्‍ब आन कली तुइक्‍ब सेल्‍ब।

भजन संग्रह 119:14

गो शुश शोंप तशा ग्‍येरसीशो मुर खोदेंशो पा इन देंशो लां तशा ग्‍येरसाक्‍यी।

भजन संग्रह 119:143

गो हिंती नु श्‍येत जाइब दुम्‍ती हना यो, इन शेंतीकेम आं कली ग्‍येरपाइक्‍ब।

भजन संग्रह 119:16

गो इन फुल्‍लुम मुशा ब्रेक्‍शो लोव़ तुइश्‍शा, ग्‍येरसाक्‍यी। इन लोव़ मप्रेंनुङ।

भजन संग्रह 119:171

गे आं कली इन फुल्‍लुम मुशा, ब्रेक्‍शो लोव़ शेंताक्‍यीनी। मोपतीके गो इन कली ठेयब सेल्‍ना सेल्‍न बाक्‍नुङ।

भजन संग्रह 119:24

इन देंशो लोव़ आं थुं ग्‍येरपाइक्‍ब नु आं कली अर्ती गेब बाक्‍नीम।

भजन संग्रह 119:40

इन ब्रेक्‍शा अरेशो लोव़ शुश दाक्‍नुङ। इन निसाफ पतीकेमी आं कली ब्रोंइचा गेयीनी।

भजन संग्रह 119:54

गो ते बाक्‍ती हना यो, इन फुल्‍लुम मुशा ब्रेक्‍शो लोव़ आं कुम्‍सो दुम्‍शो बाक्‍तेक्‍म।

भजन संग्रह 119:80

गो इन फुल्‍लुम मुशा ब्रेक्‍शो लोव़ पशा दोस मतङल। मोपा मुने मदोक्‍ङ‍ल।

भजन संग्रह 119:92

इन अरेशो लोव़म आं कली मग्‍येरपाइश्‍शो हना, गो आं श्‍येतम बेक्‍ङ वा। येरमीया १५:१६

भजन संग्रह 12:6

परमप्रभु यावे आ लोव़ थमा बाक्‍ब। मेको ७ खेयप यपाइश्‍शो क्‍येख चांदी खोदेंशो बाक्‍ब।

भजन संग्रह 13:3

परमप्रभु यावे, आं परमप्रभु, आं कली मिम्‍शा, आं लोव़ लेत्‍तीनी। आ बोल लेंशा गेयीनी। मो मपाइतीनी हना, गो बेक्‍नुङ।

भजन संग्रह 40:8

परमप्रभु, गो इन दाक्‍शो पशोमी आं कली ग्‍येरपाइक्‍ब। इन अरेशो लोव़ आं थुंम बाक्‍ब।

भजन संग्रह 93:5

इन देंशो लोव़ गेना हना यो बाक्‍नीम। परमप्रभु यावे, इन खिं गेना हना यो इन सक्तिमी ब्रीशो बाक्‍ब।

प्रस्‍थान 18:16

मेको आन दातेमी मार मार निसाफ पाचा माल्‍शो बाक्‍मे, मेको गो गारपाइक्‍नुङ। मोपा गो निसाफ पचा माल्‍नुङ। मिनु मेको आन कली परमप्रभु आ फुल्‍लुम मुशा ब्रेक्‍शो लोव़ नु आ अरेशो लोव़ तुइक्‍पाइक्‍नुङ” दें‍त।

हितोपदेस 2:6

मारदे हना परमप्रभु यावे तुइक्‍‍तीक थुं गेब बाक्‍ब। आ शोव़ रे जोक्‍तीक नु रुप्‍तीक लोव़ ग्रूब। दानीएल २:२०-२३

हितोपदेस 30:5

परमप्रभु आ लोव़ नेल्‍ल थमा बाक्‍ब। सु मेकेर लशा ख्रुंइसीबा, मेको कली श्‍येत रे तेक्‍ब। भजन संग्रह १२:७

हितोपदेस 6:23

मारदे हना मेको अरेशो बत्ती नु शेंशो छेङछेङ बाक्‍नीस। ठीक पचा कली हुइक्‍तीके ब्रोंइचा गेब लां बाक्‍ब।

यसैया 64:5

गे ग्‍येरशा ठीक पतीके मिम्‍शा पाइब आन कली वारच पाइब बाक्‍नीनी। मेको मुरपुकी इन लांम गाक्‍शा, इन कली मिम्‍ब बाक्‍नीम। गे आंइ पाप पशो आ पर्बम गाइक्‍ताक्‍नी। मारदे हना गे ख्रुंइसाक्‍नी। मिनु गो हेंथे गाक्‍तक।

येरमीया 15:16

इन लोव़ बाक्‍त हना, गो नोफा दाइश्‍शा नेंता। मेको आं कली ग्‍येरतीक नु आं थुं कली नाइक्‍पाइक्‍ब दुम्‍त। मारदे हना परमप्रभु यावे, मुर नेल्‍ल आन परमप्रभु, गो इन के नङ। ब्‍यवस्‍था ८:३; ब्‍यवस्‍था ३२:४६-४७; इजीकीएल ३:१-३; प्रकाश १०:८-९

इजीकीएल 36:27

गो आं सोक्‍ती इन आगाम वोइक्‍नुङ। मिनु आं फुल्‍लुम मुशा ब्रेक्‍शो लोव़ नु आं निसाफ पतीक लोव़ होस पा पाइब सेल्‍नुङ। इजीकीएल ३९:२९; यसैया ४४:३; इजीकीएल ३७:२४

रोमी 3:20

मिनु अरेशो लोव़ पशा, सुइ ठीक मदुम्‍नीम। मारदे हना आ अरेशो लोव़ तुइश्‍शा, गो मरिम्‍शो पाइब बाक्‍नय, दे तुइक्‍नय। भजन संग्रह १४३:२; गलाती २:१६; रोमी ७:७

रोमी 7:22

गो आं थुंमी परमप्रभु यावे आ अरेशो लोव़ दाक्‍शा ग्‍येरसीनुङ।

रोमी 7:7

मिनु मुल मार दें‍य देंशा हना, परमप्रभु यावे आ अरेशो लोव़मी पाप बाक्‍बा? मो देंशो ममिम्‍चा। परमप्रभु यावे आ अरेशो लोव़ मपढेङा सम्‍म गो पाप मतुइक्‍तु। परमप्रभु यावे आ अरेशो लोव़मी “मुर आन मार मार तशा मवलो” दे मब्रेक्‍शो हना, वाल्‍चा आ पर्बम गो मारेइ मतुइक्‍तु वा। प्रस्‍थान २०:१७

गलाती 2:19

गो यहूदी आन पतीके आन पर्बम बेक्‍शो मुर दुम्‍ती। ख्रीस्‍त नु काथा शीम कांटी थोक्‍शा, क्‍याइश्‍शा साइक्‍चा पुंइसाक्‍यी। मुल गो परमप्रभु यावे आ दाक्‍शो पा ब्रोंइनुङ।

गलाती 3:21

अरेशो लोव़ नु परमप्रभु यावेमी गेशो लोव़ मगारचा ङा लोव़ नसी ङा? ममाइ। ब्रोंइचा गेचा कली अरेशो लोव़ का गेशो हना, थमा पा ठीक पतीके अरेशो लोव़ रे पा दुम वा। रोमी ८:२-४

ब्‍यवस्‍था 16:11

मिनु गेपुकी, इन तमी तौपुकी, वाइलीम वाइल, इन सहरम बाक्‍शो लेवी आ थर ङा मुरपुकी, इन दातेमी बाक्‍शो अर्को रागी ङा मुरपुकी, रोम रोइक्‍च नु आन वोंइश बेक्‍शो मीश मुर नेल्‍ल परमप्रभु यावे, इन परमप्रभु आ नें वोइक्‍चा कली नोले योव़शो बाक्‍तीकेमी मेको आ ङोंइती ग्‍येरसीचा माल्‍नीनी।

ब्‍यवस्‍था 16:14

मिनु गेपुकी, इन तमी तौ, इन वाइलीम वाइल, इन सहरम बाक्‍शो लेवीपुकी, अर्को रागी ङा मुरपुकी, रोम रोइक्‍च नु आन वोंइश बेक्‍शो मीश मुरपुकी, नेल्‍लेमी ग्‍येरसीशा मेको चाड मानेचा माल्‍नीम। ब्‍यवस्‍था २६:११; यसैया ३०:२९