भजन संग्रह 19:13 - Sunuwar Bible

¹³ इन गेय पाइब कली ठेयब लेश्‍शो दुम्‍तीक रे तेक्‍कीन। ठेयब लेश्‍शो दुम्‍तीकेमी आं कली हुकुम मपवल। मोपा गो दोस नु हेंथे पतीक रे ब्रोंइनुङ।

भजन संग्रह 19:13 ပူးပေါင်းရင်းမြစ်များ

भजन संग्रह 119:133

आं कली इन थोक्‍शा पशो लोव़ ङा लां गाक्‍पाइय्‍यीनी। मरिम्‍शो पतीकेम आं कली हुकुम पचा मगेने।

प्रेरित 24:16

मोपतीके गो परमप्रभु यावे नु मुर आन ङोंइती रिम्‍शो पाइनुङ, दे आं थुं फ्रेंशा बाक्‍नुङ। प्रेरित २३:१

१ सामुएल 25:39

मिनु दाऊदम नाबाल बेक्‍शो लोव़ नेंशा मेकोमी “परमप्रभु यावे ठेयब बाक्‍ब। मारदे हना मेकोमी आं कली मरिम्‍शो पशो आ पर्बम नाबाल कली सजाइ गेप्‍तु। मिनु आ गेय पाइब, आं कली मरिम्‍शो पतीक रे तेक्‍ती। नाबाल आ मरिम्‍शो पशो आ पियामीन मोइक्‍तु” देंमाक्‍त। मिनु दाऊदमी अबीगेल कली आ मीश सेल्‍चा कली लोव़ पथ मुर सोइक्‍ता बाक्‍त।

भजन संग्रह 7:10

परमप्रभु आं तेक्‍तीके बाक्‍ब। मेकोमी रिम्‍शो थुं पाइश्‍शो आन कली श्‍येत रे प्रोंइब।

भजन संग्रह 84:11

मारदे हना परमप्रभु, परमप्रभु यावे नां नु तेक्‍तीक बाक्‍ब। परमप्रभु यावेम ठेयब दुम्‍तीक नु मान गेब। मेकोमी ठीक लां खोइक्‍ब आन कली रिम्‍शो पाइब।

उत्पत्ती 20:6

मिनु परमप्रभुमी मेको आ ङोमुमी “गे रिम्‍शो थुंमी पाप्‍तीवी। गो तुइक्‍नुङ। मोपतीके गो इ कली मेको कली थिचा मगेथु, आं ङोंइती मरिम्‍शो पचा मगेङ।

२ पत्रुस 2:10

मिनु सु सु आन दला दाक्‍स नु ग्रांग्रा दिचा ङा गेय पाइनीमी नु अधिकार गेशो आन कली मटीनीमी, मेकोपुकीमी नेल्‍ल क्‍येङा शुश सजाइ ताइनीम। मोदेंशो जोल पा शेंब काइ महिंब दुम्‍शा, ठेयब लेश्‍शा, थमा सुइक्‍ब आन कली शुक्‍शी पचा महिंनीम।

भजन संग्रह 18:23

मिनु मेको आ ङोंइती गो दोस मताइब बाक्‍ती। मिनु गो ठीक मपतीके रे ङोन बाक्‍ती।

भजन संग्रह 11:7

परमप्रभु यावे ठीक पाइब बाक्‍ब। मोपतीके ठीक पतीके दाक्‍ब। मिनु रिम्‍शो थुं पाइश्‍शो मुरपुकीमी आ कुल ताइनीम। मत्ती ५:८

प्रस्‍थान 21:14

तन्‍न मुर कामी अरु कली ‘गो साइक्‍नुङ’ दे मेको कली साइक्‍तु हना, मेको मुर कली आं चढ़ेतीक रे लाइश्‍शा, साइक्‍चा माल्‍ब। १राजा २:२९-३०

लेवी 4:2

“गे इस्राएली आन कली ‘परमप्रभु यावेमी मपचा, दे शेंशो सुइ मुरुमी मतुइक्‍थु पाप पाप्‍तु हना,

लेवी 4:13

इस्राएल ङा मुर नेल्‍लेमी मतुइक्‍थु पाप पशो बाक्‍तेक्‍म हना, परमप्रभु यावेमी मपचा दे शेंशो मारेइ पशो बाक्‍तेक्‍म हना, मेको पाप मेको मुर आन दातेमी ख्रुइश्‍शो बाक्‍त हना यो, मेकोपुकी दोस ताइब दुम्‍नीम। गन्‍ती १५:२२-२६

लेवी 4:22

मिनु सासन पाइब कामी मतुइक्‍थु, परमप्रभु यावेमी मपचा, दे शेंशो पाप पाप्‍तु हना, मेको दोस ताइब दुम्‍ब।

लेवी 4:27

मिनु मुर आन दाते ङा कामी मतुइक्‍थु पाप पाप्‍तु हना, परमप्रभु यावेमी मपचा, दे शेंशो पाप्‍तु हना, मेको दोस ताइब दुम्‍ब।

अय्‍युब 34:32

आं मतुइश्‍शो आं कली शेंदीनी। गो मरिम्‍शो पाता हना यो, मुल रे मो मपाइनुङ’ देंब।