भजन संग्रह 18:8 - Sunuwar Bible

⁸ आ नें रे कुन कुत। आ शोव़ रे ठेयब मी ग्रूशा, ब्रशो कोइला हुरुर पा बेरतेक्‍म। प्रस्‍थान १९:१८

भजन संग्रह 18:8 ပူးပေါင်းရင်းမြစ်များ

उत्पत्ती 19:28

मिनु सोदोम नु गोमोररा सहर ङा दिंम ङा रू नेल्‍ल कोव़ङा बाक्‍त। मिनु मेको सहर निक्‍शी नु रू नेल्‍ल रे ठेयब चुप्‍लु ङा मी खोदेंशो पा कुन ग्रूशो तवा बाक्‍त।

अय्‍युब 41:19

मेको आ शोव़ रे रांको नु मी आ फिलीङगो ग्रूनीम।

भजन संग्रह 104:32

गे रागी कली कोव़नीनु, मेको ख्रिंख्रि पाइब। गे डांडा कली थिनीनु, कुन ग्रूब।

भजन संग्रह 11:6

परमप्रभुमी आ अरेशो मटीब आन तारी मी नु गन्‍धक यिपाइक्‍ब। मिनु मेको आन तारी होश फश पपाइक्‍ब। मरिम्‍शो पाइब मोदेंशो पाइक्‍चा पुंइसीशो बाक्‍नीम।

भजन संग्रह 21:9

इन जाक्‍ची ना मेको आन कली ठेयब चुप्‍लुम हुम्‍शो खोदेंशो पा हुम्‍नीनी। परमप्रभु यावे, गे चुरशा, मेको आन कली दाक्‍शो खोदेंशो पा मीम दाक्‍पाइक्‍नीनी।

भजन संग्रह 50:3

आंइ परमप्रभु जाक्‍शा, सिक्‍सी पा मबाक्‍ब। मेको आ ङोंइती ग्राव ग्रु दाक्‍ब मी ब्राइब। मिनु आ एर ओंथ नेल्‍ले कुमीर गिमीर पा फश गिवार पाइब।

भजन संग्रह 74:1

परमप्रभु, गे मारदे आंइ कली मदाक्‍थु, गेना हना यो प्रोंइनीनी? इन भेडा आन कली तशा मारदे गाइक्‍नीनी?

यसैया 24:18

मिनु सु सु शुश हिंचा ङा रेयके नेंशा प्रोक्‍नीमी, मेको बिक्‍तीकेम बिक्‍नीम। सु सु बिक्‍तीके रे ग्रूनीमी, मेको ब्‍वारदम रेत्‍नीम। मारदे हना सरीङ ङा झेल रोक्‍सीशो बाक्‍नीम। मिनु रागी आ जग हिम्‍सीशो बाक्‍ब। येरमीया ४८:४३-४४; आमोस ५:१९; उत्‍पत्ती ७:११

दानीएल 7:10

मिनु मेको शुश बर्स दुम्‍शो का आ ङोंइती रे मी के खोला खोदेंशो पा ग्रूत। मिनु हजार हजार आ स्‍वर्ग ङा गेय पाइबमी मेको कली गेय पाम्‍तेक्‍म। मिनु १०, १० हजार मेको आ ङोंइती बाक्‍तेक्‍म। मिनु मेको निसाफ पचा कली निस्‍साक्‍म। मिनु किताबपुकी प्राक्‍शा वोइक्‍तेक्‍म। प्रकाश ५:११; भजन संग्रह ६९:२९; प्रकाश २०:१२

लेवी 10:2

मिनु परमप्रभु यावे आ ङोंइती रे मी ग्रूशा, मेको आस कली ग्रु दाक्‍तु। मोपा मेको निक्‍शी परमप्रभु यावे आ ङोंइती बेक्‍ताक्‍स।

आमोस 4:11

मिनु परमप्रभु यावेमी “गो इन दाते ङा का निक्‍शी आन कली सोदोम नु गोमोररा कली खोदेंशो पा खतम सेल्‍ता। गे ब्रशो मी रे पा ग्रुंइशो बुल्‍सी खोदेंशो बाक्‍तीनी। मो हना यो गेपुकी आं गे मलेन्‍नी” दे परमप्रभु यावेमी देंत। उत्‍पत्ती १९:२४-२५; जकरिया ३:२

गन्‍ती 11:1

मिनु परमप्रभु यावेमी मुर आन श्‍येत जशो आ पर्बम गन गन पशो नेंतु। परमप्रभु यावेमी मेको नेंशा, शुश गाइक्‍ताक्‍व। मिनु परमप्रभु यावे गाइश्‍शा, मुर आन बाक्‍तीके गे मी सोइश्‍शा, एर सुर मीम नेक्‍पाइक्‍तु। लेवी १०:२

गन्‍ती 16:35

मिनु परमप्रभु यावे रे मी ग्रूशा, मेको सहे निक्‍शी ५० जना धूप चोइब आन कली दाक्‍तु। लेवी १०:१-२; भजन संग्रह १०६:१७-१८

ब्‍यवस्‍था 29:20

मिनु परमप्रभु यावेमी मोदेंशो मुर आ पाप मक्‍याम्‍ब। परमप्रभु यावे मेको कली तशा, आ गाइक्‍चा नु आ गेहे पतीके मी खोदेंशो पा ब्राइब। मिनु मेको अरेशो लोव़ ङा किताबम ब्रेक्‍शो सराप नेल्‍ल मेको मुर कली राइब। मिनु परमप्रभु यावेमी मेको आ नें रागी रे क्‍याम्‍ब। ब्‍यवस्‍था २८:१५-६८

प्रकाश 11:5

सु सुमी मेको निक्‍शी आस कली बिग्रेचा माल्‍नीमी, मेको साइक्‍चा पुंइसीनीम। दोपा साइक्‍चा पुंइसीनीम देंशा हना, मेको आस शोव़ रे मी ग्रूशा, मेको साइक्‍चा पुंइसीनीम।